17 episodi
Haqani Lawyers for Justice in Libya
-
- Economia
"حقاني" رحلة عدالة مستمرة، حقاني هي منصة للناس تحكي فيها قصصها الحقيقية، قصص ملهمة و مثابرة تُبين كيف اجتازت الناس التحديات في وجه الانتهاكات الجسيمة لحقوق الانسان في ليبيا. هنسمعوا فيها قصص حقيقية بأصوات اصحابها الحقيقيين. في كل موسم هناقشوا قصة مختلفة و انتهاكات مختلفة. وفي كل موسم من هذا البودكاست قصة ملهمة في مقاومة القمع وتحقيق العدالة المرجوة. Meaning both “truthful” and “just,” Haqani looks at injustice in Libya through the prism of real stories told by the people who lived them. Haqani is a space for those who have triumphed over oppression to speak about their experiences. Each season will shed light on a new story as we discuss the law and how to pursue justice and accountability.
-
05: "اللي نكسر فعلاً يتصلح"
وصلنا للحلقة الخامسة والأخيرة بعنوان " اللي نكسر فعلاً يتصلح" من بود كاست حقاني، الحلقات اللي فاتوا تكلمنا على شن هو مفهوم العدالة بالنسبة لليبيين خلال العشر سنوات اللي فاتوا، وتكلمنا بالتفصيل عن العدالة الجنائية وناقشنا ملابسات العفو والقوانين الي صدرت وحكينا على المصالحة الوطنية و علاش مساعيها فشلت في كل مرة وهلبا تفاصيل.
في حلقتنا اليوم راح نتكلموا عن جبر الضرر اللي تكرر ذكره هلبا مرات في خلال الحلقات السابقة، وكيف هو يختلف في المفهوم والمعنى عن التعويض وكيف جبر الضرر ليه دور في كشف الحقيقة وشن هي التدابير الرمزية وكيف إن ليها دور في تخليد الذكرى وشن دور إعادة التأهيل، وكيف يمكن رد الاعتبار للمجتمع كله، في حلقتنا اليوم راح نسمعوا شن رأي أكثر من 70% من اللي تكلمنا معاهم في دراسة تصورات الليبيين عن موضوع جبر الضرر وشن هي متطلباتهم.
كل هذا وأكثر يصاحبنا فيه الهام ومحمد طارحين تساؤلات واحصاءات لدراسة درناها تكلمنا فيها مع هلبا ليبيات وليبيين الي تعكس افكارهم عن العدالة طارحين فيها المشاكل وافكار وبعض الحلول، وتفاصيل تهمكم لمعرفة أكثر عن جبر الضرر وشن اهم اشكاله وانواعه وانعكاساته على المجتمع، كل هذا بأسلوب مشوق وفي إطار قانون بسيط.
للاطلاع على دراسة تصورات الليبيين عن العدالة خلال العشر سنوات ارجوا الضغط على الرابط التالي.
إذا عجباتك الحلقة من فضلك اشترك وخليلنا تقييم 5 نجوم على منصة Apple podcast أو من اي منصة انت تسمع فينا بيها.
حقاني هو من انتاج منظمة محامون من أجل العدالة في ليبيا ، تقدر اتابعنا على صحفات السوشيال ميديا على كل ما يلي:
تويتر: LibyanJustice
الفيسبوك: LibyanJustice
إنستغرام: lawyersforjusticeinlibya
اشترك معانا في قائمة البريد
في حالة حبيت شغلنا ادعمنا بالتبرع
تيسر إعداد هذا الموسم بفضل شراكتنا مع المعهد الدنماركي لمناهضة التعذيب Dignity
© 2022 Haqani -
04: "...مناش معترضين على المصالحة، لكن"
لطالما كانت المصالحة الوطنية هي الحل الأول لفض النزاعات المسلحة، ومرحلة اولى في حال تحققت ،تحقق معها التعايش السلمي بين ابناء الوطن الواحد، وهنا ربما ينطلق التساؤل اللي اصبح مؤخراً تساؤل جدلي في ليبيا، شنو هو الشي الي مخلينا مش قادرين نحققوا المصالحة الوطنية برغم كل المحاولات الي فاتت خلال العشر السنوات الي فاتو ومن خلال كل الحكومات المتتالية او الحكومات المتقاتلة على سبيل تجسيد الواقع الليبي .
في حقلتنا " مناش معترضين على المصالحة،لكن" حناقشوا مساعي المصالحة في ليبيا، مركزين فيها على الأسباب الي أدت إلى عدم نجاحها، زي مثلا عدم إشراك الضحايا،وعلاش المصالحة كانت سطحية ومركزة على فئة معينة؟! وشن قصدنا لما نتكلموا على المصالحة وشن هو شكل المصالحة السليمة التي تبني عليها الامم تعايشها السلمي . وكيف ممكن يتم تقريب وجهات النظر فيما بينهم.
كل هذا وأكثر يصاحبنا فيه الهام ومحمد طارحين تساؤلات واحصاءات لدراسة درناها تكلمنا فيها مع هلبا ليبيات و ليبيين الي تعكس افكارهم عن العدالة طارحين فيها المشاكل وافكار وبعض الحلول، وتفاصيل تهمكم لمعرفة أكثر عن المصالحة الوطنية وشن اهم اشكالها وعناصرها، كل هذا بأسلوب مشوق وفي إطار قانون بسيط.
للاطلاع على دراسة تصورات الليبيين عن العدالة خلال العشر سنوات ارجوا الضغط على الرابط التالي.
إإذا عجباتك الحلقة من فضلك اشترك وخليلنا تقييم 5 نجوم على منصة Apple podcast أو من اي منصة انت تسمع فينا بيها.
حقاني هو من انتاج منظمة محامون من أجل العدالة في ليبيا ، تقدر اتابعنا على صحفات السوشيال ميديا على كل ما يلي:
تويتر: LibyanJustice
الفيسبوك: LibyanJustice
إنستغرام: lawyersforjusticeinlibya
اشترك معانا في قائمة البريد
في حالة حبيت شغلنا ادعمنا بالتبرع
تيسر إعداد هذا الموسم بفضل شراكتنا مع المعهد الدنماركي لمناهضة التعذيب Dignity
© 2022 Haqani -
03: "مافيش عفو بالنياب"
في عام 2012 أصدر المجلس الانتقالي القانون رقم 38، القانون اللي يمنح العفو لكل شخص ارتكب أي جرائم في فترة ثورة 17 فبراير وبعد 4 سنوات اي عام 2015 أصدر مجلس النواب قانون رقم 6 لمنح العفو العام واللي شمل حسب رأيهم سيف الاسلام القذافي .
في حلقتنا "مافيش عفو بالنياب" حناقشوا بعض الاسباب اللي ادت لفشل هادي القوانين ومساهمتها في اطالة النزاع المسلح والأزمة في ليبيا، وكيف انها مكانتش بأسس صحيحة وتهاونت هلبا مع جرائم حرب وجرائم ضد الانسانية، وهل ممكن اشراك الضحايا في منح العفو؟! وشن كان رأي الليبيين وشن تصوراتهم عن العفو؟! هل هم راضيين يمنحوه ولا عندهم شروط؟! شن كان راي سالمة وغيرها في منح العفو، في حلقتنا تسمعوا آراء الضحايا أنفسهم في منح شيء هو في الاصل ملكهم.
كل هذا وأكثر يصاحبنا فيه الهام ومحمد طارحين تساؤلات واحصاءات لدراسة درناها تكلمنا فيها هلبا ليبيين الي تعكس افكارهم عن العدالة طارحين فيها المشاكل وافكار وبعض الحلول، وتفاصيل تهمكم لمعرفة أكثر عن العفو وأنواعه واشكاله، بطريقة مشوقة في إطار قانون بسيط.
للاطلاع على دراسة تصورات الليبيين عن العدالة خلال العشر سنوات ارجوا الضغط على الرابط التالي.
إذا عجباتك الحلقة من فضلك اشترك وخليلنا تقييم 5 نجوم على منصة Apple podcast أو من اي منصة انت تسمع فينا بيها.
حقاني هو من انتاج منظمة محامون من أجل العدالة في ليبيا ، تقدر اتابعنا على صحفات السوشيال ميديا على كل ما يلي:
تويتر: LibyanJustice
الفيسبوك: LibyanJustice
إنستغرام: lawyersforjusticeinlibya
اشترك معانا في قائمة البريد
في حالة حبيت شغلنا ادعمنا بالتبرع
تيسر إعداد هذا الموسم بفضل شراكتنا مع المعهد الدنماركي لمناهضة التعذيب Dignity
© 2022 Haqani -
02: "مافيش حد فوق القانون"
عشرة سنين فاتوا ولتوا مازالت العدالة الجنائية في حالة تعثر مستمر في ليبيا هذا من غير ذكر العقود السابقة! فلا وجود لمحاكم عادلة، القضايا متوقفة، ملفات وأدلة اختفت، جُناة خارج قضبان السجون، وأسماء متهمين بُرئت !
في حلقتنا " مافيش حد فوق القانون" حتتعرفوا فيها على تصورات الليبيات و الليبيين عن العدالة الجنائية، وشن ممكن يصير لو ما تحققتش حسب رأيهم، ومن هم المسؤولين عن عدم تحقيقها، زي مثلا ما صار في مجمع محاكم غريان، مازلتوا مذكرين؟! من خلال حلقتنا تسمعوا تفاصيلها.
وراح تسمعوا قصة يوسف الي كل ذنبه ان هو محسوب على فئة معينة، وشن مطالبه لتحقيق عدالته، وراح تعيشوا مع سالمة الي قصتها تعكس تماما دائرة الانتهاكات الغير منتهية بسبب عدم المحاسبة والمساءلة خلال كل الازمنة الي فاتت.
كل هذا وأكثر يصاحبنا فيه الهام ومحمد طارحين تساؤلات واحصاءات لدراسة درناها تكلمنا فيها مع هلبا ليبيات وليبيين الي تعكس افكارهم عن العدالة طارحين فيها المشاكل وأفكار وبعض الحلول، وتفاصيل تهمكم لمعرفة أكثر عن العدالة الجنائية، بطريقة مشوقة في إطار قانون بسيط.
للاطلاع على دراسة تصورات الليبيين عن العدالة خلال العشر سنوات ارجوا الضغط على الرابط التالي.
للاطلاع على سلسة أصوت الضحايا تقرير "مشاركة الضحايا في المحكمة الجنائية الدولية" اضغط على هذا الرابط.
إذا عجباتك الحلقة من فضلك اشترك وخليلنا تقييم 5 نجوم على منصة Apple podcast أو من اي منصة انت تسمع فينا بيها.
حقاني هو من انتاج منظمة محامون من أجل العدالة في ليبيا ، تقدر اتابعنا على صحفات السوشيال ميديا على كل ما يلي:
تويتر: LibyanJustice
الفيسبوك: LibyanJustice
إنستغرام: lawyersforjusticeinlibya
اشترك معانا في قائمة البريد
في حالة حبيت شغلنا ادعمنا بالتبرع
تيسر إعداد هذا الموسم بفضل شراكتنا مع المعهد الدنماركي لمناهضة التعذيب Dignity
© 2022 Haqani -
01: "العدالة مليهاش تاريخ صلاحية"
من عشرة سنوات قامت الثورة من أجل تحقيق العدالة لكل الليبيين، من وقتها والليبيين مروا بعدة مراحل صارت فيها هلبا انتهاكات اثناء النزاعات المسلحة ، خلال العشرة سنوات هادو تغير منطق وتفكير الليبيين لمعنى العدالة.
ومن خلال الحلقة الاولى من الموسم الثالث من بودكاست حقاني "العدالة مليهاش تاريخ صلاحية"، نعكسوا تصورات وأفكار وآراء الليبيين حول مفهوم العدالة، شن تعنيلهم وشن هي طموحاتهم وآمالهم وشن ممكن تحققلهم في حالة انها اطبقت في بلادنا على الجناة، ومش هكي وبس حنسمعوا مع بعض محمد والهام وهم يتبادلوا في الافكار ويتناقشوا على محاور حول مفهوم العدالة، من ضمنها أهميتها وعناصرها، مع تسليط الضوء على الحقوق المنسية والي راح يتناقشوا فيها محمد والهام على حقوق الضحايا وحقوق المتهمين، وبعض الإحصاءات الي تعكس بالزبط فكرة الليبيين عن العدالة، كل هذا واكثر بأسلوب شيق وفي إطار قانوني بسيط .
للاطلاع على دراسة تصورات الليبيين عن العدالة خلال العشر سنوات ارجوا الضغط على الرابط التالي.
إذا عجباتك الحلقة من فضلك اشترك وخليلنا تقييم 5 نجوم على منصة Apple podcast أو من اي منصة انت تسمع فينا بيها.
حقاني هو من انتاج منظمة محامون من أجل العدالة في ليبيا ، تقدر اتابعنا على صحفات السوشيال ميديا على كل ما يلي:
تويتر: LibyanJustice
الفيسبوك: LibyanJustice
إنستغرام: lawyersforjusticeinlibya
اشترك معانا في قائمة البريد
في حالة حبيت شغلنا ادعمنا بالتبرع
تيسر إعداد هذا الموسم بفضل شراكتنا مع المعهد الدنماركي لمناهضة التعذيب Dignity
© 2022 Haqani -
10: "التعذيب: كيف تقدر تحمي نفسك"
في الحلقة الخامسة والأخيرة من الموسم الثاني حقاني "التعذيب: كيف تقدر تحمي نفسك" وصلنا في رحلتنا لمحطتنا الأخيرة، في المحطات السابقة، تكلمنا على أساليب التعذيب و أغراضه و الضمانات ضده ومن هم المسؤولين، في حلقتنا اليوم حنتكلموا على كيفية الوصول للعدالة لجوهر ولكل الأشخاص الي تعرضوا لهذا الانتهاك الصارخ "التعذيب"
كل هذا يصاحبه نقاشات وتساؤلات تطرحها إلهام السعودي و يطرحها محمد المسيري تعليقاً على احداث قصة جوهر وتصويرها و شرحها للمستمعين في اطار قانوني بسيط ، مستعرضين في هادي الحلقة اشكال العدالة الجنائية وامكانيات جبر الضرر للضحايا زي الدعم النفسي وغيرها من الوسائل.
هي قصة ماساة وانتصار! ويشرفنا ان نحكوها ونشاركوها في حقاني لتسليط الضوء على هذه الانتهاكات ، من هني منظمة محامون من اجل العدالة ممتنة جداً للسيد جوهرعلى شجاعته وكرمه وثقته فينا لرواية قصته على منصة حقاني.
والشكر موصول لكل من شارك وساهم في انتاج الحلقة.
تصميم: @nannkadesigns
إذا كنت أو أحد أفراد أسرتك من ضحايا هذه الجرائم، سنحاول مساعدتك في إطار سعيك من أجل العدالة، مجاناً ومن دون أي تكلفة.
إذا كنت تريد منّا أنّ نقدّم المساعدة والدعم، يرجى ملء الاستمارة (إضغط هنا) وتزويدنا بالمعلومات التي نحتاجها لتحديد الخطوات المقبلة.
اذا عجباتك الحلقة ، من فضلك اشترك وخلينا تقييم 5 نجوم على منصة بود كاست أبل، أو من أي منصة انت تسمع فينا بيها، حقاني هو من انتاج منظمة محامون من أجل العدالة في ليبيا ، تقدر اتابعنا على صحفات السوشيال ميديا على كل ما يلي :
تويتر:LibyanJustice
الفيسبوك:LibyanJustice
إنستغرام: lawyersforjusticeinlibya
اشترك معانا في قائمة البريد
في حالة حبيت شغلنا ادعمنا بالتبرع
تيسر إعداد هذا الموسم بفضل شراكتنا مع المعهد الدنماركي لمناهضة التعذيب Dignity
All content © 2021 Haqani.