Eshtry menny - اشتري من‪ي‬ The Potcast Productions

عودة لألعاب الخميس والسهرة، في حلقة النهاردة لعبنا لعبة Never have I ever أو زي ما بنقول عُمركش؟ سألنا الأسئلة وجاوبناها إحنا التلاتة، في حاجات كتير بنحكيها لأول مرة، نتمنى ما تخرجش برانا احنا التلاتة وغزلان الوصل الأحمر.

وحشتونا ومقدرناش نطول في الغيبة فجينالكم بأول حلقة في الموسم الجديد، قضينا معاكم رمضان بحلقات خاصة مع ضيوف عزاز علينا وبنحبهم، بس رجعنالكم بحلقة من بتوع قعدتنا الحلوة وقررنا نتكلم عن السحلات اللي الواحد بيتسحلها وبعدين يرجع يقول إيه العبط دا؟ مفيش حد فينا مبيتسحلش، بس سحلاتنا مختلفة شوية. 

إحنا ٣ أصحاب بنتكلم من ٣ وجهات نظر مختلفة، قعدتنا مفيهاش استفادة لو مش بتعتبر الانبساط ده استفادة. من إنتاج ذا بوتكاست برودكشنز - The Potcast Productions.

 الحلقة بتنزل كل سبت على منصات البودكاست وكل تلات على اليوتيوب.

وعدناكم بحلقة عن الفنانة شيرين عبد الوهاب ومحبيناش نتأخر أكتر من كدا، عملنا مراجعة شاملة لكل انتاجها الفني، امتى بقت شيرين بس بعد ما كانت تامر وشيرين؟ وازاي مفيش ألبوم واحد وحش؟

حلقة جديدة وخاصة لغزلان الوصل الأحمر وحلقتنا النهاردة تصنيفها "عالضيق" وهو نوع لسه ما استخدمناهوش كتير لكن النهاردة قررنا نتكلم عن التسامح، لحد فين الإنسان ممكن يسامح؟ وهل بتختلف حسب الموقف ولا حسب الأشخاص كمان؟

كما عودناكم، عمرنا فتحنا موضوع وكملناه؟ في حلقة النهاردة بدأنا بنية مراجعة تاريخ الفنانة شيرين عبد الوهاب، لكن كالعادة، الكلام اخدنا لحتة تانية خالص، وهي فيلم كباريه وفيلم الفرح وما بينهما.

حلقة جديدة في سلسلة حلقات أصحاب ولا بيزنس والمرة دي مع الكيرو المفضل بتاعنا في أول ظهور ليه قدام المايك، اتكلمنا عن شقاوة زمان وشقاوة دلوقتي، وكان شايفنا إزاي أول ما بدأنا نشتغل مع بعض؟