Vers en Klank RSG
-
- Cine y TV
Voorlesings van gedigte, afgewissel met gepaste musiek.
-
Vers en klank 23 April 2024
Daniel Hugo gesels oor ’n argitek van Kaapstad, Martin Kruger, se debuutbundel, Gekaapte Stad. Kruger het al die wêreld platgereis, en hy dig oor van die grootste en mees bekende stede, maar ook oor sy eie tuisstad se bekoring.
-
Vers en klank 16 April 2024
In die vierde en laaste deel van ’n reeks oor die lewe en werk van die digter Ernst van Heerden, lees André Weideman voor uit die bundels Amulet teen Vuur, Kwadratuur van die Sirkel, Najaarswys en Herfstelike Lig.
-
Vers en klank 9 April 2024
In die derde deel van ’n reeks oor die lewe en werk van die digter Ernst van Heerden, lees André Weideman vir ons voor uit die bundels, Teenstrydige Liedere, Tyd van Verhuising, Kanse op ’n Wrak, Die Swart Skip en Amulet teen Vuur.
-
Vers en klank 2 April 2024
In die tweede deel van ’n reeks oor die lewe en werk van die digter Ernst van Heerden, lees André Weideman voor uit die bundels, Koraal van die Dood, Die Klop, en Anderkant Besit. Ons luister ook na grepies van opnames uit die argief waarin die digter self aan die woord is.
-
Vers en klank 29 Maart 2024
Luister na van die bekendste klassieke Afrikaanse gedigte oor Paasfees deur die digters W.E.G. Louw, Elisabeth Eybers, Lina Spies en Isak de Villiers. Daar is ook verse oor die feestyd om na uit te sien deur onder andere Tom Gouws, Cas Vos en Ina Rousseau. Die voorlesers is Marion Holm en Nic de Jager.
-
Vers en klank 26 Maart 2024
Die digter Ernst van Heerden het in sy leeftyd 15 bundels die lig laat sien. In die eerste deel van reeks oor sy lewe en werk, lees André Weideman voor uit die bundels Weerlose Uur, Verklaarde Nag, Die Sewe Vrese, en Reisiger. Ons luister ook na grepies van opnames uit die argief waarin die digter self aan die woord is.