NAIZ IRRATIA - Musikharia | naiz.eus Naiz Irratia

Aramaioko artistak udaberria heltzearekin bat loratu zuen bere disko berria. Sendatze moduko bat izan da diskoan kontatzen diguna, gaixo dagoen landare baten loratzearen modukoa izan dela esan daiteke. Igande honetan Azpeitiko Soreasu antzokian aurkeztuko du ‘De amar y desandar’ Idoia Asurmendik.

‘Suari so’ deitzen da metal boskote mutrikuarraren lehendabiziko diskoa. Hamaika kantu ditu, tartean Itoiz taldearen ‘Hilzori I’ kantuaren moldaketa. Jagoba Urrutia, Aitzol Collazo, Aitor Sagarmendi, Jon Joseba Azpiazu eta Ibon Aginaga dira taldea osatzen duten kideak.

Iri, Xabi, Itzal, Tejas eta Gartxot dira Bananas. Rockaren ertz desberdinetatik edaten duen taldea da, erreka desberdinek osatutako ibaia dela esan daiteke. Bada, ‘Errekak nola’ diskoa kaleratu du 2024an talde donostiarrak eta ostiral honetan, ekainak 7, Gernikan izango dira, Iparragirren.

Goierriko taldearen laugarren estudioko lana da ‘Motoki, Zakurreki, Egurreki…’. Boskoteak beste behin ere rock, folk eta country amerikarraren doinuak landu ditu, hitzetan azido asko isuriz, hainbat gai politiko eta sozialen inguruan. Altsasun aurkeztuko dute diskoa asteburu honetan, larunbatarekin.

Alejo Orbegozo (Zestoa, 1985) da Ke Lepo proiektuaren atzean dagoen pertsona. Etxean, bere kasara, esperimentatzen hasi eta 11 kantuz osatutako ‘Izpi’ diskoa kaleratzeraino iritsi da, ezer espero gabe. Aste honetan, maiatzaren 25ean, Bergarako Kartzela Zaharrean zuzenean aurkeztuko du.

Z-erua eta L'Kano ez dira berriak gurean, aurreko lanarekin ere, ‘In crescendo’ diskoarekin, pasa zirelako MusikHaria saioko mikrofonoaren aurreti. Hiru urte pasa dira eta makina bat buruhauste ere egon dira tartean, baina horrek guztiari esker etorri da lan berria, ‘Kaosaren ondorio’.