Pola Retradio en Esperanto Redakcia teamo: Barbara PIETRZAK / Gabriela KOSIARSKA / Milada SZWEDO / Maciej JASKOT / Krystyna GROCHOCKA / Tomasz MILLER / Saliĥ ZAKIROV / Bruce CRISP

En la 1321-a E_elsendo el la 25.05.2024 ĉe www.pola-retradio.org:



• Per nia hodiaŭa felietono ni invitas vin al Varsovio, kiu dank’ al la reĝo Zygmunt III Waza – Sigismundo la 3-a Vasa de ĉ. 400 jaroj estas la ĉefurbo de Pollando.

• La komencaj kulturkronikaj informoj rilatas al la nova sezono kun Chopin-muziko en Varsovio; al la finiĝonta morgaŭ en la pola ĉefurbo Internacia Librofoiro; al la baldaŭ finiĝonta ekspozicio pri la Virinoj de fervojo.

• En la E-komunuma segmento ni citas amplekse el la lasta mesaĝo de UEA lige kun la Monda Tago por Kultura Diverseco por Dialogo kaj Evoluigo.

• Muzike akompanas Armel Amiot per fragmento de la kanzono „Nek viro nek virino” el lia bita albumeto „Dezertoj” eldonita de Vinilkosmo aperanta kiel oficiala videaĵo - https://www.vinilkosmo-mp3.com/eo/blogo/395-oficiala-eldono-de-la-dua-bit-albumeto-de-armel-amiot,-dezertoj-hodiaŭ-la-24-an-de-majo-2024.html.

• La akompana interreta foto prezentas la oleopentraĵon de Bernardo Bellotto (la 18-a jarcento). Ĝia motivo estas alrigardo al Krakowskie Przedmieście flanke de la iama Krakova Pordego ĉe la Sigismunda Kolono.

• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.

En la 1320-a E_elsendo el la 20.05.2024 ĉe www.pola-retradio.org:



• Ĉi-foje, la lastan fojon, per la 145-a fragmento ni proponas konatiĝi kun la intrigo de la romano „Quo Vadis” de Henryk Sienkiewicz en la traduko de Lidia Zamenhof.

• En la komencaj aktualaĵoj ni informas pri polaj-francaj ekonomiaj rilatoj; pri la komenciĝonta morgaŭ Copernicus Festivalo en Krakovo. Hodiaŭ en la Tago de Abelo ni informas krome pri reaperinta en Pollando la t.n. nigra abelo - Xylocopa violacea.

• En la scienctema bulteno ni donas la atenton al la perdiĝanta kapablo aŭskulti reference al la usonaj esploroj kaj la funkciado de la pola fondaĵo Audomania.

• Hodiaŭ muzike riĉigis nin Lucio Avitabile kantante la E-version de la kanzono „Tiu brakumo unika”.

• La akompana interreta foto prezentas la reaperintan en Pollando, Xylocopa violacea.

• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.

En la 1319-a E_elsendo el la 15.05.2024 ĉe www.pola-retradio.org:



• Nian felietonon pri koninda Pollando ni dediĉas al la historio kaj restaŭrado de la unusola en Pollando palaco en la franca novrenesanca stilo, en la loko Guzowo proksime al Varsovio.

• En la komenca kulturkroniko ni informas pri la daŭrantaj en Lodzo Baletaj Rnkontiĝoj; pri kreiĝanta nova opero pri la pola italdevena reĝino Bona Sforza; pri historiaj kaheloj, kiuj revenis al la varsovia Reĝa Komplekso en Łazienki-parko.

• En la E-komunuma segmento ni informas pri reprezentantoj de UEA dum la lasta konferenco de ALTE (https://www.ek-vi-libro.com/wp-content/uploads/2024/05/Raporto-ALTEm2024.04.pdf); pri la aŭgusta SAT-kongeso en Portugalio (https://sat2024.porto.esperanto.pt).

• Muzike akompanas nin Luis Obando per la franca 16-jarcenta kanto „Mi ne povas diri”.

• La akompana interreta foto prezentas  la restaŭratan palacon de Sobański-familio en Guzowo.

• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.

En la 1318-a E_elsendo el la 10.05.2024 ĉe www.pola-retradio.org:



• Komence de la elsendo ni omaĝas la 100-an naskiĝdatrevenon de Majorie Boulton per ŝia poeziaĵo „Por paco”, kiu en la nuna situacio en la mondo alprenas apartan emfazon.

• En la komencaj aktualaĵoj ni informas pri la daŭrata en Pollando Semajno de Bibliotekoj; pri eksporto de polaj pomoj al la Suda Ameriko, pri retiro de iu el la kontraŭkovimaj vakcinoj de la firmao AstraZeneca.

• En la scienctema bulteno ni informas pri pola distingo por japanaj sciencistoj, pri la komenciĝinta en Bjalistoko Scienca Pikniko.

• Fine, en la trarigardo de la E-gazetaro ni kunfoliumas la retan, majan numeron de „Esperanto”, la ĵus aperintan kajeron de „Konstruado” de TAKE 2024, la februaran numeron de „La Revuo Orienta” kaj la 316-an numeron de „Kontakto”.

• Muzike akompanas nin Jonny M. per sia kanto „La vero” el la KD Regestilo. La hodiaŭan programinformon akompanas foto rilata al la Scienca Pikniko en Bjalistoko.

• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.

En la 1317-a E_elsendo el la 05.05.2024 ĉe www.pola-retradio.org:



• Hodiaŭ en nia felietono pri koninda polo ni proksimigas la figuron de profesoro Marceli Nencki, kiu estis la pioniro de biokemio;

• En la komenca kulturkroniko ni informas pri la prilaborataj videoetudoj inspiritaj de tolaĵoj Jacek Malczewski en la Nacia Muzeo en Poznano; pri kvin novaj registroj en la listo de la Pola Kultura Heredaĵo; pri muzikalo ĉe Brodvejo kies heroo estas Tamara Łempicka;

• En la E-komunuma segmento ni referencas al premio Verloren van Themaat por prof. Frederico Gobbo aldone informante pri lia artikolo en la maja „Esperanto”;

• Muzike akompanas nin la varsovia kanto pri ĝia Malnova Urbo, kantas Andrzej Tomecki. La akompana interreta foto prezentas lignajn ludilojn de Włodzimierz Ciszek el Łączna-Ostojów; tiu ludilfara metio ektroviĝis inter la lastaj registroj en la Pola Listo de Kultura Heredaĵo;

• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.

En la 1316-a E_elsendo el la 30.4.2024 ĉe www.pola-retradio.org:



• Hodiaŭ antaŭ nia mikrofono gastas Gabriela Skonieczna  kaj la temo de nia interparolo estas la katalogado de Hodler-Biblioteko, kiu ekde majo 2023 troviĝas en aparta kolekto de la Pola Nacia Biblioteko.

• En la komencaj aktualaĵoj ni informas pri la 7-a eldono de la konkurso por bazlernejanoj en Pollando kaj eksterlande por brila plenumo de la pola nacia himno; pri la opinioj de poloj rilate al la kaĝa bredado de kortbirdaro kaj ovometaj kokinoj; pri la tria laŭvica venko de Pollando en la plebiscito por la plej bela eŭropa arbo de la jaro, en kiu venkis 200-jara fago;

• En la scienctema bulteno ni informas pri esplora eksperimento kiel izoliteco en Antarkto influis la elformiĝon de aparta akĉento; pri kolorravaj ŝtonoj – kiuj prilabortaj kiel la Paskaj – estas ekspoziciataj en biologia fakultato en Bjalistoko;

• Muzike akompanas nin kanto de Esu Peranto prilaborita en kunlaboro kun Arta Inteligento „Esperanto, lingvo bela, unuigi homojn la celo vera…”;

• La hodiaŭan programinformon akompanas foto pri la Eŭropa Arbo de la Jaro 2023, la 200-jara fago el Pollando;

• En unuopaj rubrikoj de nia paĝo eblas konsulti la paralele legeblajn kaj aŭdeblajn tekstojn el niaj elsendoj, kio estas tradicio de nia Redakcio ekde 2003. La elsendo estas aŭdebla en jutubo ĉe la adreso: https://www.youtube.com/results?q=pola+retradio&sp=CAI%253D I.a. pere de jutubo, konforme al individua bezono, eblas rapidigi aŭ malrapidigi la parolritmon de la sondokumentoj, transsalti al iu serĉata fragmento de la elsendo.