150 episodios

Orðanna origami á Rás 1. Hugað að öllu mögulegu á sviði bókmenntanna.

Orð um bækur RÚV

    • Arte

Orðanna origami á Rás 1. Hugað að öllu mögulegu á sviði bókmenntanna.

    Orð um bækur ársins 2019

    Orð um bækur ársins 2019

    Í þættinum er litið yfir síðasta bókaár á Íslandi og einkum hugað að frumsömdum, íslenskum bókum. Sjaldan erða aldrei hafa komi út jafnmargar bækur á einu ári, nýjar íslenskar skáldsögur og smásagnasöfn voru á sjöunda tuginn og og fjöldi nýrra ljóðabóka slagaði hátt um þann fjölda. Ti að ræða hvort einhver verk hefðu óumdeilanlega staðið upp úr og þá hver og hvort eitthvað sérstakt hafi einkennt umfjöllunarefni og aðferðir íslenskra rithöfunda árið 2019 mættu í hljóðstofu þau Einar Falur Ingólfsson ljósmyndari, rithöfundur og blaðamaður, Katrín Lilja Jónsdóttir sagnfræðingur, bóksali og umsjónarmaður vefsins Lestrarklefinn og Sverrir Norland skáld og útgefandi sem í vetur hefur einnig verið einn af gagnrýnendum Kiljunnar. Í þættinum heyrist líka Steinunn Sigurðardóttir lesa ljóð sitt Sjónarsviptir 1 úr ljóðabókinni Dimmumót sem kom út árið 2019.

    Orð nýjar bækur og ekki svo gamlar

    Orð nýjar bækur og ekki svo gamlar

    Í þessum fyrsta þætti ársins er hugað að fyrstu bókum ársins 2020 en í vikunni komu út tvær nýjar bækur eftir tvo nýja höfunda. Í upphafi þáttar er farið í útgáfuhóf þar sem Karítas Hrundar Pálsdóttir fagnaði smásagnasafni sínu Árstíðir. Höfundur segir stuttlega frá bókinni sem ber undirtitilinn „sögur á einföldu máli" og les tvær sögur. Undir lok þáttar er svo rætt við Guðrúnu Ingu Ragnarsdóttir en fyrsta skáldsaga hennar Plan B kom einnig út í vikunni og er þar með fyrsta skáldsaga ársins 2020. Tvær ungar konur og tvær óivenjulegar bækur, eins og reyndar kannsk allar nýjar bækur. Í miðju þáttarins er svo gaumgæft hvaða athyglisverðu bækur litu dagsins ljós í upphafi nýliðins árs og heyrist í því samhengi í íslensk-palestínska rithöfundinum Mazen Maroug en íslensk þýðing smásagnasafns hans Brandarar handa byssumönnunum kom út í jánúarmánuði árið 2019, einnig í janúarmánuði kom út hjá Háskólaútgáfunn og Stofnun Vigdísar Finnbogadóttur út yfirlitsrit yfir allar þýðingar á ljóðum Pablo Neruda sem birst hafa í íslenskri þýðingu í gegnum tíðina. Í því samhengi heyrist í ritstjóra bókarinnar Hólmfríði Garðarsdóttur prófessors í spænsku við Háskóla Íslands að lokum er minnt á að ljóðabókin Undrarýmið eftir Sigurlín Bjarney Gísladóttur kom út á vormánuðum ársins 2019 og vakti talsverða athygli. Leifur Hauksson les tvo ljóð eftir Neruda "Ekkert Annað í þýðingu Sigurðar A. Magnússonar og brot ú Canto general í þýðingu Dags Sigurðarsonar. Einnig heyrðist Hólmfríður Matthíasdóttir les brot úr sögunni Bíó úr samasagnasafninu Brandrar handa byssumönnunum eftir Mazen Marouf í þýðingu Ugga Jónssonar.

    Stelpur sem ljúga, Gullhringurinn, heimsendir á miðöldum og Sólardans

    Stelpur sem ljúga, Gullhringurinn, heimsendir á miðöldum og Sólardans

    Í bókmenntaþættinum Orð um bækur er fjallað um bækur sem komu út á árinu. Þáttarstjórnandi flettir glæpasögunni Stelpur sem ljúga eftir Evu Björgu Ævarsdóttur, heimsendatryllinum The Second Sleep eftir Robert Harris og ljóðabókinni Sólardansinum eftir Þóru Jónsdóttur. Jórunn Sigurðardóttir ræðir við Þórarinn Leifsson um ferðasöguna Bekkurinn, dagbók í Gullhring 2018 - 2019. Umsjónarmaður er Brynhildur Heiðar- og Ómarsdóttir og lesari með henni er Jóhannes Ólafsson.

    Orð um ljóð og ljóðabók, sögur í núinu og í framtíðinni

    Orð um ljóð og ljóðabók, sögur í núinu og í framtíðinni

    Í þættinum heyrist brot úr upptöku frá Ljóði og með því í Gröndalshúsi þann 11. desember 2019. Þar heyrist í ljóðskáldunum Þórdísi Gísladóttur, Ragnheiði Hörpu Leifsdóttur, Melkorku Ólafsdóttur, Brynju Hjálmsdóttur,Fríðu Ísberg og Ástu Fanneyju Sigurðardóttur. Brynhildur Heiðar- og Ómarsdóttir segir frá fyrstu skáldsögu Braga Páls Sigurðarsonar, Austur, og lesin eru brot úr textanum. Þá er í þættinum rætt við Þórdísi Gísladóttur um bækur hennar Mislæg gatnamót sem er ljóðabók og barnabókina Randalín, Mundi og leyndarmálið og við Hildi Knútsdóttur um nýja skáldsögu hennar Nornina. Lesari: Jóhannes Ólafsson

    Glæpasögur, ævisögur og jólasögur

    Glæpasögur, ævisögur og jólasögur

    Í bókmenntaþættinum Orð um bækur er fjallað um tvær nýjar þýðingar sem koma út um jólin, Menntuð eftir Töru Westover og Annabelle eftir Línu Bengtsdóttur, og spjallað við Línu. Einnig er sagt frá nýju greinasafni Soffíu Auðar Birgisdóttur um konur í íslenskum samtímabókmenntum, Maddama, kerling, fröken, frú, og rætt við Soffíu. Umsjónarmaður er Brynhildur Heiðar- og Ómarsdóttir og lesari með henni er Jóhannes Ólafsson.

    Jólasögur, Gröndal og sterkasta kona í heimi

    Jólasögur, Gröndal og sterkasta kona í heimi

    Í bókmenntaþættinum Orð um bækur er fjallað um Reykjavíkurlýsingu Benedikts Gröndals og spjallað við Láru Aðalsteinsdóttur um Gröndalshús og bókmenntaborgina. Jórunn Sigurðardóttir ræðir við Steinunni G. Helgadóttur um skáldsöguna Sterkasta kona í heimi. Dögg Sigmarsdóttir og Hallveig Thorlacius segja svo frá Söguhring kvenna, jólasögum og jólagöngu kvenna í ár. Umsjónarmaður er Brynhildur Heiðar- og Ómarsdóttir og lesari með henni er Kristján Guðjónsson.

Top podcasts de Arte

Otros usuarios también se han suscrito a