44 episodes

بودكاست ديال يوسف العلالي مغربي ساكن فباريس و كانستقبل ناس من الوسط ديالي كيعاودولنا حياتهم

التجربة Tajriba - Podcast Youssef El Allali

    • Education

بودكاست ديال يوسف العلالي مغربي ساكن فباريس و كانستقبل ناس من الوسط ديالي كيعاودولنا حياتهم

    #44 - Adnane Addioui - المقاولات الاجتماعية و التغيير المنهجي

    #44 - Adnane Addioui - المقاولات الاجتماعية و التغيير المنهجي

    فهاد الحلقة هضرت مع عدنان عديوي. عدنان اسم تقريبا كلشي كيعرفو فمجال المقاولات الاجتماعية و عطانا عدد من المشاريع الهادفة الي عاونات بزاف ديال المغاربة و المغربيات. عدنان هو مؤسس المركز المغربي للتحديث و المقاولات الاجتماعية. هو فاعل فالمجال الجمعوي منذ سنوات رغم أنه باقي شاب. كيشغل حاليا كذلك منصب كعضو فاللجنة الملكية المكلفة بالنموذج التنموي و ربما هو من أصغر أعضاء اللجنة. هضرنا فهاد الحوار على كيفاش نقدرو نخلقو دينامية جديدة بفضل الأساليب و التكنولوجيا الجديدة. هضرنا على المسار ديالو و التاريخ ديالو و هضرنا حتى على المشاكل الي كيعاني منها المجال و الحلول الي ممكن تتطرح فالمستقبل. حوار واعر مع إنسان موهوب، خلاق و ذكي. نتمنى تستافدو منو. Adnane Addioui - Social Entrepreneur, Moroccan Center for Innovation and Social Entrepreneurship

    • 1 hr 24 min
    #43 - Hind Lebdaoui, PhD - واش البنوك الإسلامية تقدر تحل المشاكل الاجتماعية؟

    #43 - Hind Lebdaoui, PhD - واش البنوك الإسلامية تقدر تحل المشاكل الاجتماعية؟

    فهاد الحلقة هضرت مع هند لبداوي الي قرات فالمدرسة الوطنية ديال التجارة و التسيير فأكادير و من بعد كملاتها ب ماستر فالاقتصاد و المالية فجامعة شانغهاي للاقتصاد، الي كاتعتبر من أفضل جامعات الاقتصاد فالصين. و خلافا لما هو معروف، هند قدرات تلقى منصب ديال أستاذة باحثة فجامعة شانغهاي مباشرة من بعد الدكتوراه ديالها. ليوما هند رجعات للمغرب و كاتخدم أستاذة باحثة فجامعة الأخوين فإفران. هند عندها مجموعة من الجوائز و مختصة فالمواضيع المتعلقة بالاقتصاد الإسلامي. فهاد الحوار هضرنا على المسار ديالها و كيفاش حتى مشات للصين، ثم هضرنا على مجال التخصص ديالها و عطاتنا نتائج البحوث ديالها فمجال الاقتصاد و المالية.Hind Lebdaoui, PhD - Professor, Al-Akhawayn University - Top 100 powerful women in Islamic Finance

    • 1 hr 1 min
    #42 - Aboubakr Jamaï, MBA - شنو الأسباب السياسية ديال فشل الاقتصاد المغربي؟

    #42 - Aboubakr Jamaï, MBA - شنو الأسباب السياسية ديال فشل الاقتصاد المغربي؟

    الأستاذ ابو بكر الجامعي كيعرفوه بزاف ديال الناس من خلال القصة ديالو مع "الجريدة الأسبوعية" و كيفاش حتى اضطر أنه يخرج من المغرب فـ 2010 من بعد ما تم حجز الممتلكات ديالو. الأستاذ أبوبكر عندو MBA من أوكسفورد و MPA من هارفارد، كما أنه فالأصل مقاول و غيور على الوطن ديالو. هاد القصة الي عاود لنا فهاد البودكاست بدات من قبل الانغماس ديالو فالسياسة. رجعنا معاه ملي كان باقي صغير و كيحلم يرجع مقاول غني. بما أن الأستاذ ابوبكر عندو ثقافة موسوعية و كيخدم حاليا على بحوث فالاقتصاد و المشاكل جيوسياسية ديال الدول، اعطانا التحليل ديالو فيما يخص الوضعية فالمغرب قديما و حاليا. قدرنا نهضرو على القصة ديالو و فالهامش على بزاف ديال المواضيع الشائكة. اتفقنا أو اختلفنا معاه كاتبقى التجربة ديال فريدة من نوعها و أنا شخصيا استفدت بزاف منها.Aboubakr Jamaï, MBA, MPA - Dean, IAU College

    • 2 hrs 12 min
    #41 - Hamza Bourbouh - الخدمة فناسا، الرحلات الفضائية، و أكاديمية الفهرية

    #41 - Hamza Bourbouh - الخدمة فناسا، الرحلات الفضائية، و أكاديمية الفهرية

    فهاد الحلقة من البودكاست هضرت مع حمزة بوربوح الي هو واحد من المغاربة القلالين فالتاريخ الي خدمو مع وكالة ناسا. بوربوح عاود لنا كيفاش حتى سمحت له الفرصة يخدم معاهم و شناهوما الظروف ديال الخدمة فناسا. هضرنا بزاف على موضوع البحث ديالو و تعمقنا فالتفاصيل التقنية و لكن من بعد خرجنا و هضرنا على الصناعة الفضائية بشكل عام و مستقبل الرحلات الي كتسوقها SpaceX و BlueOrigin. و من بعد هضرنا على التوجيه و المشروع الي خلقو ديال التعليم عن بعد الي سميتو أكادمية الفهرية. حلقة اسمتعت بها بزاف و استفدت بزاف ديال الحاجات جدادين.Hamza Bourbouh - Researcher, NASA

    • 1 hr 38 min
    #40 - Zakaria Ghassouli - حوار مع الرئيس التنفيذي ديال موقع أفيتو

    #40 - Zakaria Ghassouli - حوار مع الرئيس التنفيذي ديال موقع أفيتو

    فهاد الحلقة من البودكاست هضرت مع زكريا غسولي الرئيس التنفيذي ديال موقع أفيتو. هضرنا على المسار ديالو من جامعة القاضي عياض لكيفاش حتى فتح أول شركة ديالو و هو باقي طالب ثم التحاقه بموقع أفيتو حتى ولا رئيس تنفيذي فيه. زكريا عطاني كذلك بزاف ديال المعلومات و الوسائل الي استعملها و باقي كيستعملها موقع أفيتو باش يطور البزنس ديالو. هضرنا على النموذج الاقتصادي ديال الموقع و أسرار النجاح ديالو. المهم بودكاست واعر فيه بزاف ديال المعلومات ننصحكم تسمعو له. Zakaria Ghassouli - CEO, Avito.ma

    • 1 hr 10 min
    #39 - Ismael Belkhayat, MBA - كيفاش تخلق بزاف ديال المقاولات و تنجح دايما؟

    #39 - Ismael Belkhayat, MBA - كيفاش تخلق بزاف ديال المقاولات و تنجح دايما؟

    فهاد الحلقة من البودكاست هضرت مع اسماعيل بلخياط الي عندو مسار دراسي ممتاز، داز من الأقسام التحضيرية و قرا فواحدة من أفضل مدارس فرنسا ديال التجارة و من فوق هادشي قبلاتو Cornell فـ MBA واخا ما كان عندو حتى شي تجربة فالخدمة، ثم خدم كمستشار استراتيجي ديال شركات كبار و منظمات حكومية ما بين فرنسا و المغرب. و من بعد سمح فهادشي باش يبدى مقاولات ديالو فالتكنولوجيا فالمغرب. ليوما هو ربما واحد من أنجح المقاولين فالمغرب. إذا بغيتو تعرفو السر ديال هادشي و كيفاش كيطور المقاولات ديالو سمعو هاد البودكاست. Ismael Belkhayat, MBA - Serial Entrepreneur, Sarouty.ma/Chari.ma/VotreChaufeur.ma

    • 1 hr 7 min

Top Podcasts In Education

Listeners Also Subscribed To