နေ့စဉ် တီဗွီသတင်းလွှာ - ဗွီအိုအ‪ေ‬ VOA ဗီြအို (Burmese)

ယူကရိန်းရဲ့ အဓိက နျူကလီးယား စွမ်းအင်စက်ရုံကို ရုရှားက သိမ်းပိုက်ထားတာဟာ နျူကလီးယား ဓါတ်ရောင်ခြည် ဘေးအန္တရာယ်ဖြစ်လာနိုင်၊ ဟာမတ်စ်အဖွဲ့ ပြန်ပေးဆွဲတာ ခံထားရတဲ့သူတွေ အားလုံးလွတ်မြောက်လာဖို့ ကြိုးပမ်းနေတဲ့ ကမ္ဘာ့နိုင်ငံတွေ ပူးပေါင်းပါဝင်ဖို့ မိသားစုတွေတောင်းဆို၊ မြန်မာမှာကလေးကာကွယ်ဆေးထိုးမှုနှုန်း ကျဆင်းလာခဲ့ပြီး ကာကွယ်နိုင်တဲ့ ရောဂါကူးစက်နိုင်ခြေ တိုးလာ

ရုရှားဘက်ကပစ်လိုက်တဲ့ ဒုံးကျည်ကြောင့် ယူကရိန်းနိုင်ငံ Cherkasy ဒေသမှာ လူ ၆ ယောက်ထက်မနည်း ထိခိုက်ဒဏ်ရာရ၊မြန်မာ့အရေး ဖြေရှင်းနိုင်ရေး ကြားဝင် ကြိုးပမ်းရာမှာ ယခင်၊ ယခုနဲ့ အနာဂတ် လာမယ့် အာဆီယံ အလှည့်ကျ ဥက္ကဋ္ဌ သုံးနိုင်ငံနဲ့အတူ အခြားအဖွဲ့ဝင် နိုင်ငံတွေပါ ပူးပေါင်းဖြေရှင်းဖို့ ထိုင်းနိုင်ငံက အဆိုပြု။

ဂါဇာမြောက်ဘက်အခြမ်းကို အစ္စရေးကလေကြောင်းကနေ တိုက်ခိုက်၊ ယူကရိန်း၊ အစ္စရေးနဲ့ ထိုင်ဝမ်တို့ကို လုံခြုံရေးဆိုင်ရာ အကူအညီပေးမယ့် ဒေါ်လာ ၉၅ ဘီလီယံပါ အဆိုပြုချက်မူကြမ်းကို အမေရိကန် အထက်လွှတ်တော်က မဲခွဲ အတည်ပြု၊ မြန်မာပဋိပက္ခ အာဆီယံအဖွဲ့အတွင်းက အရေးပါတဲ့ နိုင်ငံတွေနဲ့ တွေ့ဆုံကြဖို့ လာအိုနိုင်ငံကို အဆိုပြု

အစ္စရေးကို ဟားမတ်စ် အကြမ်းဖက်တွေတိုက်ခိုက်ခဲ့တာ ရက်ပေါင်း ၂၀၀ ရောက်လာတဲ့နေ့မှာပဲ ကျန်နေတဲ့ ဓားစာခံတွေကို ပြန်လွှတ်ပေးဖို့ အနောက်နိုင်ငံသံတမန်တွေ ဟားမတ်စ်အဖွဲ့ကို တောင်းဆို၊ ထိုင်းမြန်မာနယ်စပ်မှာ ဖြစ်ပွားတဲ့ တိုက်ပွဲတွေထဲ ဒဏ်ရာရသူ ၄၀ လောက်ကို မဲဆောက်ဆေးရုံမှာ ဆေးကုသပေးထားကြောင်း ထိုင်းဘက်ကပြော။

အောက်တိုဘာ ၇ ရက် ဟားမတ်စ်အကြမ်းဖက် တိုက်ခိုက်တာကို မတားဆီးနိုင်ခဲ့တဲ့အတွက် အစ္စရေးစစ်ထောက်လှမ်းရေးအကြီးအကဲ ရာထူးက နှုတ်ထွက်၊ ရုရှားက ဒရုန်း ၇ စင်း၊ ပဲ့ထိန်းဒုံးကျည် ၃ စင်းနဲ့ တိုက်ခိုက်ခဲ့ပြီးတော့ ဒရုန်း ၅ စင်းကို ယူကရိန်းတောင်ပိုင်းမှာ ကြားဖြတ်ပစ်ချ၊ မြဝတီမြို့မှာတိုက်ပွဲတွေ လျော့ကျလာနေတဲ့အတွက် ထိုင်းဘက် ခိုလှုံနေတဲ့ မြန်မာစစ်ဘေးဒုက္ခသည်အများစု နေရပ်ပြန်

အီရန်နိုင်ငံ Isfahan မြို့ကို သောကြာနေ့မနက်ပိုင်း အစ္စရေးက ဒုံးကျည်တွေနဲ့ တိုက်ခိုက်၊ ကမ္ဘာ့စီးပွားရေးအင်အားကြီး ၇ နိုင်ငံရဲ့ G7 နိုင်ငံခြားရေးဝန်ကြီးများ စည်းဝေးပွဲမှာ ယူကရိန်းရဲ့ လေကြောင်းရန်ကာကွယ်ရေးကို အားဖြည့်ပေးဖို့ ဆုံးဖြတ်၊ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ကို အကျဉ်းထောင်ကနေ ပြောင်းရွှေ့လိုက်တယ်ဆိုတဲ့ သတင်းတွေ ထွက်ခဲ့ပေမဲ့ စစ်ကောင်စီဘက် အတည်ပြုချက် မပေး