NALINGUA, lecturas dun neofalante

Laboratorio de Radio
  • 0,0 (0)
  • ARTE
NALINGUA, lecturas dun neofalante

Ola, son Sergio Pascual, xornalista, BLA, BLA, BLA... O que pode que che interese máis é que son de VALLADOLID. Si. E gústame o GALEGO. Un neofalante. A miña idea é dar un paseo sonoro por grandes obras da literatura galega (A Esmorga, Anagnórise, Memorias dun neno labrego, etc.), desde unha ollada amena, relaxada e actual. Ollo! Neste podcast escoitarás pronomes mal colocados, problemas na pronuncia do n velar e máis. Xa sabes, cousas da meseta...! Un proxecto de Laboratorio de Radio e Vinte co apoio da Secretaria Xeral de Política Lingüística da Xunta de Galicia.

  1. NALINGUA 10: Scórpio

    09/06/2021

    NALINGUA 10: Scórpio

    Se este podcast fora sobre Scórpio, de Ricardo Carvalho Calero, merecería un episodio ao nivel dunha obra conmovedora, complexa e que amosa o enorme talento literario dun dos máis grandes estudosos do galego. Comeza, NALINGUA! Unha produción de Laboratorio de Radio e Vinte co apoio da Secretaría Xeral de Política Lingüística da Xunta de Galicia. Agradecementos a Henrique Rabuñal, Eduardo Maragoto e Pilar García NegroMúsicas empregadas:  Rap Nalingua, por BreaMc Forro, por Caamaño & Ameixeiras Groovy Baby, por Med Pus, por Jonas the Plugexpert  Minced Daikon, por Nick Kuepfer  Reunion, por Jahzzar

    8 min
  2. NALINGUA 9: Virtudes (e misterios)

    26/05/2021

    NALINGUA 9: Virtudes (e misterios)

    NALINGUA en directo desde a Libraría Biblos de Betanzos co autor de Virtudes (e misterios), Xesús Fraga, Isabel Sánchez, unha das protagonistas do libro e Malores Villanueva, profesora, editora, crítica literaria e doutora en filoloxía galega pola USC. Unha muller cargada de bolsas camiña por Londres. Polo seu Londres. Esa muller é o resultado dunha metamorfose, dunha mudanza forzada. É unha historia de emigración, desas que constrúen a identidade dun pobo que só pensa nos seus, nas súas. Esa muller encadea traballos, un detrás doutro; percorre unha cidade enorme que fai pequena cun corpo no que agroman os soños e os folgos. Os soños de que a súa xente nunca lle falte de nada. Os folgos pra que eses soños se convirtan en realidade. Se este podcast fose en inglés falaría de Betty. Se este falangullo falase en galego, cambiaría as rúas da city polas de Betanzos e tería un nome propio: Virtudes Edreira. Comeza, NALINGUA! Grazas por todo, Xesús Fraga, autor do libro Virtudes e misterios. Grazas Isabel Sánchez, emigrante, loitadora, curiosa e valente. E grazas polas túas achegas e polo traballo a prol da literatura en galego, Malores Villanueva. Unha produción de Laboratorio de Radio e Vinte co apoio da Secretaría Xeral de Política Lingüística da Xunta de Galicia. Grazas por todo A Xesús Fraga, autor do libro Virtudes (e misterios). Grazas a Isabel Sánchez, emigrante, loitadora, curiosa e valente. E grazas polas achegas e polo traballo a prol da literatura en galego de Malores Villanueva. Grazas tamén a Carmela, Pilar e Tucho, da Libraría Biblos A todas as voces que formaron parte deste podcast: Leonor Sánchez, os compas do Té Con Gotas, Pilar Izquierdo, Christian Beaven, Susana Doel, David Fernández, Xavier Sánchez, Domingo Gómez, Eva Moreda e ao colexio Víctor Sáenz de Mazaricos. Na produción e técnica estivo o gran Daniel Vidal, a persoa que fixo que NALINGUA fose video foi Xabier Martínez e na edición estivo Lucía Abarrategui. Músicas empregadas: Rap Nalingua, por BreaMc Forro, por Caamaño & Ameixeiras Brooks, April e Denouement, por Kai Engel Bumble, Through The Lens e Worky Worky, por Andy G. Cohen Transparent e Peace Within, por Peter Rudenko

    1 h 42 min
  3. NALINGUA 8: Darío a diario

    12/05/2021

    NALINGUA 8: Darío a diario

    Se este falangullo fose poesía...falaría dunha nai e dun fillo. Dun legado, do asombro do nacemento. Do amor, da aprendizaxe, da vida. Do grande poema que é un fillo para unha nai poeta. Hoxe, en NALINGUA, 'Darío a diario', de Xela Arias. Unha produción de Laboratorio de Radio e Vinte co apoio da Secretaría Xeral de Política Lingüística da Xunta de Galicia. Agradecementos a Eli Ríos e Darío Gil Arias. Músicas empregadas: Rap Nalingua, por BreaMc Forro, por Caamaño & Ameixeiras Cold Spring, por Luno Iced Spring Theme, por Peter Rudenko Daemones, por Kai Engel

    8 min
  4. NALINGUA 7: Infamia

    28/04/2021

    NALINGUA 7: Infamia

    A néboa, a friaxe, a chuvia. En Infamia, de Ledicia Costas (Xerais), a meteoroloxía ten un papel clave. Infamia repta entre a dor dos segredos agochados, a tristura do silencio e a brétema da inmensa pena que respira o lugar onde todo sucede: Merlo. Sentimentos que non se ven, pero que si se sinten. Mergúllate con nós en Infamia. Comeza, NALINGUA! Unha produción de Laboratorio de Radio e Vinte co apoio da Secretaría Xeral de Política Lingüística da Xunta de Galicia. Agradecementos a Ledicia Costas por ler en alto os poemas do poeta canario Félix Francisco Casanova. Músicas empregadas: Rap Nalingua, por BreaMc Forro, por Caamaño & Ameixeiras Kai Engel, por Salue, Mercy, Maree, Aveu e Cendres. Kosta T, por пальцы в яд.

    9 min
  5. NALINGUA 6: Cartas de Inverno

    14/04/2021

    NALINGUA 6: Cartas de Inverno

    Se este podcast fose unha carta, comezaría así... CONTROL MÚSICA CARTA Querida persoa que escoitas, Como estás? Hai xa un tempo que ti máis eu non falabamos. Escríboche desde esta terra sonora cercana que é o podcast. Como ben sabes, ou non, pero agora xa o saberás, son Sergio Pascual, neofalante de Valladolid. E este falangullo é NALINGUA no que falamos de.... Un momento, se é unha carta ten que soar o son do bolígrafo, da pluma ou do que sexa... digo eu... CONTROL FX BOLÍGRAFO Agora si. Dicíache, persoa que me escoitas, que este episodio de NALINGUA vai sobre un deses libros de meigas que enmeiga dun autor namorado de Lovecraft e que espallou o galego alén de Galicia. Hoxe, escribimos sonoramente a Agustín Fernández Paz e as súas Cartas de Inverno. Comeza, NALINGUA... Unha produción de Laboratorio de Radio e Vinte co apoio da Secretaría Xeral de Política Lingüística da Xunta de Galicia. Grazas ás voces de Xavier Sánchez e David Fernández, Adrián Novoa e Xabier Louzao. Grazas tamén ao CEIP Víctor Sáenz polo seu agarimo e facilidades. Músicas empregadas: спрятки e заговорил, de Kosta-T Añada, de Jahzzar I dunno (ft. J Lang, Morusque) Forro, Caamaño e Ameixeiras.

    8 min

  6. 13/04/2021

    Volve, NALINGUA. Segunda Temporada

    Volvemos con moita literatura. Presentamos temporada coa seguinte lista de libros galegos: Cartas de Inverno, de Agustín Fernández Paz. Infamia, de Ledicia Costas. Darío a diario, de Xela Arias. Virtudes (e misterios), de Xesús Fraga Scórpio, de Ricardo Carvalho Calero. Un podcast producido por Vinte e Laboratorio de Radio co apoio da Secretaría Xeral de Política Lingüística da Xunta de Galicia.

    2 min
  7. Carvalho Calero: Compromiso e Resistencia por Laboratorio de Radio Letras Galegas 2020

    17/05/2020

    Carvalho Calero: Compromiso e Resistencia por Laboratorio de Radio Letras Galegas 2020

    Achegarse á figura de Ricardo Carvalho Calero é bater coa incredulidade. É difícil crer que un persoeiro tan senlleiro, fora condeado durante moito tempo a unha sombra que deixou a escuras achegas fundametais en tantos eidos. Se Carvalho Calero non existise, habería que inventalo mais inventar a un polígrafo non é unha tarefa sinxela. Un documental sonoro de Laboratorio de Radio para celebrar o Día das Letras Galegas 2020

    21 min
  8. NALINGUA 5: Memorias dun neno labrego

    04/05/2020

    NALINGUA 5: Memorias dun neno labrego

    Desde que cheguei a Galicia souben que un libro que tiña que ler era 'Memorias dun neno labrego'. Polo que teño entendido, o libro máis lido e traducido da literatura galega. Para min, o mellor xeito de entender Galicia e a súa xente. E todo da man e voz dun rapaz especial, dun tal Balbino, dun tal Xosé Neira Vilas. Sergio. Un rapaz de cidade: Valladolid. Coma quen dis, un ninguén. E ademais, neofalante. Veña, comeza NALINGUA! Un podcast de Laboratorio de Radio para Vinte co apoio da Secretaría Xeral de Política Lingüística da Xunta de Galicia. Músicas empregadas: Forro e Unha canción rosa, de Sabela Caamaño, Antía Ameixeiras e Pedro Pascual. Nalingua orixinal, de David Brea. D´aquí vexo os seus campos, Melodia Gallega, de Ignacio Tabuyo (1911). Campás Chamando Á Misa En San Simón, Consello da Cultura Galega.

    7 min
Ver todo (13)

Tráileres

Información

Ola, son Sergio Pascual, xornalista, BLA, BLA, BLA... O que pode que che interese máis é que son de VALLADOLID. Si. E gústame o GALEGO. Un neofalante. A miña idea é dar un paseo sonoro por grandes obras da literatura galega (A Esmorga, Anagnórise, Memorias dun neno labrego, etc.), desde unha ollada amena, relaxada e actual. Ollo! Neste podcast escoitarás pronomes mal colocados, problemas na pronuncia do n velar e máis. Xa sabes, cousas da meseta...! Un proxecto de Laboratorio de Radio e Vinte co apoio da Secretaria Xeral de Política Lingüística da Xunta de Galicia.

Ficha técnica

  • Creado por
    Laboratorio de Radio
  • Años en activo
    2020 - 2021
  • Episodios
    13
  • Clasificación
    Apto
  • Derechos de autor
    © 2024 Laboratorio de Radio
  • Sitio web del podcast
    NALINGUA, lecturas dun neofalante

Inicia sesión para escuchar episodios explícitos.

No te pierdas nada de este programa

Inicia sesión o regístrate para seguir programas, guardar episodios y conocer las últimas novedades.
Selecciona un país o una región

África, Oriente Medio e India

Asia-Pacífico

Europa

América Latina y el Caribe

Estados Unidos y Canadá