Dr. Dima Rabadi Dr. Dima Rabadi
-
- Sociedad y cultura
I am Dima Rabadi. Cybersecurity research scientist, food lover, and very talkative person. I am a Jordanian who speaks Arabic and I live in the lovely country of Singapore. I publish my diary writing and stories for fun and as my hobby. I hope you like it as much as I do!
-
-
On Hold ⌛️🔴
بمضي الوقت وانت مع حالك، مش مع حالك مع حالك لا، مع حالك وافكارك وصوتك وعالمك الخاص.. بتكون مبسوط و مروق وعلى اخر طراز، بلحظه بتحكي خليني اطلع اغير جو، بتقعد معهم مع الكتير منهم، بسألوك كيف حالك ؟ وبترد وبتحكي : منشكر الرب كله تمام وعلى حطة ايدك. المشكله انهم ما بسكتو، بكملو الجواب بسؤال شو جديدك ؟؟ و شو بتخبرنا اشي جديد ؟! وشو في ما في ؟ .... و بتتذكر انه ياربي، انه من زمان ما كان عندك اشي جديد، وانه من بدياة ٢٠٢٠ وانت حاطط on hold على اشياء واهداف كانت المفروض تكون جواب لسؤالهم "شو جديدك" وبترجع تحكي اصلاً اصلاً No news is good news.
هسا انت ما فيك اتلومهم، تعودنا نجاوب السؤال بسؤال، وتعودنا يكون عنا اشي جديد... همه بحكو انه اصعب اشي بكورونا كان المرض ومنع السفر، بس بالنسبه الك اصعب اشي انك توقف شغل على احلامك وتخترع احلام تانيه موقته من رايك مش احلام وانما اشبه بمقولة "احلام خبزنا كفاف يومنا". 🍀♥️ -
عطر نيسان == The smell of April
My first Podcast!
وبسألوني مين عتم قلبك ؟ بسألوني مين طفى ضوك.. بسألوني شو صار ب نيسانك؟ ما انتي الي بتحكي ما في أحلى من نيسان حتى لو ابتدا بكزبه شو صار بالكزبه وشو صار ب ورد و عطر نيسان نيسان الي ما ضل حكواتي الا و تغنى فيه ... شو بدي احكيلهم ؟ نيساني بدو نسيان؟ نيساني بلش بكزبه لصدقتها ومشيت فيها وكل فكري ورد نيسان بدلني للطريق عطر نيسان بيهديني ل ما حيّد عن الطريق اتاري ورودك وعطرك يا نيسان ما بدهم الا النسيان بتعرف شو مشكلتي يا نيسان ؟ الظاهر انك نسيت اني انا بنت من اخر اسبوع فيك و بعمري ما نسيت ... انا كلي نسخه منك يا نيسان اصعب اشي فيك النسيان يا نيسان وأصلاً أصلاً يا نيسان كل الورد والعطر و الدفا والكزب بأوله ما بيحلى الا فيك
♥️🌿