Megrelian Podcast - მარგალური პოდკასტი Odabade
-
- Society & Culture
იფჩიათ ოდაბადურ ნინაშა, ნინაშ ფალუაშ დო საირქიანო ამბეეფშენ.
-
ინტერვიუ ლინგვისტი ნათია ფონიავაწკუმა
ამდღანერი ჩქინი პოდკასტის სუმარო პუნა ლინგვისტი, წინგიშ "ვისწავლოთ მეგრული / დიბგურუათ მარგალური"-იშ ავტორი ნათია ფონიავა. იფჩიებუთ თე ოხემანჯღვერეშ მუკიმუკი. დასურო ჯგირი საქვარი რე ქიმინელი დო თე "მუშით მაგურაფალი" ბრელს გიმადირთუ; გიშაკერზაფილო თი კათას, მისით მარგალური ნინაშ გურაფა ოკო დო ირიათო ითხიინდუ ათეჯგურა ოხემანჯღვერე წინგიშ გიშაშქუმალასინ.
-
კალანდა
იფჩიებუთ კალანდაშენ, ქუჩუჩიშენ (ჩიჩილაკი) დო ჯვეშით ახალ წანაშა მერსხილი შხვადოშხვა რიტუალეფშენ, ტრადიციეფშენ.
სანარღოთ, ამდღანერი საქორთუოს, მუჟამც კალანდას დო ქუჩუჩის შინანან, ხვალე გურიაშე იჭყანა ჩიებას, ვარინ გურიაშე უკულაში პოპულარული დო ჯვეში, თე ტრადიცია დო თიშა მერსხილი რიტუალეფი, სამარგალოს ხოლო დღას ვა ჸოფე. დოჭარით თქვანი კომენტარეფი თე თემაშ დინახალე, ქიგიბშინათ დო ქუგუოშინათ ართიანს, ბრელი გოჭყოლადირი ტრადიცია დო ვარი რიტუალეფი, ნამუთ ჩქინ კუნთხუს ჸოფე დო ასე დინაფილიე, ვარა მადინაფუ შარას გერენ... -
ქირსე
მიგახვამანთ არძას ამდღანერ დღას, ქირსეშ მარდიქ გუმატიბეს! ამდღანერ პოდკასტის ჩიება მაღვენუნა მარგალური ნინაშ პრობლემეფშენ, ბაღანეფშენ, ნამნეფსით მუნეფიშ ფანიას, ასე ანწი მარგალურო მითა ურაგადუნ...
-
ინტერვიუ გივი ქარჩავაწკუმა
ამდღანერი ჩქინი პოდკასტის სუმარო პუნა "მარგალური ნინაშ ასოციაცია"-შ დუმარსხუაფალი პატონი გივი ქარჩავა. იფჩიებუთ მუჭოთ ჯორჯ ორუელიშ უღურალე ნახანდიშ მუკი-მუკი, "ორინჯეფიშ ფერმა"-შ მარგალური ნათანგაშე, ნამუსუთ ასოციაცია გიშაშქვანს მალასინი, თეში - ჟურნალი "სქანი"-შ გეშა ხოლო დო ირფელი თი ამბეშე, მუთ მარგალური ნინაშ მოჸოროფე კათას ოინტერესუდას ოკონი.
-
პოლარიზაფილი მახორობა
გიშაგორუეფიშ უკული ხოლო უმოსი არგამას გეგმორჩქინდჷ კათაშ პოლარიზაციაქ, ვართ თეიშა მორკუდეს თენა, მარა იშენით.
თქვა მუჭო მიგოჩქუნა, მუ რე თავრეშე გიშაულარი?
ათე თემაშენი იფჩიებუქჷ ამდღანერი ჩქინი მარგალური პოდკასტის. -
გიშაგორუეფი 2020
მონჭაფილი რე გიშაგორუეფი დო ჩქი გივორეთ ასე ართ-ართი თიცალ ეტაპის, სოდეთ ჩქინ ქიანაშ ჯგირი დო ფური გინოჭყორდუნი - უპრეცედენტო, კოალიციური თარობა ოკო გიშებგორათ დო გეთუას ქიანაშ ართპიჯუანი დუდალაქ. ქიმეფრთათ გიშაგორუეფშა უღურალეთ დო გეგშებგორათ ჩქინი კანდიდატი.