NAIZ IRRATIA - Musikharia | naiz.eus Naiz Irratia

Goierriko taldearen laugarren estudioko lana da ‘Motoki, Zakurreki, Egurreki…’. Boskoteak beste behin ere rock, folk eta country amerikarraren doinuak landu ditu, hitzetan azido asko isuriz, hainbat gai politiko eta sozialen inguruan. Altsasun aurkeztuko dute diskoa asteburu honetan, larunbatarekin.

Alejo Orbegozo (Zestoa, 1985) da Ke Lepo proiektuaren atzean dagoen pertsona. Etxean, bere kasara, esperimentatzen hasi eta 11 kantuz osatutako ‘Izpi’ diskoa kaleratzeraino iritsi da, ezer espero gabe. Aste honetan, maiatzaren 25ean, Bergarako Kartzela Zaharrean zuzenean aurkeztuko du.

Z-erua eta L'Kano ez dira berriak gurean, aurreko lanarekin ere, ‘In crescendo’ diskoarekin, pasa zirelako MusikHaria saioko mikrofonoaren aurreti. Hiru urte pasa dira eta makina bat buruhauste ere egon dira tartean, baina horrek guztiari esker etorri da lan berria, ‘Kaosaren ondorio’.

Iñigo Bravo eta Aitzol Urkiza mutrikuarrek zazpi kantuz osatutako diskoa kaleratu dute. Axular Arizmendiren AME Estudioan grabatutako lana da, etxe giroan, beraz. Hasi dira zuzenekoak ematen, baina aste honetan talde moduan estrainekoz arituko dira Eibarren.

Itsasutik eta Bidarraitik datozen lau gaztek osatzen dute Maskak taldea. Aurretik Kakolak proiektuan ibili ziren batzuk elkarrekin, baina egiten zuten musikari buelta bat eman eta pop mundura gehiago gerturatu dira orain Betti Albor, Patxi Cazenave Battitt Etchart eta Thomas Saragueta.

Bilboko laukoteak rockaren arlo desberdinetatik landutako zazpi abestiz osatutako diskoak urtebete bete du. Berandu topatu dugun mapa da, baina badu altxorraren maparen kutsu bat. Alex eta Jokin Erkoreka, Unai Luzuriaga eta Jon Txirapozu dira taldekideak eta MusikHaria saioan aurkeztu dute lana.