粤语课程-零基础300日精‪通‬ 粤语学院

好久不见

【阿门粤语课第376期】
今日句子：
广州人将从事泥水，木工，搭棚工泛称叫“三行”，亦即系现代嘅建筑行业。三行规例，从师三年满师，先可以入行。建筑行业都供奉鲁班为祖师，每年农历六月十三系鲁班诞，准备三牲（鸡，鱼，猪肉），香烛，佢六榕寺拜祭，聚餐饮宴，以资纪念。
 
今日俗语：
告枕头状

【阿门粤语课第375期】
今日句子： 
首先我哋一齐嚟读一下呢个诗句。
 
贺新郎·甚矣吾衰矣
【宋】辛弃疾
甚矣吾衰矣。
怅平生、交游零落，只今余几！
白发空垂三千丈，一笑人间万事。
问何物、能令公喜？
我见青山多妩媚，料青山见我应如是。
情与貌，略相似。
一尊搔首东窗里。
想渊明《停云》诗就，此时风味。
江左沉酣求名者，岂识浊醪妙理。
回首叫、云飞风起。
不恨古人吾不见，恨古人不见吾狂耳。
知我者，二三子。
 
辛弃疾当年系真正带过兵打过仗嘅，二十出头嘅年纪，佢带住几十个轻骑随从，直入敌腹，活捉叛徒张安国，呢一股属于军人嘅傲气已经刻入咗佢嘅骨头，纵使年老，纵使俾人罢官，纵使好友离去。佢仲可以写“我见青山多妩媚，料青山见我应如是”嘅自信豪迈之语。
 
今日俗语：
滚搅晒

【阿门粤语课第374期】
今日句子：
点解要有“嫡”“庶”之分?
“宗法制度”，系以“血脉”嚟衡量一切嘅价值，包括最重要嘅政治地位同个人身份。宗法制度嘅社会，最基本嘅、最普遍嘅、最本质嘅内核就系“嫡庶”。简单啲嚟讲，大老婆生嘅仔就叫嫡(嫡出)，小老婆生嘅仔就叫庶(庶出)。比如周代嘅大王，佢同王后生嘅仔就好大机会系“太子”(嫡出)，而其他仔女好难摆脱俾人统治嘅命运。
 
今日俗语：
观音坐轿