Agantuk's Podcast Atul Jani

ચેત મછંદર ! – રાજેન્દ્ર શુક્લ
ના કોઈ બારું, ના કોઇ બંદર, ચેત મછંદર,
આપે તરવો આપ-સમંદર, ચેત મછંદર !

નિરખે તું તે તો છે નિંદર, ચેત મછંદર,
ચેતવ ધૂણો ધીખી અંદર, ચેત મછંદર !

કામરૂપણી દુનિયા દાખે રૂપ અપારા,
સુપના લગ લાગે અતિ સુંદર, ચેત મછંદર !

સૂન શિખરની આગે આગે શિખર આપણું,
છોડ છટકણા કાળની કંદર, ચેત મછંદર !

સાંસ અરૂ ઉસાંસ ચલાકર દેખો આગે,
અહાલેક ! આયા જોગંદર, ચેત મછંદર !

દેખ દિખાવા સબ ઢરતા હે ધૂરકી ઢેરી,
ઢરતા સૂરજ, ઢરતા ચંદર, ચેત મછંદર !

ચડો ચાખડી, પવનપાવડી, જયગિરનારી,
ક્યા હે મેરુ ક્યા હે મંદર, ચેત મછંદર !

– રાજેન્દ્ર શુકલ

કર્મયોગ પર સ્વામી વિવેકાનંદ નું પ્રવચન

https://bhajanamrutwani.wordpress.com/2010/08/28/karmayog_4/

મનુષ્ય દેહ મળ્યો અતિ દુર્લભ, મોંઘા એના મુલ

મનવા લેને લ્હાવ અમૂલ, મનવા લેને લ્હાવ અમૂલ



ષડ રિપુનો સંગ તજીને, પ્રેમ ભક્તિ શૃંગાર સજીને

નિશ દિન હરિનું નામ રટીને, પ્રેમ હિંડોળે ઝુલ

મનવા લેને લ્હાવ અમૂલ



ન કરવાના કામ કરીને, પાપ કમાણીએ પેટ ભરીને

પર નારીનો સંગ કરીને, લાખો થઈ ગ્યાં ડૂલ

મનવા લેને લ્હાવ અમૂલ



મિથ્યા માયામાં મનડું મોહ્યું, વિપરીત માર્ગે આયુષ્ય ખોયું

મુરખે પાછું વળી નવ જોયું, એ જ મોટી ભૂલ

મનવા લેને લ્હાવ અમૂલ



અવસર આવો ફરી નહીં આવે, અભિમાને શીદ બાજી ગુમાવે

‘દાસ સતાર’ સાચું સમજાવે, ફુલણશી મત ફુલ

મનવા લેને લ્હાવ અમૂલ