یوه موضوع، څو زاویې - Voice of America امریکاغږ پښتو VOA Pashto

د افغانستان لپاره د ملګرو ملتونو د ځانګړې استازې روزا اوتونیایووا له قوله خبر ورکړ شوی چې د دوحې په درېیمه غونډه کې به په افغانستان کې د خصوصي سکتور، بانکدارۍ او د مخدره موادو پرضد د مبارزې پر مسایلو هم خبرې وشي.

پداسې حال کې چې د امریکا د متحده ایالتونو ولسمشریزې ټاکنې رانږدې کیږي، جو بایډن او ډونالډ ټرمپ خپلو ټاکنیزو مبارزو ته زور ورکړی دی. د یوه موضوع څو زاویې په دې اونیزه خپرونه کې د جو بایډن او ډونالډ ټرمپ د پالیسیو توپیر ته کتنه شوې ده.

د روغتیا نړیوال سازمان په یو راپور کې ویلي چې د افغانستان په شمال، شمال ختیځ او لویدیځ کې د وروستیو سیلابونو څخه په اغیزمن شویو ولایتونو کې وضعیت لا هم بحراني دي او په دغو ولایتونو کې د خلکو زیاتیدونکو بشري او صحي مشکلاتو ته د رسیدو په هدف عاجلو مرستو ته اړتیا ده.

د یوه موضوع، څو زاویې په خپرونه کې په غزه کې د وضعیت او د اسرائیل او حماس د روانې جګړې پر نورو خواوو راپورونه او شننې خپریږي.

په نړۍ کې د رسنیو د ازادۍ د شاخص په اساس چې د بې پولو خبریالانو سازمان ترتیب کړی، افغانستان د خبریالانو لپاره د نړۍ په بدو هیوادونو کې راغلی دی. د طالبانو محدودیتونو سلګونه افغانې خبریالانې او خبریالان له افغانستان څخه وتو ته اړ ایستلي دي.

وروسته له هغه چې په افغانستان کې د کوکنارو کرل منع شول، د زینتي ګلانو پالل او زراعتي کښتونو ته پام زیات شوی دی. د یوه موضوع څو زاویې په دې اونیزه خپرونه کې، په افغانستان کې بدیل معیشت ته کتنه شوې ده.