Faggudu e ɓamtaare Afrik RFI Fulfulde
-
- Business
RFI Fulfulde heblanan on yontere kala, taskaram yewtanɗo fii faggudu. En jokkoto mbayliiguuji waɗanɗi e nder dunuyaaru hella ka faggudu e battane ko ɗum woni accude e nder renndooji. Ngalu, ɓamtaare, luumooji Afrik e winndere, ɗii fow fensitete, laɓɓinee e nder ndii njuɓɓudi. Sincuɓe kafalji, yiilooɓe sosiyeteeji, hertiyankooɓe, laamɓe, yeeyooɓe, soodooɓe e kala dillooɓe baŋŋe faggudu aran seeditoo e oo taskaram.
-
Caɗeele taskaaɗe e ngal galbal (daral) Kerkesedugu, rewo Koddiwaar sabu rafi kisal ngonɗi Mali e Burkina Faso
Hannde, yewtere ndee ana fawii e dow golleeji e cofte ngaɗeteeɗe e ley galbal (daral) Kerkesedugu, galluurewonnde rewo Koddiwaar. Golleeji laƴuɗi hannde sanne saabu fitnaaji ngooduɗi Burkina Faso e Mali.Nde wonnoo, yeeyooɓe ɗuuɗuɓe ana kuli yaade somoyaade e ɗen leyɗe. Min yewtidii e yoga e golleeɓe e ley ngal galbal.
-
Gine: oogirɗe ɗo kaŋŋe e jaaman asirtee juuɗe dartinaama e leydi ndii faa ndunngu ngun ƴaɓɓoo
Hannde, en njewtan e dow ngal pellital, naa (walla) mbi'en yamiroore nde laamu Gine ɓami e ɗee ñalaaɗe jooninɗe ko yowitii e uddude kala Oogirɗe kaŋŋe e Jaaman, faa ndunngu nguu ƴaɓɓoo. E yewtere nde min jaɓɓike Mammadu Lamaraana Jallo, oo keertaniiɗo oogirɗe. O anndinan en ko woni sabu ngal pellital, caɗeele mbaawaaɗe heɓeede e so tawii engal waawaa teddineede jaati.
-
Hesɗintingol ngaynaaka ko huunde wonnde e ɓeydaade e nder Afrik, ko holto alhaali oo fewndii Senegaal e Mali [taskaram fillitaaɗo]
Hannde, yewtere ndee ana fawii e dow hesɗintingol ne’ugol (faggitagol) daabaaji. Ne’irgol ɗii laawi kesi.Fuɗɗii ɗuuɗude e nder leyɗe Afrik. En njewtidan e yoga wonuɓe e ngol marol taweteeɗe Senegaal e Mali. Tedduɓe, nii woni mbaadi yewtere nden yewtere ndee Bismilla moon.
-
Faggudu: ko holno orngal demal moƴƴal heblirtee ngam soño ngoo kelɗa?
Hannde, en njewtan e dow heblo demal. Holko haani waɗeede yalla ndunngu moƴƴu heɓee. Ñawmri, nguure,fayi goɗɗum ko remetee goɗɗum yeeyo, hono hotolo (hottolo), heɓee E ɗum, remooɓe e laamu, kala anajogii darnde. En njewtidii e yoga e remooɓe e dunke en ndema. Ko nii woni toɓɓere yewtere ndee, Bisimilla mon.
-
Senegaal: koolol tataɓol luumo rewɓe gollanooɓe hoore mun no wi"e "salon de l'entreprenariat feminin" joɗɗinaama Dakaar ngam wallitagol rewɓe ɓen ɓe gollana hoore maɓɓe
Tedduɓe heɗiiɓe rfi fulfulde, onoon e jam. On calminaama, on njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik.Hannde, en njewtan e dow ndee hawriinde e joƴƴingol luumo balɗe ɗiɗi Dakaar, wallude golleeji rewɓe. Rewɓe njannginee, mballee keɓa ɗereeji mum en laaɓuɗi, mballiree duu jawdi ndi gollira. E ngoo luumo, rewɓe heewɓe tawaama, wadduɓe hollude ko ngolli. En njewtidii e yoga e maɓɓe, joƴƴinɓe ngoo luumo e gollirɗe tawaaɗe ton, wallirde rewɓe ɓee kaalisi.Nii woni yewtere ndee, Bisimilla mon.
-
Hono haani waɗeede faa waylitingol maangoro/manngo laato nafaa mawɗo ? keɗoɗen gollooɓe e on baŋŋe
Faggudu e ɓamtaare Afrik. Hannde, en njewtan e dow jogola e njeygu maangoro/ɓee mbii mango e faransiire Manng. Eɗen anndi e ley leyɗe menɗe, gese majjum ana keewi, so wakkati mum duu yoni, ɗum heɓete e keewal. Jonnon, lebbi seeɗa tan, ana waawata heɓude fayi ko ñaama. Ko saabi ɗum ? Hono haani waɗeede faa mbayliten Maangoro/manngo oo yalla ana yoorne, na waɗee njaram ? En njewtidii e gollooɓe ɗum e tawtude keertaniiɗo faggudu. Nii woni yewtere nde, Bisimilla moon.