Hismið hlaðvarp Hismið hlaðvarp

Í Hismi vikunnar förum við yfir valdaskiptin í Bandaríkjunum, mikla grein í Morgunblaðinu þar sem vinstri menn eru greindir, fullyrðingar þess efnis að endurskoðendur séu hressir, kaup Kaupfélags Skagfirðinga á Metro og bók sem Hismið getur ekki beðið eftir að lesa; Málsvörn Jóns Ásgeirs Jóhannessonar.

Andrés Jónsson, almannatengill og mentor Hismisins sest í settið og greinir stöðuna með umsjónarmönnum, Twitter-bannið hjá Trump og afleiðingar þess, ört vaxandi hóp þeirra sem aðhyllast samsæriskenningar, fréttatíma Stöðvar 2 í læstri dagskrá og hvort tilefni sé til að dusta rykið af NFS aftur auk þess sem farið í samkvæmisleikinn um hvernig næsta ríkisstjórn gæti litið út. 

Í þætti dagsins fara þeir Árni og Grétar yfir atburðina í Bandaríkjunum þar sem misgæfulegir, reiðir, hvítir karlmenn tóku yfir þinghúsið og höfðu merkilega lítið fyrir því, stöðuna á bóluefninu og hið stóra Ásmundarsalsmál frá því um jólin. Þá bregður Grétar sér í gervi sænsks rannsóknarblaðamanns og spyr Árna út í meintar ásakanir um að mæta með æfingaföt í plastpokum.

Í Hismi vikunnar gerum við upp árið með Guðmundi Hauki Guðmundssyni, forsvarsmanni #ársins á Twitter. Við rifjum upp ávöxt ársins, sigurvegara ársins, veðurfréttamann ársins, tillögur ársins, braskara ársins, útskriftarferð ársins, yfirvegun ársins, leikhóp ársins og fólk ársins ásamt fleiru.

Í Hismi dagsins er Grétar Theodórsson tekinn tali en hann er nú í sóttkví á heimili sínu og gerir grein fyrir ferlinu og aðdraganda málsins. Þá gera umsjónarmenn grein fyrir eigin rannsóknum á væntanlegu bóluefni sem byggja á 15 mínútna gúgli, hvenær sóttvarnaraðgerðum linni og ummæli heilbrigðisráðherra sem komu illa við einhverja, kærugleði í hópi efasemdafólks sóttvarna auk þess sem Árni opnar sig um reynslu sína af jólakonfektinu í ár.

Í Hismi vikunnar förum við yfir væntanlegt bóluefni, ungverskan þingmann sem stendur fyrir íhaldsöm gildi en var gripinn í orgíu með 25 öðrum mönnum, Hannes Hólmstein sem tók upp hanskann fyrir Margaret Thatcher í vikunni, smá vesen í bókhaldi Pírata og rifjum upp þegar Grétar hitti knattspyrnumanninn Francesco Totti og Árni tók í hendina á frú Thatcher.