Sonntagstelefon mit Yannic & Noel Noel Staub & Yannic Vollenweider

Nach genau 550 Täg Pause, simmer endlich zrugg us de (mer gend zue) doch eher lange Summerpause!
 
Nöd viel gschider, au nöd viel lustiger… aber mit genau glich viel Freud wie immer hauemer die 50 Minute in Player vo dinere Wahl!
 
Was de Yannic gege Mobbing I de Schuel gmacht hed und wieso de Noel sine Stüehl Kondom azieht… das und viel meh gids i de neue Folg vom Sunntigstelefon!
 
Zudem gids e grossi Akündigung mit eme neue Projekt! Was das genau isch, erfahred ihr nur wenn ihr die neu Folg gloset hend!
 
Zum Content vo de Wuche: 
 
De Noel empfiehlt de Youtube Kanal Plankton - https://www.youtube.com/@plankton.mp4 Ganz grosses Kino wenns um Originalität und Kreativität gaht!

Bäm! De Summer isch da und mir sind zrugg mit ere neue Folg usem Summerloch. Inhaltlich schön ahpasst brichtemerer vo eusne Erlebnis vo de letschte paar Wuchene. Usserdem gids e neui Restaurant-Empfehlig, lustigi Storys und viel gueti Luune.

Mir fräget meh oder weniger nüchterndi Lüt a enere Party uf de Kauflüte Terrasse, was denn de Sinn vom Lebe isch. Begleitet vonere rege Diskussion vo mir und em Yannic. E Zuehörerin verzellt no ihri Gschicht, werum sie nöd het chöne Sport mache.

De Noel brilliert bim Hauptstädte-Quiz, was de Yannic ziemlich stune laht!  Zudem jammeret de Yannic wege sinere akute Männergripp.

Bevor mer tüf i euses hütige Thema itauched, blamiert sich de Yannic no churz bim Geografie-Quiz. Und de Noel gnüssts so richtig… Nachher redemer usfüehrlich drüber ob Fraue wükki uf A*********r stönd. Mer hend wiblichi Inputs wo mer live ispieled und hend es schöns Fazit wo mer drus use ziehnd…

Hüt mal es first! De Noel und de Yannic sitzed sich gegenüber und mer lueged eus tüf id Auge, während mer ufnehmed. Scho fast romantisch. Leider hemmer bitz Tonproblem, aber de Yannic überspielt das mit sinere Panik vor komische Viecher am Fenster. Susch simmer recht planlos unterwegs. Optimiste würeds spontan nenne.