【生命意志與大腦】叔本華哲學簡介－5.1：《作為意志和表象的世界》第二卷：叔本華的無我觀——意志具象化為世界、身體、「柔軟的髓狀物」，以三種原因驅動盲目嘅世界丨西哲幼稚園EP26

人類都對自己嘅理性充滿自豪，深信軀殼內藏住一個高潔嘅靈魂。 但叔本華提醒我哋，「這是古老而普遍的根本錯誤，亦即第一個漫天大謊（proton pseudos），……必須在一切開始之前先被棄置才行。」 如果你翻開叔本華嘅《作為意志和表象的世界》，跟隨佢嘅步伐去審視意志，你會發現世界充滿住盲目鬥爭，而「我的身體和意志是一體的」，說明人類唔係咩神聖靈魂嘅殘缺居所，大腦只不過係一股盲目嘅「生存意志」為咗繁衍而生嘅求生工具。叔本華講到： 「我們毫不畏懼地說，這個柔軟的髓狀物就像每一種植物或是動物的一部分一樣，也是一種有機結構，它和所有那些在我們非理性兄弟的次等頭顱中偏安一隅的較卑微的親戚一樣，甚至和那些毫無理解力的最卑微的生物也一樣。」 上集，我哋提到世界，係意志嘅物化。今集，我哋將會講到我哋嘅身體，甚至係大腦，都係意志嘅物化。喺呢個世界圖像下，有種悲觀。但悲觀唔係終局，因為「柔軟的髓狀物」，有反抗意志嘅可能。一連兩集，我哋會睇下叔本華點樣描寫意志同「我」嘅關係。今集，我哋就要細思一下，理性、「柔軟的髓狀物」同意志嘅關係。你會見到，叔本華點樣表述「無我」。 「我的身體和意志是一體的」：當我哋更詳細檢視〔身體同意志係一體〕嘅講法，我哋會發現身體同意志嘅關係並唔係咁單向。 動機：三種原因：叔本華認為一切行動都係意志嘅表現，佢將原因分為三種基本類型：「動機」，同「剌激」、「純粹原因」 生命意志：「生命意志」嘅求生工具，會以各自形態鬥爭，用叔本華嘅語言，就係「意志物化的每一個等級都為物資、空間和時間而戰」 智性——意志發展的結果：叔本華嘅原文，會點樣形容我哋嘅「智性」之於「意志」呢？ 一線生機：威爾・杜威將叔本華喺第一卷同第二卷嘅原文整理出一個一氣呵成嘅段落，我認為好適合作為今集嘅總結！ 依家，我哋睇睇咩叫「我的身體和意志是一體的」先。