NFL fer nú í luftina í Føroyum! 🏈🎙 🇫🇴
Størsta ítróttargreinin í USA hevur eisini vakt áhugan hjá nógvum føroyingum, og ynski er at kveikja hann hjá fleiri, umframt at stimbra hann. Hvørt týskvøld klokkan 20 komandi mánaðirnar verður NFL-sending á FM1, ið eisini kemur út sum poddur.

Tað er tann ítróttargreinin, ið hevur nógv flest hyggjarar í USA. 22 sunnudagar um árið, serliga fyrsta sunnudagin í februar, er ein rúgva av fólki drigin til stóru og glæsiligu leikvallarnir og annars sjónvarpsskíggjar fyri at fylgja við serstaka leikinum.
Tað er nógv ferð, rástyrki, takklingar; talan eru í stóran mun um íðkarar í heimsflokki 💪
Men tað er sannliga eisini strategi: Taktikkur, ætlan, justering og dirivi til at gera tað stóra og tað rætta.

Amerikanskur fótbóltur hevur fangað onnur enn tey, ið búgva í risastóra landinum fyri vestan, har tankarnir og verkætlaninrnar eisini eru risastórar. Sjálvsagt er tað serliga NFL - National Fooball League. Greitt tann besta deildin við ítróttini í heiminum, har 32 lið (franchisees) hvørt ár kappast um at fáa fatur á Lomardi-steypinum og heitinum hjá amerikanarum: "Heimsmeistarar" 🇺🇸✌️

Áhugin í Føroyum er vaksandi, og nú fer Føroya fyrsta NFL-sending av bakkastokki. Hvørt týskvøld, í fyrstu syftu fram til Super Bowl 52 er leikt, verður NFL-prát at hoyra á FM1, og tað kann eisini hoyrast sum poddur.
Tríggir vertir/fastir luttakarar vera:
Høvuðvertir verður Arnar Lognberg. Hann er millum annað kendur fyri at vera formaður og venjari hjá Undrinum, men skopuningurin er eisini sterkur í NFL Fantasy-spælinum, ið helst eisini fer at vera eitt afturvendandi 🏆
Í tí kappingini er hann eisini frammanfyri hinari báðar, ið fast fara at manna sendingina.
Læknin Aksel Kambsskarð Berg er ein av Føroya bestu til at diagnosera støðuna í NFL. Hann hevur fylgt væl við leingi, og havnarmaðurin er høvuðsstigtakari til hesa nýggju verkætlan. 🩺

Til at supplera teir verður klaksvíkingurin Agnar Prestá. Hann plagar at skriva og annað fyri Portalin, men útyvir at fylgja væl við serliga fótbóltin, so fyllur ítrótturin við tí ovala bóltinum eisini ⚽️🏈

Fyrsta sending við hesum trimum verður í morgin, týsdagin 9. november 2021, og vónandi verður hon væl móttikin. Í sendingunum vera eisini ymsir gestir, umframt annað spennandi á skránni. Tær vera upp til ein tíma til longdar⏰👌