Y Coridor Ansicrwydd BBC Radio Cymru

Owain Tudur Jones a Malcolm Allen sy'n ystyried y niwed i reolwr Cymru Rob Page yn dilyn dau berfformiad tila mewn gemau cyfeillgar yn erbyn Gibraltar a Slofacia. Oes modd iddo aros er gwaethaf holl feirniadaeth y cefnogwyr? A beth am Ewro 2024? Mae'r ddau arbenigwr yn dewis yr enillwyr, y tîm i greu sioc a'r prif sgoriwr.

Mae'r emosiwn yn llifo wrth i Owain Tudur Jones a Malcolm Allen ymateb i gêm gyfartal Cymru yn erbyn Gibraltar. Ydi Rob Page mewn peryg o golli ei swydd fel rheolwr?

Owain Tudur Jones a Malcolm Allen sy'n dewis tîm y tymor ac yn gwobrwyo'r rheini sydd wedi serennu.

Ydi Caerdydd wedi gwella o dan y rheolwr Erol Bulut y tymor yma? Mae 'na wahaniaeth barn mawr rhwng Owain Tudur Jones a Malcolm Allen. Ac ydi Mo Salah wedi pardduo ei enw da ar ôl ffraeo'n gyhoeddus efo Jurgen Klopp?

Y dyfarnwr Iwan Arwel sy'n egluro wrth Owain Tudur Jones a Malcolm Allen sut yn union fydd "VAR Lite" yn cael ei ddefnyddio yn y Cymru Premier. Yn amlwg, mae Mal wrth ei fodd bod y dechnoleg ddadleuol yn cael ei gyflwyno i'r gynghrair!

Blwyddyn ers ei ymddangosiad diwethaf, mae Waynne Phillips yn ôl i ddathlu dyrchafiad Wrecsam i'r Adran Gyntaf efo Owain Tudur Jones a Malcolm Allen - sydd wedi cyfansoddi cân arbennig i nodi'r llwyddiant diweddaraf.