حنجرة بودكاست | Hanjara Podcast Hanjara

بكم طريقة بتقدر تدخل ع اي دولة في العالم؟
بفلسطين ، عندك خيارات كتير ، بس ولا طريقة فيهم موجودة بدولة تانية غيرها ..

في هاي الحلقة راح نحكي عن السفر الى فلسطين ومين هم الناس اللي مسموح او مش مسموح يدخلو على فلسطين وكيف وضع الطريق؟
فكركو فيها مطبات؟

في هاي الحلقة بنحكي عن المصاعب الكتير اللي بمر فيها الفلسطيني بهدف انه يسافر من فلسطين الى اي دولة تانية في العالم ..

في المطب الثالث من بودكاست مطبات بنحكي عن التنقل والحركة داخل فلسطين وبين المدن الفلسطينية، والرحلة الطويلة اللي بيحتاجها ليقضي ابسط حاجاته في مدينة غير مدينته، ووحدة قياس المسافات في فلسطين اللي بتختلف عن باقي دول العالم، وكيف لازم يمر من المعابر اللي عاملة عمليات تجميل.

الخليل دايما غير ! H1 و H2
هدول مش مركبات كيميائية ، هدول مسميات لتقسيم مدينة الخليل الفلسطينية لقسمين، وبناء على هاي المسميات تحددت كتير من الامور اللي ممكن الفلسطيني يعملها او ما يعملها ، يتحرك او ما يتحرك، يفتح محله او ما يفتحه والخ ...
المطب الثاني من بودكاست مطبات راح يحكيلنا عن الوضع في مدينة الخليل وعن هاي التقسيمات وعن شارع الشهداء، اللي كان مركز المدينة وصار ممنوع على الفلسطيني يدخله !

حركة ستوب هي لعبة شعبية فلسطينية بيتحكم فيها شخص بمجموعة من اللاعبين بحركتهم او توقفهم من خلال كلمة واحدة. وفي هاي الحلقة راح نحكي ونوضح وضع الحركة والتنقل بشكل عام في فلسطين، ونحكي عن مجمل القيود المفروضة على كل فلسطيني في حركته وتنقله داخل اراضي فلسطين وبين مدنها. وكأنه الفلسطيني في لعبة: حركة ستوب

حيد عن الجيشي يا غبيشي، قبل الحناطير ما يطلّو .. أغنية من التراث الشعبي الفلسطيني تحدثت عن قصة شاب بدوي أردني وفتاة فلسطينية من فترة السفر برلك، ووثّقت حالة اجتماعية عاشها الفلسطينيين في هديك الفترة .. استمعوا الى الحلقة الاخيرة من هذا الموسم من اللويح ..