နေ့စဉ် တီဗွီသတင်းလွှာ - ဗွီအိုအ‪ေ‬ VOA ဗီြအို (Burmese)

အီရန်သမ္မတ Ebrahim Raisi ဟာ မနေ့က ရဟတ်ယာဉ်ပျက်ကျပြီး သေဆုံးသွားကြောင်း အီရန်အစိုးရ သတင်း ထုတ်၊ ဂါဇာတောင်ပိုင်း Rafah မြို့က မြေပြင် စစ်ဆင်ရေးတွေကို တိုးမြှင့်ဆောင်ရွက်သွားဖို့ သံန္နိဌာန်ချထားကြောင်း အစ္စရေးကာကွယ်ရေးဝန်ကြီးပြော၊ ယူကရိန်းနိုင်ငံ Kharkiv မြို့အပြင်ဘက် လူစည်ကားတဲ့ အပန်းဖြေစခန်းတခုကို ရုရှားက ဒုံးကျည်နဲ့ တိုက်ခိုက်

ဂါဇာအတွက် ပထမဆုံး ရေကြောင်း အကူအညီတွေ အမေရိကန်ဆိပ်ခံတံတားသစ်ကနေ ပို့၊ ခရိုင်းမီးယား ကျွန်းဆွယ်နဲ့ ရုရုားနယ်မြေထဲကို ယူကရိန်းက ဒရုန်းတွေနဲ့ တိုက်ခိုက်ခဲ့လို့ ကလေးငယ်တဦး အပါအဝင် လူ ၂ ဦး သေဆုံးခဲ့သလို၊ ရေနံချက်စက်ရုံတခု မီးလောင်၊ ဒေါ်အောင်ဆန်းစုကြည် မိသားစုပိုင် တက္ကသိုလ်ရိပ်သာလမ်း နေအိမ်ကို လေလံတင်ရောင်းချဖို့ တရားရုံးက သတ်မှတ်ပေးတဲ့ ဈေးနှုန်းကို ပြင်ဆင်ပေးဖို့ အကိုဖြစ်သူ ဦးအောင်ဆန်းဦးဘက်က ကြိုးစားနေ

ယူကရိန်းအရေးကို နိုင်ငံရေးနည်းလမ်းနဲ့ ဖြေရှင်းဖို့ လိုအပ်တယ်ဆိုတာကို ရုရှား နဲ့ တရုတ် သဘောတူတယ်လို့ တရုတ်သမ္မတ Xi ကပြော၊
ဂါဇာမြောက်ပိုင်းမှာ အစ္စရေးတင့်ကားမီးလောင်မှုအတွင်း အစ္စရေးစစ်သား ၅ ယောက်သေဆုံးခဲ့ကြောင်း အစ္စရေးစစ်တပ်ပြော၊
မြန်မာနိုင်ငံအတွက် လူသားချင်း စာနာထောက်ထားမှု အကူအညီတွေ ပေးနိုင်ရေးနဲ့ အာဆီယံ အစည်းအဝေးတွေမှာ မြန်မာနိုင်ငံ ပါဝင်နိုင်မယ့် အခြေအနေတွေကို စစ်ကောင်စီနဲ့ အာဆီယံကိုယ်စားလှယ်တွေ နေပြည်တော်မှာ တွေ့ဆုံဆွေးနွေးကြပါတယ်။

ရုရှားရဲ့ ထိုးစစ်အသစ်တွေနဲ့ ရင်ဆိုင်နေရတဲ့ ယူကရိန်းနိုင်ငံသားတွေ စိတ်ဓာတ်တက်ကြွလာစေရေးအတွက် အမေရိကန်နိုင်ငံခြားရေး ဝန်ကြီးအားပေး၊ ဂါဇာတောင်ပိုင်း Rafah မှာ အစ္စရေးရဲ့ ထိုးစစ် ချက်ခြင်း ရပ်တန့်ဖို့ EU ဥရောပသမဂ္ဂတောင်းဆို၊ တရုတ်အစိုးရရဲ့ ကြားဝင်စေ့စပ်မှုအရ မြန်မာစစ်ကောင်စီနဲ့ တိုင်းရင်းသားလက်နက်ကိုင် ညီနောင်မဟာမိတ် ၃ ဖွဲ့ တို့ ကူမင်းမြို့မှာ မနေ့ကစတင် ဆွေးနွေး

အမေရိကန် စစ်လက်နက်အကူအညီတချို့ ယူကရိန်းကို ရောက်နေပြီး ဖြစ်ပြီး ထပ်ပြီး ရောက်လာဖို့လည်း ရှိတယ်လို့ အမေရိကန် နိုင်ငံခြားရေးဝန်ကြီး Antony Blinken က ယူကရိန်း သမ္မတ ဇာလန်းစကီး နဲ့တွေ့ဆုံချိန်မှာ ပြော၊ဂါဇာဒေသတောင်ပိုင်း Rafah မြို့ကနေ ပြီးခဲ့တဲ့ သီတင်းပတ်ထဲ စွန့်ခွာ ထွက်ပြေးတဲ့သူ ၄ သိန်းခွဲ နီးပါး ရှိမယ်လို့ ခန့်မှန်းကြောင်း ပါလက်စတိုင်း ဒုက္ခသည်ရေးရာ ကုလသမဂ္ဂအေဂျင်စီပြော၊မြန်မာနိုင်ငံက ပဋိပက္ခတွေအကြား ပြည်တွင်း အိုးအိမ်စွန့်ခွာ ထွက်ပြေးသူ IDP အရေအတွက် ၁၃ သိန်း လောက် ရှိတဲ့အကြောင်း IDMC ခေါ် ပြည်တွင်း အိုးအိမ်စွန့်ခွာထွက်ပြေးသူများ လေ့လာစောင့်ကြည့်ရေးအဖွဲ့က အစီရင်ခံစာ ထုတ်ပြန်။

အစ္စရေးနဲ့ ဟာမတ်စ်အဖွဲ့အကြား ဂါဇာ တောင်ပိုင်းမှာရှိတဲ့ Rafah မြို့အပါအဝင် ဂါဇာမှာတိုက်ပွဲတွေ ပြင်းထန်၊ ထိုင်းမြန်မာနယ်စပ် မြန်မာနိုင်ငံက ဖြစ်ပွားနေတဲ့ စစ်ပွဲတွေကြောင့် ထိုင်းနယ်မြေအတွင်း ထိပါးရိုက်ခတ်မှုတွေကို လက်ခံမှာ မဟုတ်တဲ့အကြောင်း ထိုင်း ဝန်ကြီးချုပ်ပြော