O Cristal de Alejandra: xornalismo da terra Cristais de Meraki

Estudando xornalismo hai días nos que parece que nada anda ben. Precariedade, inseguridades, trabas para falar das cousas que che interesan... Esa é a historia que sempre se conta, pero hai tamén outras historias, queda aí fóra un raio de esperanza. Para nós ese raio vive en Alejandra. Falamos con ela para que nos conte como se conseguen colaboracións con revistas, onde se busca a inspiración, a través de que formas se aprende a comunicar, ou mesmo como facer unha comunicación dende o rural. Todo isto mentres aínda intentas sacar a diante unha carreira que tanto che pode dar a vida como quitar a ilusión. Hoxe poñemos o foco na luz e na vida para aprender a facer un xornalismo da terra (e dende a terra).