9 episodes

Í tilefni þess að níunda og síðasta kvikmyndin í Star Wars sögu Skywalker-fjölskyldunnar verður frumsýnd í desember sest stjörnustríðs nördinn Geir Finnsson niður með öðrum aðdáendum myndanna og kryfur þær í þessari níu þátta hlaðvarpsseríu. Hvað voru framleiðendur að pæla með Jar Jar Binks? Hvernig fóru þeir að því að byggja nýja Helstirnið svona hratt? Og hvor skaut fyrst, Han Solo eða Greedo?

Hans Óli skaut fyrst RÚV

    • TV & Film

Í tilefni þess að níunda og síðasta kvikmyndin í Star Wars sögu Skywalker-fjölskyldunnar verður frumsýnd í desember sest stjörnustríðs nördinn Geir Finnsson niður með öðrum aðdáendum myndanna og kryfur þær í þessari níu þátta hlaðvarpsseríu. Hvað voru framleiðendur að pæla með Jar Jar Binks? Hvernig fóru þeir að því að byggja nýja Helstirnið svona hratt? Og hvor skaut fyrst, Han Solo eða Greedo?

    Kafli IX - The Rise of Skywalker

    Kafli IX - The Rise of Skywalker

    Þá er komið að lokaþættinum í Hans Óli Skaut Fyrst, þáttunum þar sem Geir Finnsson hefur gert upp Stjörnustríðsmyndirnar með góðum gestum og talið upp í níundu og síðustu myndina í Skywalker sögunni svokölluðu. Eftir að hafa rætt allar myndirnar í þaula síðustu mánuði hafa Geir og gestir vikunnar, þau Stefán Pettersson, Bríet Blær Jóhannsdóttir og Ragnhildur Kristjana Ásbjörnsdóttir Thorlacius nú séð nýjustu kvikmyndina Star Wars Episode IX: The Rise of Skywalker og ræða hana í þessum þætti.

    Kafli VIII - The Last Jedi

    Kafli VIII - The Last Jedi

    Það er komið að áttundu og næst síðustu kvikmyndinni í Stjörnustríðsbálknum, The Last Jedi. Myndin kom út árið 2017 og vakti mismikla lukku eins og þær gera jú margar. Að þessu sinni fær Geir Finnsson þau Helgu Margréti Höskuldsdóttur, dagskrárgerðarkonu, og Stefán Snæ Stefánsson, laganema, til sín en þau segjast hvorugt vera sérstakir sérfræðingar um Star Wars, við látum hlustendur dæma um það.

    Kafli VII - The Force Awakens

    Kafli VII - The Force Awakens

    Sjöundu kvikmyndinni í stjörnstríðs bálknum eru gerð skil í þessum sjöunda þætti hlaðvarpsins. Kvikmyndin kom út árið 2015 og er sú fyrsta í upptaktinum að endalokunum. Gestir þáttarins eru Sonja Sigríður Jónsdóttir og Tómas Geir Howser.

    Kafli VI - Return of the Jedi

    Kafli VI - Return of the Jedi

    Í þessum sjötta þætti stjörnustríðs-hlaðvarpsins Hans Óli skaut fyrst er að sjálfsögðu fjallað um sjötta kafla kvikmyndabálksins, Return of the Jedi. Kvikmyndin kom út árið 1983 og er síðasta myndin í upphaflega þríleiknum. Kvikmyndin vék aftur frá myrkri stefnunni sem tekin var í Empire strikes back en höfundur og heilinn að baki kvikmyndunum, George Lucas, uppgvötaði af alvöru sóknarfærin í leikfangasölu við útgáfu hennar. Umsjónarmaður þáttarins er Geir Finnsson en gestir eru þau Oddur Ævar Gunnarsson, blaðamaður hjá Fréttablaðinu og Sonja Sigríður Jónsdóttir, athafnakona.

    Kafli V - The Empire Strikes Back

    Kafli V - The Empire Strikes Back

    Næst vindum við okkur í fimmta kafla, The Empire Strikes Back. Um er að ræða fyrsta Stjörnustríðsframhaldið og fór hún í ansi djarfar áttir sem varð til þess að myndin var mun myrkari en forveri sinn og hlaut því ekki lof gagnrýnenda fyrst um sinn. En með tíð og tíma var ljóst að Empire Strikes Back væri, eftir á að hyggja, ansi góð. Í raun allra besta Stjörnustríðsmyndin ef út í þá sálma er farið. Til þess að rýna í þessa merkilegu mynd fékk Geir í þáttinn annars vegar Daníel Rósinkrans, penna hjá Nördi Norðursins og hins vegar Silju Björk Björnsdóttur, kvikmyndafræðing og rithöfund.

    Kafli IV - A New Hope

    Kafli IV - A New Hope

    Þá er forleiknum lokið og hefst Geir nú handa við að fara yfir fjórða kaflann í Star Wars, A New Hope, sem er jafnframt allra fyrsta myndin. Þegar hún kom út árið 1977 hlaut hún alveg framúrskarandi viðtökur, sló öll sölumet og var tilnefnd til fjölmargra Óskarsverðlauna. Það er hér sem Logi Geimgengil, Hans Óla og Lilju bregður fyrir í fyrsta sinn þegar þau bjarga Vetrarbrautinni frá hinu illa Veldi. Því er af nógu að taka og rýnir Geir í þessa klassísku mynd með Berglindi Hrefnu Sigurþórsdóttur, tölvunarfræðinema og Starra Reynissyni, bóksala og stjórnmálafræðinema.

Top Podcasts In TV & Film

Listeners Also Subscribed To