SBS Khmer - SBS ខ្មែរ SBS Audio
-
- News
-
Independent news and stories from SBS Audio, connecting you to life in Australia and Khmer-speaking Australians. - ព័ត៌មានឯករាជ្យ ព្រមជាមួយរឿងរ៉ាវពាក់ព័ន្ធនឹងជីវិតរបស់លោកអ្នកនៅក្នុងប្រទេសអូស្រ្តាលី និងសហគមន៍អូស្រ្តាលីដែលនិយាយភាសាខ្មែរ។
-
នាទីព័ត៌មានរបស់SBSខ្មែរ សម្រាប់ថ្ងៃសុក្រ ទី១០ ខែឧសភា ឆ្នាំ២០២៤
** អ្នកជាប់ឃុំអន្តោប្រវេសន៍រាប់រយនាក់ នៅតែស្ថិតក្រោមការឃុំខ្លួន ក្រោយសេចក្តីសម្រេចរបស់តុលាការកំពូល។ ** ហិរញ្ញិក Jim Chalmers ផ្តល់នូវការប្រមើលមើលព្រាលៗនូវអ្វីដែលកញ្ចប់ថវិកាកំណត់ចេញផ្សាយនៅសប្តាហ៍ក្រោយ ។ ** ជំហររបស់អូស្ត្រាលីលើការប៉ុនប៉ងរបស់ប៉ាឡេស្ទីន សម្រាប់សមាជិកភាពអង្គការសហប្រជាជាតិ នៅតែមិនច្បាស់លាស់។
-
គ្រោះថ្នាក់ចរាចរណ៍នៅតែប្រឈមខ្លាំងនៅកម្ពុជា ក្នុងឆ្នាំ២០២៤នេះ
ក្នុងពិធីប្រារព្ធទិវាសប្តាហ៍ជាតិសុវត្ថិភាពចរាចរណ៍ផ្លូវគោក លើកទី១៥ នៅមណ្ឌលកីឡដ្ឋានខេត្តបាត់ដំបង កាលពីព្រឹកថ្ងៃទី៨ ខែឧសភា ឆ្នាំ២០២៤ លោក ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ និងជាប្រធានគណៈកម្មាធិការជាតិសុវត្ថិភាពចរាចរណ៍ផ្លូវគោក បានបន្តសង្កត់ធ្ងន់ពីភាពចាំបាច់នៃការរឹតបន្តឹងការអនុវត្តច្បាប់ ស្ដីពី ចរាចរណ៍ផ្លូវគោក ដើម្បីឈានទៅកាត់បន្ថយគ្រោះថ្នាក់ចរាចរណ៍ ជាពិសេសកាត់បន្ថយអត្រាអ្នកស្លាប់ និងរងរបួសប្រចាំថ្ងៃ ដែលនៅតែបន្តស្ថិតក្នុងស្ថានភាព គួរឱ្យព្រួយបារម្ភ នាឆ្នាំ២០២៤ នេះទៀត។
-
មេបក្សនយោបាយម្នាក់ដែលបំបែកខ្លួនចេញពីបក្សភ្លើងទៀន ត្រូវបានចាប់ខ្លួន
លោក ស៊ុន ចន្ធី ប្រធានគណបក្សកម្លាំងជាតិ ត្រូវបានប៉ូលិស ចាប់ខ្លួន តាមដីការបស់តុលាការសាលាដំបូងរាជធានីភ្នំពេញ កាលពីព្រឹក ម៉ោង ៩ ម៉ោងនៅកម្ពុជា នាថ្ងៃទី៩ ខែឧសភា ឆ្នាំ២០២៤ នៅអាកាសយានដ្ឋានអន្តរជាតិភ្នំពេញ។ ការចាប់ខ្លួនមេបក្សកម្លាំងជាតិ លោក ស៊ុន ចន្ធី ដែលបានបំបែកខ្លួន ចេញពីបក្សភ្លើងទៀន នៅពេលវិលត្រឡប់មកពីប្រទេសជប៉ុននេះ បានធ្វើឡើង ក្រោយពីលោក បានថ្លែងប្រាប់សកម្មជនគណបក្សរបស់លោក នៅប្រទេសជប៉ុន ដោយវាយប្រហារ លើរាជរដ្ឋាភិបាល។
-
នាទីព័ត៌មានខ្លីរបស់SBSខ្មែរ សម្រាប់ថ្ងៃព្រហស្បតិ៍ ទី៩ ខែឧសភា ឆ្នាំ២០២៤
ព័ត៌មានសំខាន់ៗសម្រាប់ថ្ងៃនេះរួមមាន៖ ** បុរសម្នាក់ដែលរងការចោទថាបានចាក់អតីតដៃគូនៅខាងក្រៅកន្លែងហាត់ប្រាណ នៅក្រុងស៊ីដនី ត្រូវបានចាប់ខ្លួន។ ** ប៉ូលីសរដ្ឋវិចថូរៀកំណត់ឱ្យសុំទោសចំពោះតួនាទីរបស់ខ្លួននៅក្នុង Stolen Generations។ ** ថ្លៃចំណាយលើការដឹកជញ្ជូនឯកជនរបស់ក្រុមគ្រួសារអូស្រ្តាលីកើនឡើងខ្លាំង ទាំងនៅជនបទ និងទីក្រុង។
-
អូស្រ្តាលីធ្លាក់ចេញពីដំណែងគោលដៅដ៏ពេញនិយមបំផុតសម្រាប់និស្សិតអន្តរជាតិ
ប្រទេសអូស្ត្រាលីបានធ្លាក់ចេញពីតំណែងកំពូលនៅក្នុងចំណាត់ថ្នាក់សាកលវិទ្យាល័យ សម្រាប់និស្សិតអន្តរជាតិ។ ទីតាំងរបស់អូស្រ្តាលីដែលធ្លាប់ជាគោលដៅសិក្សាឈានមុខគេ ត្រូវបានប្រឈមនឹងបញ្ហា ថ្លៃចំណាយរស់នៅខ្ពស់ ថ្លៃសិក្សា និងភាពមិនច្បាស់លាស់នៃគោលនយោបាយទិដ្ឋាការ ដែលនាំឱ្យមានការធ្លាក់ចុះនូវចំណាត់ថ្នាក់សាកលវិទ្យាល័យរបស់ខ្លួន និងការធ្លាក់ចុះចំនួនពីរភាគរយ នៃចំណូលចិត្តនិស្សិតអន្តរជាតិ។
-
នាទីព័ត៌មានរបស់SBSខ្មែរ សម្រាប់ ថ្ងៃពុធ ទី ៨ ខែឧសភា ឆ្នាំ២០២៤
មាតិកាព័ត៌មានសំខាន់ៗសម្រាប់ថ្ងៃនេះរួមមាន៖ ** ហេរញ្ញិក Jim Chalmers និយាយថា ប្រជាជនអូស្ត្រាលីអាចរំពឹងបាននូវកញ្ចប់ថវិកាមួយដែលមានការវាស់វែង និងអត់ធ្មត់។ ** បារីអេឡិចត្រូនិច ឬក៏ vape ជាងមួយលានគ្រឿងកន្លះ ត្រូវបានរឹបអូស ចាប់តាំងពីដើមឆ្នាំនេះ។ ** វ៉ាក់សាំងបង្ការកូវីដ AstraZeneca កំពុងត្រូវបានដកចេញពីទីផ្សារនៅទូទាំងពិភពលោក។