Söngleikir samtímans RÚV
-
- Music
-
Söngleikir hafa alveg sérstakt aðdráttarafl. Í söngleikjum samtímans fjallar Karl Pálsson um nýja söngleiki sem settir hafa verið upp beggja megin Atlantshafsins síðustu fimm árin. Við hlýðum á brot úr þeim og kynnumst umfjöllunarefnunum í nýjustu og ferskustu verkunum. Jafnframt er fjallað um nýja íslenska söngleiki.
Umsjón: Karl Pálsson.
-
Beetlejuice og Come From Away
Í þessum fyrsta þætti ætlum að við að skoða söngleikinn Beetlejuice sem byggður er á samnefndri kvikmynd Tim Burton og frumsýndur var í fyrra og söngleikinn Come From Away sem segir aðra sögu af hryðjuverkaárásunum þann 11. september. Atburðarrás í bænum Gander á Nýfundnalandi þar sem 39 flugvélar þurftu að lenda vegna árásanna á austurströnd Bandaríkjanna.
-
Hamilton og Six
Í þessum þætti kíkjum við á söngleikina Hamilton og Six sem taka fyrir klassísk og söguleg efni en með ferskum og nýstárlegum blæ.
Hamilton segir sögu Alexander Hamilton, eins af stofnendum og fyrsta fjármálaráðherra Bandaríkjanna og í Six er fjallað um sex eiginkonur Hinriks áttunda, en hér stofna þær kvennasveit og sameinast gegn húsbónda sínum. -
Dear Evan Hansen og Something Rotten
Í þætti dagsins er fjallað um söngleikina Dear Evan Hansen og Something Rotten. Dear Evan Hansen er frá einu stærsta höfundadúói samtímans og Something Rotten sýnir okkur nýja hlið á William Shakspeare.
-
Hadestown og Waitress
Í þessum þætti kynnumst við gríska harmleiknum um Orfeus og Evridísi sem varð óvænt að verðlaunasöngleiknum Hadestown og Waitress þar sem ofurkonan Sara Bareilles semur tónlistina.
-
The Band's Visit og Mean Girls
Í þessum þætti eru tveir söngleikir sem eru nánast alveg bleikt og blátt. Þetta eru The Band's Visit sem segir frá egypskri lögregluhljómsveit sem villist í lítið ísraelskt þorp og Mean Girls sem er byggð á vinsælu kvikmyndinni frá 2004 eftir Tinu Fey.
-
Ísland í gegnum árin
Í þætti dagsins er farið á handahlaupum yfir söngleikjasögu Íslands. Allt frá uppsetningum á erlendum söngleikjum til söngleikja sem samdir eru hér á landi.