themoreofmyself Maninder Bajwara

ਇਉਂ ਨਾ ਤੂੰ ਫੇਰ ਅੱਖੀਆਂ ਇਉਂ ਨਾ ਨਕਾਰ ਮੈਨੂੰ
ਕਵਿਤਾ ਜ਼ਰਾ ਮੈਂ ਮੁਸ਼ਕਿਲ ਫਿਰ ਤੋਂ ਵਿਚਾਰ ਮੈਨੂੰ

ਕੋਈ ਹੋਰ ਪੜ੍ਹ ਨਾ ਸਕਦਾ ਤਫ਼ਸੀਰ ਕਰ ਨਾ ਸਕਦਾ
ਮੈਂ ਸਤਰ ਸਤਰ ਤੇਰੀ ਤੂੰ ਹੀ ਉਚਾਰ ਮੈਨੂੰ

ਬਿੰਦੀ ਕੋਈ ਲਗਾਦੇ ਤੇ ਡੰਡੀਆਂ ਵੀ ਪਾ ਦੇ
ਜਿੱਦਾਂ ਨਿਖਾਰ ਸਕਦੈਂ ਓਦਾਂ ਨਿਖਾਰ ਮੈਨੂੰ

ਕੁਝ ਹੋਰ ਗੂੜ੍ਹੀ ਹੋਵਾਂ ਕੁਝ ਹੋਰ ਰੰਗ ਉਭਰਨ
ਤੂੰ ਦਿਲ ਦੇ ਵਰਕਿਆਂ ‘ਤੇ ਏਦਾਂ ਉਤਾਰ ਮੈਨੂੰ

ਜੇ ਕਹਿ ਦਏਂ ਤੂੰ ਮੈਨੂੰ ‘ਮੈਂ ਕਰਦਾਂ ਪਿਆਰ ਤੈਨੂੰ’
ਕਰ ਦੇਣਗੇ ਮੁਕੰਮਲ ਇਹ ਲਫ਼ਜ਼ ਚਾਰ ਮੈਨੂੰ

ਤੈਥੋਂ ਜੇ ਮੁੱਖ ਮੋੜਾਂ, ਕੀਤਾ ਜੇ ਕੌਲ ਤੋੜਾਂ
ਤੂੰ ਹਰਫ਼ ਹਰਫ਼ ਕਰ ਕੇ ਦੇਵੀਂ ਖਿਲਾਰ ਮੈਨੂੰ ਸੁਖਵਿੰਦਰ ਅੰਮ੍ਰਿਤ

ਅੰਮ੍ਰਿਤਾ ਪ੍ਰੀਤਮ ♥️

ਉਦੋਂ ਚੁੱਭਦੀਆਂ ਨੇ ਹੰਢਾਈਆਂ ਹੋਈਆਂ ਨਿੱਘੀਆਂ ਧੁੱਪਾਂ, ਮਾਣੀਆਂ ਹੋਈਆਂ ਛਾਵਾਂ ਤੇ ਨਹੀਂ ਥਿਹਾਉਂਦੇ ਖਿੜੇ ਹੋਏ ਹਾਸੇ,ਕੁਮਲਾ ਚੁੱਕੇ ਹੰਝੂ..

ਅਸੀੰ ਜਿਸ ਨੂੰ ਤਲਾਸ਼ ਰਹੇ ਹਾਂ,ਕਿਤੇ ਉਹ ਵੀ ਸਾਨੂੰ ਹੀ ਤਾਂ ਨਹੀਂ ਤਲਾਸ਼ ਰਹੇ?

ਹਰ ਫੈਸਲਾ,ਹਰ ਮੋੜ,ਹਰ ਘੜੀ ਨਾਲ ਤੁਸੀੰ ਕਿਸੇ ਨਤੀਜੇ ਜਾਂ ਮੰਜਿਲ ਵੱਲ ਵੱਧ ਰਹੇ ਹੋ,ਜੋ ਤੁਸੀੰ ਚਿਰਾਂ ਪਿੱਛੋੰ “ਜੇ” ਨਾਲ ਜੋੜ ਕੇ ਵੇਖੋਗੇ। ਉਦੋੰ ਤੁਸੀਂ ਸਮਝੋਗੇਂ ਅਹਿਮੀਅਤ ਇਹਨਾਂ ਪਲਾਂ ਤੇ ਅਪਣਿਆਂ ਫੈਸਲਿਆਂ ਦੀ ਚੋਣ ਦੀ..

ਠਾਣੋ ਕਿ ਪਾਟਾ ਅੰਬਰ ਸੀਣ ਲਈ ਹੀ ਆਏ ਹਾਂ..