Open Your Soul Podcast RoneyG

Estrès, depresyon ak anksyete se maladi ki tiye anpil moun. Li pa gen jou, li pa gen lè. Anpil fwa moun ki soufri de maladi sa yo pa souvan pale de pwoblèm ni obstak y ap afronte nan lavi kotidyen yo. Epizòd sa pa antre nan pwofondè maladi sila yo, men pito, se yon fòm ankourajman pou fe konnen a sila yo ki ap simonte etap glise sa yo ke yo pa poukont yo. 

Ane 2021 an ap fini, kisa w te aprann pandan ane sa? Kisa w ta swete pou lot ane k ap rantre a? Kek konsey ak feedback sou koman ane 2021 an te pase e koman n ap prepare nou pou nou resevwa ane 2022 a.

Anpil fwa nou pa reyalize sa, men nou se pwòp rezon kifè nou paka avanse nan lavi nou nan kenbe deseri bagay sou kè nou kòm rankin, rayisman etsetera! Nan epizòd sa, mwen pale de lese ale pou nou ka kontinye avanse pi devan. Mwen swete nou pran plezi nan tande epizòd sa e aplike kek konsey sa yo nan vi pèsonèl nou.

Nan epizòd sa, mwen pale de enpòtans ki genyen lè w ralanti epi pran swen mantal ou. Li ede w akonpli plis bagay e li ede w rete balanse nan kèlkeswa sikonsatns lan. Mantal nou jwe yon gro wòl sou fizik nou, men malerezman, nou pa edike tèt nou ase sou enpòtans sante mantal. Ann fè yon ti pale de sante mantal nou e koman nou kapab aprann prezève li.

People pleasing se yon bagay anpil nan nou gen lakay nou. dèfwa nou pa reyalize lè nou fèl, dèfwa tou, se yon mwayen survi sèvo'w jis adapte oubyen ou chwazi fe moun plezi nan nepot ki sikonstans. Jodi a nou pral ple de koman'w ka rekonèt ou se yon people pleaser e koman ou ka konbat sa.

Nan epizòd sa, mwen ak Maruthsha (Smileymaruth), ki se yon fiti nitrisyonis, fè yon ti chita pale sou sante fizik, sou sa n'ap konsome etc.