SBS Khmer - SBS ខ្មែ‪រ‬ SBS Audio

វៀតណាម តាមរយៈអ្នកនាំពាក្យក្រសួងការបរទេស អ្នកស្រី Pham Thu Hang បានថ្លែងតាមកាសែត The Saigon Times របស់វៀតណាម ផ្សាយថា វៀតណាម ត្រូវការឱ្យកម្ពុជា ចែករំលែកព័ត៌មាន អំពីគម្រោងជីកព្រែក ហ្វូណនតេជោ ដែលភ្ជាប់ការដឹកជញ្ជូនតាមផ្លូវទឹក ពីភ្នំពេញ ទៅកាន់សមុទ្រ នៅក្នុងទឹកដីកម្ពុជា។

កងទ័ពចិន បានបញ្ជូននាវាយោធា ២គ្រឿង ចូលចតនៅកំពង់ផែរាម ដែលជាមូលដ្ឋានកងទ័ពជើងទឹករបស់កម្ពុជា។ កំពង់ផែនេះ ចិនជាអ្នកជួយកសាង ទើបតែរួច កាលពីពេលថ្មីៗនេះ។

ព័ត៌មានសំខាន់ៗសម្រាប់ថ្ងៃនេះរួមមាន៖ ** ធនាគារកណ្តាលអូស្រ្តាលី បានសម្រេចចិត្តរក្សាអត្រាការប្រាក់ឱ្យនៅ4.35%ដដែល។ **ហេរញ្ញិកសហព័ន្ធសន្យាថា នឹងផ្តល់ការសង្គ្រោះបន្ថែមលើថ្លៃចំណាយការរស់នៅ ក្នុង កញ្ចប់ថវិកាខែឧសភានេះ។ ** លោកនាយករដ្ឋមន្ត្រី ថ្កោលទោសចំពោះទង្វើរបស់យន្តហោះចម្បាំងចិន ដែលបង្កគ្រោះថ្នាក់ដល់នាវិកអាកាសចរណ៍អូស្ត្រាលី។

Australians have access to a quality and affordable public healthcare system. There's also the option to pay for private health insurance, allowing shorter waiting times and more choices when visiting hospitals and specialists. - ប្រជាជនអូស្ត្រាលីមានសំណាងដែលមានលទ្ធភាពទទួលបានប្រព័ន្ធថែទាំសុខភាពសាធារណៈ ប្រកបដោយគុណភាព និងតម្លៃសមរម្យ។ លើសពីនេះទៀត មានជម្រើសក្នុងការបង់ប្រាក់សម្រាប់ការធានារ៉ាប់រងសុខភាពឯកជន ដែលផ្តល់ពេលវេលារង់ចាំខ្លីជាង និងជម្រើសកាន់តែច្រើនជាង នៅពេលទៅមន្ទីរពេទ្យ និងណាត់ជួបជាមួយអ្នកឯកទេស។

ព័ត៌មានសំខាន់ៗសម្រាប់ថ្ងៃនេះរួមមាន៖ ** គ្រួសារ Robinson បានកំណត់អត្តសញ្ញាណសាកសពដែលបានរកឃើញនៅប្រទេសម៉ិកស៊ិក ថាជាកូនប្រុសរបស់ពួកគេ។ ** កញ្ចប់ថវិកាបង្ការអំពើហឹង្សាក្នុងគ្រួសារ និងជំនួយគាំទ្រ ចំនួន 230 លានដុល្លារសម្រាប់រដ្ឋញូសៅវែល។ ** គេរំពឹងថាប្រាក់ចំណូលពន្ធនឹងកើនឡើង 25 ពាន់លានដុល្លារក្នុងរយៈពេល 4 ឆ្នាំខាងមុខ។

**រដ្ឋាភិបាលសហព័ន្ធនឹងបោះទុនរាប់រយលានដុល្លារ ចូលទៅក្នុងកម្មវិធីគេចចេញពីអំពើហឹង្សាក្នុងគ្រួសារ។ ** លោកហេរញ្ញិក Jim Chalmers និយាយថា អូស្ត្រាលីនៅតែមានទំនាក់ទំនងល្អជាមួយប្រទេសឥណ្ឌា ទោះបីជាមានការបណ្តេញសំបុកចារកម្មឥណ្ឌាចេញពីប្រទេសក៏ដោយ។ ** Qantas ស៊ើបអង្កេតលើកម្មវិធីAppរបស់ខ្លួន ខណៈដែលអតិថិជនរាយការណ៍ថា មានសិទ្ធិចូលប្រើទិន្នន័យរបស់អ្នកដទៃ។