NAIZ IRRATIA - Musikharia | naiz.eus Naiz Irratia

Bilboko laukoteak rockaren arlo desberdinetatik landutako zazpi abestiz osatutako diskoak urtebete bete du. Berandu topatu dugun mapa da, baina badu altxorraren maparen kutsu bat. Alex eta Jokin Erkoreka, Unai Luzuriaga eta Jon Txirapozu dira taldekideak eta MusikHaria saioan aurkeztu dute lana.

2023a bukatzear zela kaleratu zuten estreinako lana Golden Blend taldekoek. Hiru bergarar eta antzuolar bat dira taldea osatzen dutenak eta etxean, Bergarako festetan, aurkeztuko dute lana maiatzaren 17 honetan.

2017an kaleratu zuen lehen disko laburra Amaia Mirandak (Bilbo, 1993). Biluztasunaren goreneko adierazpena zela esan genuen 2022ko ‘Cuando se nos mueran los amores’ kaleratu zuenean eta bide beretik dator ‘Mientras vivas brilla’ lan berria. Aurkezpen biran murgilduta dabil orain.

Gernikako boskotea da Ziraun, rockaren bueltan sortutako proiektua. Modu bitxian sortutakoa gainera, musika akademia batean, beren kontuak ikasten ari zirela, elkarrekin nola funtzionatzen zuten ikusteko jotzen hasi eta Ziraun atera zen hortik. Debutek diskoa kaleratu dute aurten, ‘Argitik’.

Libe Garcia de Cortazar (Bilbo, 1981) Neubat taldean ezagutu genuen askok, Sorkunekin ere aritu zen ‘Duna’ diskoan, eta, beranduago, Izaki Gardenak taldean edota Pasadenan entzun dugu. 2014an eta 2017an atera zituen, ordea, bakarkako bere bi diskoak. ‘Azal ezten’ dator orain, Pasadena bukatu berri.

Rally 48 taldeak irabazi du biran aritzeko aukera eta S.A.D. taldeak, berriz, Musika Bulegoak ematen duena.