63 épisodes

بودكاست ديال يوسف العلالي مغربي ساكن فباريس و كانستقبل ناس من الوسط ديالي كيهضرولنا على المسار و مجال التخصص ديالهم

التجربة Tajriba - Podcast Youssef El Allali

    • Éducation
    • 5,0 • 18 notes

بودكاست ديال يوسف العلالي مغربي ساكن فباريس و كانستقبل ناس من الوسط ديالي كيهضرولنا على المسار و مجال التخصص ديالهم

    #63 - Ismael Saadoune, PhD - كيفاش المغرب يقدر يساهم فتطوير بطاريات الليثيوم؟

    #63 - Ismael Saadoune, PhD - كيفاش المغرب يقدر يساهم فتطوير بطاريات الليثيوم؟

    فهاد الحلقة من البودكاست هضرت مع الدكتور اسماعيل سعدون لي متخصص فبطاريات الليثيوم. الدكتور سعدون عندو تجربة واعرة بزاف و خبرة واسعة فهاد المجال. عاود لنا فهاد البودكاست على كيفاش حتى قرا فالجامعة فالمغرب مع الصعوبات اللوجيتسكية و المادية لي كان كيعاني منها. قدر أنه يكون من بين أوائل الدفعة ديالهم و مشا كمل الدكوراه ديالو ففرنسا. من تما رجع للمغرب و قدر يأسس مختبر Laboratory of Materials and Environmental Chemistry فجامعة القاضي عياض. خدم مع عدد ديال الباحثين و قدر يجيب بزاف ديال التمويلات الخارجية باش يدعم المختبر ديالو. ليوما الدكتور سعدون من أكثر الناس خبرة فمجال بطاريات الليثيوم فالعالم. كيعطي محاضرات فأوروبا و آسيا. ألف أكثر من 150 ورقة بحثية و أكثر من 3600 اقتباس و حصل على جائزة من جامعة طوكيو مؤخرا. فهاد الحلقة هضرنا على المسار ديالو و كيفاش حتى حقق هادشي كامل. إضافة لهادشي هضرنا على البحث العلمي فالمغرب و المشاكل لي كاينة و الحلول ديالها. الدكتور سعدون عندو خبرة طويلة فالبحث العلمي فالمغرب، و هو ليوما مدير المحتبر لي ساهم فالتأسيس ديالو.


    Ismael Saadoune, PhD - Director or Research, Université Cady Ayyad

    • 1h 9 min
    #62 - Omar Cherkaoui, MD, MPH - الطب و الصحة العمومية في زمن كورونا

    #62 - Omar Cherkaoui, MD, MPH - الطب و الصحة العمومية في زمن كورونا

    فهاد الحلقة من البودكاست هضرت مع عمر الشرقاوي. عمر عندو مسار غريب. بدا المسيرة الدراسية الجامعية ديالو فكلية الطب فالرباط. خلال هاد الفترة لي دوزها فالرباط أسس جمعية طلبة الطب فالمغرب. قدر يضم هاد الجمعية لشبكة IFMSA فالعالم. من تما، انضم للشبكة العالمية ديال IFMSA، أكبر و أول جمعية عالمية ديال طلبة الطب. هاد المسار ديالو غير الاعتيادي عطاه فرصة يتلاقى بزاف ديال الناس و ينظم تظاهرات كبيرة. من تم اكتشف الحب ديالو لهادشي و فهم انه ماغاديش يكون طبيب فعيادة كيداوي المرضى. خدم على مشاريع مع AMBOSS و حتى منظمة الصحة العالمية. قدر من بعد يدخل لأفضل ماستر ديال الصحة العمومية فالعالم MPH فجامعة John's Hopkins المعروفة. بل كان تما فعز بداية جائحة كورونا. ليوما خدام مع AMBOSS على مشروع باش يساهمو فتطوير الصحة فالدول الفقيرة. عمر إنسان كيعجبو يخرج على ما هو اعتيادي و يغامر شوية بحياتو المهنية باش يحقق ذاتو. فهاد البودكاست عاود لنا على هادشي كامل. هضرنا كذلك على أزمة كورونا و كيفاش فلسفة الصحة العمومية ليوما فالعالم تبدلات من بعد كورونا، و هضرنا كذلك على النظرة ديالو للصحة العمومية ليوما و الرؤية ديالو المستقبلية للأمور. حوار داز واعر مع عمر. نتمنى حتى نتوما تستافدو منو.

    Omar Cherkaoui, MD, MPH - Head of Global Health Initiative, AMBOSS

    • 1h 7 min
    #61 - Mounir Benchemled - العملات الرقمية و المالية اللامركزية (Decentralized Finance)

    #61 - Mounir Benchemled - العملات الرقمية و المالية اللامركزية (Decentralized Finance)

    فهاد الحلقة من البودكاست هضرت مع منير بنشملد لي أسس شركة فمجال العملات الرقمية و المالية اللامركزية (Decentralized Finance). منير بدا الحياة المهنية ديالو مبرمج ديال المواقع و التطبيقات ملي كان باقي كيقرا فجامعة العلوم و التقنيات فطنجة. داز من بزاف ديال المراحل و مشا خدم ففرنسا مع شركات متعددة صغيرة و كبيرة. بدا الاهتمام ديالو بمجال العملات الرقمية فـ 2013 و ابتداء من 2019 ملي بانت المالية اللامركزية (DeFi) بدا كيخدم على الشركة ديالو ParaSwap. هاد الشركة ليوما قدرات تجمع أكثر من 2,7 مليون دولار استثمار من عند أكثر من 30 مستثمر من أشهر الناس لي كاينين فمجال العملات الرقمية ليوما. هاد البودكاست عامر بالمصطلحات التقنية. حاولت نشرح ما أمكن المصطلحات لي كانستعملو، بداية من البلوكشين. و لكن اذا عجبكم هادشي ننصحكم تشوفو أول تعليق فيوتوب، منير عطاني فيه بزاف ديال المصادر لي ممكن تعاونكم تفهمو أكثر. مجال العملات الرقية كبير بزاف، و لكن قدرنا نهضرو على شي مفاهيم رئيسية فهاد البودكاست. هضرنا كذلك على المسار ديال منير و كيفاش حتى وصل لهاد النقطة فحياتو، و على مستقبل ParaSwap لي غادي ترجع قريبا منظمة لامركزية و ما غاديش تبقى شركة مركزة فيد انسان واحد. اذا بغيتو تعرفو اكثر على هادشي سمعو البودكاست. هاد الحلقة من بين الحلقات المفضلة ديالي و لهذا بارطاجيتها بالفيديو فيوتوب.

    Mounir Benchemled - Founder, Paraswap

    • 1h 25 min
    #60 - Mohamed Abdelouahab Rafiqui - ماضي و مستقبل التدين فالمغرب و العالم

    #60 - Mohamed Abdelouahab Rafiqui - ماضي و مستقبل التدين فالمغرب و العالم

    فهاد الحلقة هضرت مع ذ. محمد عبد الوهاب رفيقي. أستاذ رفيقي غني عن التعريف، القصة ديالو معروفة ديال الدخول للسجن من من بعد أحداث 2003. من بعد خروج الأستاذ رفيقي قدم للمغرب ما لم يقدمه بزاف ديال الناس لي ما قضاوش 9 سنوات فالسجن. فتح مركز الميزان للوساطة والدراسات والإعلام. أسس مركز وعي للوساطة و التفكير. اشتغل فالمسرح لمدة أربع سنوات مع فنانين مغاربة. شارك فالعمل السياسي مع حزب الاستقلال. هادشي إضافة للعمل ديالو فمنابر الإعلام و الحوارات لي كيديرها دايما و أعمال أخرى ما ذكرتهاش هنا. الأستاذ رفيقي إنسان كيعجبو يخدم بزاف و يقرا بزاف. فهاد الحوار هضرنا على هادشي كامل، إضافة للمسار ديالو. ناقشنا كذلك مواضيع التطرف و كيفاش أنه السياسات العالمية وصلاتنا للوضيعة لي فيها العالم دابا. ناقشنا كذلك الرؤية ديالو للتدين الإسلامي ليوما، و التوقعات ديالو لمستقبل التدين فالدول الإسلامية و العالم بشكل عام. الحوار عجبني و ماكرهتش نعاودوه شي نهار. نتمنى حتى نتوما يعجبكم.

    Mohamed Abdelwahhab Rafiqui - Islamic Scholar and Researcher

    • 1h 13 min
    #59 - Aziz Taleb - تدور العالم فكارافان و ترجع للمغرب تعاون الفنانين

    #59 - Aziz Taleb - تدور العالم فكارافان و ترجع للمغرب تعاون الفنانين

    فهاد الحلقة هضرت مع عزيز طالب. عزيز كبر فالمغرب و بالضبط فأكادير. كان كيتفرج الأفلام بزاف ملي كان صغير. كان كيحلم يخدم فعالم السينما. لقا بزاف ديال الصعوبات، و لكن فالأخير قدر أنه يمشي لألمانيا باش يقرا السينما. خدم فألمانيا عدة سنوات. قدم مشروع فني كبير دار بيه العالم فكارافان. هاد الكرافان سمحات لهم أنهم يوصلو متحف متنقل كيعرضو فيه فيديوهات ديال مخرجين من العالم كامل. هادشي إضافة للأعمال السينمائية ديالو لي خدا عليها عدة جوائز فمهرجانات متعددة. عزيز من بعد رجع للمغرب و أسس Arab Media Lab لي كيعاون من خلاله بزاف ديال الفنانين المغاربة فالمجال السمعي البصري. كينظم ورشات مع مخرجين محترفين، من بينها ورشة مع فوزي بنسعيدي مثلا. هضرنا على هادشي كامل مع عزيز. عاود لنا القصة ديالو و كيفاش حتى وصل لهاد النقطة من حياتو. هضرنا على السينما و المخرجين العالميين و المغاربة. ناقشنا الرؤية ديالو للفن و الإبداع عامة. أنا استمتعت بزاف بهاد البودكاست، تمنى حتى نتوما تستمتعو به.

    Aziz Taleb - Director/Founder - Arab Media Lab

    • 1h 37 min
    #58 - Oussama Guatbi - التجارة الالكترونية فالمغرب و إفريقيا جنوب الصحراء

    #58 - Oussama Guatbi - التجارة الالكترونية فالمغرب و إفريقيا جنوب الصحراء

    فهاد الحلقة من البودكاست هضرت مع أسامة كطبي. أسامة يمكن تلاحظ أنه مقاول بالفطرة. بدا الخدمة على المشاريع ديالو ملي كان باقي طالب فالمدرسة الوطنية للتجارة و التسيير، و من تما بدات الرحلة ديالو مع المقاولات فالانترنيت. العالم ليوما ولا كيسمح لشي واحد كالس فدارو فالمغرب يسير مقاولات ديال البيع عبر الانترنيت فالعالم كامل. أغلب الناس الي كيبداو بالتجارة الالكترونية كيتوجهو لأسواق ديجا كاينة و معروفة فحال الميريكان، أستراليا ولا أوروبا. أسامة كان خلاق و مشى كيستكشف أسواق أخرى ماعندهاش بزاف ديال التجارة الالكترونية. أغلبية التجارة الي كيديرها أسامة ليوما كاينة فإفريقيا، فأسواق صعيبة و ما عليهاش معلومات بزاف. فهاد البودكاست أسامة عاود لنا على هادشي كامل. شرح لنا كيفاش حتى بدا بالتجارة ديالو و المغامرات ديالو فإفريقيا باش يوصل البزنس ديالو للمستوى لي فيه ليوما، و عطانا بزاف ديال النصائح على كيفاش تبني مقاولة ديال التجارة الالكترونية فالمغرب و إفريقيا.

    Oussama Guatbi - CEO & Founder, Made for her

    • 1h 14 min

Avis du public

5,0 sur 5
18 notes

18 notes

iliasjeb ,

The best

أحسن بودكاست مغربي. ضيوف فالمستوى و محتوى واعر. شكرا !

Beaulo6 ,

Too much love

Best morrocan podcast and podcaster

Classement des podcasts dans Éducation

D’autres se sont aussi abonnés à…