에피소드 150개

Die omvang van die nood laat mens soms oorweldig, verlam en selfs effens lomp voel. Net omdat ons nie alles vir almal kan wees en doen nie, beteken nie ons moet ons gewone menslike omgee verloor wat fokus op dit wat ons wel vir mekaar kan doen nie.

GROOTfm 90.5 en SPAR sê “Jou mense is my mense”!

Kuier elke Dinsdagoggend om 10:10 saam en hoor of Lindie Strydom ‘n ouma met ‘n cupcake verras, ‘n dogtertjie in die hospitaal besoek of vir die karwagte ‘n sakkie kruideniersware neem.

GROOTfm 90.5 se #JouMenseMyMense en sáám is ons beter, word met trots geborg deur SPAR.

#JouMenseMyMense GROOTfm 90.5

    • 과학 기술

Die omvang van die nood laat mens soms oorweldig, verlam en selfs effens lomp voel. Net omdat ons nie alles vir almal kan wees en doen nie, beteken nie ons moet ons gewone menslike omgee verloor wat fokus op dit wat ons wel vir mekaar kan doen nie.

GROOTfm 90.5 en SPAR sê “Jou mense is my mense”!

Kuier elke Dinsdagoggend om 10:10 saam en hoor of Lindie Strydom ‘n ouma met ‘n cupcake verras, ‘n dogtertjie in die hospitaal besoek of vir die karwagte ‘n sakkie kruideniersware neem.

GROOTfm 90.5 se #JouMenseMyMense en sáám is ons beter, word met trots geborg deur SPAR.

    #JouMenseMyMense saam met SPAR – Paartjie met gestremdheid vier 50ste Huweliksherdenking

    #JouMenseMyMense saam met SPAR – Paartjie met gestremdheid vier 50ste Huweliksherdenking

    Oom André en Tannie Louis Brand het op die 12de September hulle 50ste huweliksherdenking gevier, maar wat hierdie mylpaal ekstra spesiaal maak, is dat beide van hulle serebraal gestremd is. Behalwe vir hulle daaglikse uitdagings het hulle ook maar teenkanting gekry toe hulle destyds gesê het hulle gaan trou en selfs die medici het hulle gewaarsku toe hulle graag met ‘n gesin wou begin. Na nege jaar se getroude lewe is hulle eerste en toe later tweede kind gebore en vandag is hulle ‘n trotse ouma en oupa van vier kleinkinders in wie se lewens hulle baie betrokke is.

    Hulle skoonseun, Andy by wie hulle woon in Daspoort het vir ons die e-pos gestuur en ons het hulle gaan verras om te hoor waar hulle ontmoet het en wat die geheim is om 50 jaar so gelukkig getroud te wees.

    • 8분
    #JouMenseMyMense saam met SPAR – Karavaan-gesin se nuwe lewe – 9 September 2020

    #JouMenseMyMense saam met SPAR – Karavaan-gesin se nuwe lewe – 9 September 2020

    Op 5 Augustus het ons vir Danie, Madelyn en Nella ontmoet - die gesin wat ‘n gemufde karavaan vir R100 ‘n dag gehuur het. Die reaksie op hulle verhaal was verstommend en Sanet en Russell Fagan van SA Cares for Life het betrokke geraak. Danksy die bydraes van ons luisteraars, kon hierdie gesin na ‘n nuwe huis trek – loopafstand van Nella se skool en skielik is haar gesondheid sommer stukke beter. Madelyn het haar rekenaarkursus begin. Danie leer hoe om sy eie kar reg te maak met parte wat ‘n donateur uit China geskenk het en die borg uit Amerika het vir hom ‘n fiets gekoop waarmee hy ry om elke dag op sy pos as karwag te wees.

    Ons JouMenseMyMense span het gaan inloer om hierdie liggaam, siel en gees vernuwing saam met die gesin te vier terwyl Liandri Ferreira, Madelyn met ‘n hare en grimering mooi-maak bederf het.

    • 9분
    September is selfdood bewusmaking maand. Jennifer het my Dr Hanlie Meyer, Lynette Beer, Hui-mari Meyer en Leandie Bräsle

    September is selfdood bewusmaking maand. Jennifer het my Dr Hanlie Meyer, Lynette Beer, Hui-mari Meyer en Leandie Bräsle

    GROOTfm 90.5 — Enige ander lekker GROOT onderhoude oor spesiale geleenthede wat buite ons normale program-formaat val.

    • 34분
    #JouMenseMyMense saam met SPAR – Stap ‘n stukkie saam met Jaco (10) – 2 September 2020

    #JouMenseMyMense saam met SPAR – Stap ‘n stukkie saam met Jaco (10) – 2 September 2020

    September is Internasionale Spierdistrofie Bewusmakingsmaand en ons het met die Viljoen gesin gesels oor hulle 10-jarige seuntjie, Jaco, wat in 2017 met Duchenne Spierdistrofie gediagnoseer is. Wêreldwyd word daar ongeveer 3500 seuns elke jaar gediagnoseer - in Suid-Afrika weet ons maar van 10 gesinne wat hierdeur geraak word. En ja, ons sien met Pa Jaco, Ma Albi, ousus, Leané en selfs Ouma Marina, hoe Jaco se uitdagings ‘n hele familie se geveg word. ‘n Moedige en hoopvolle stryd omdat ‘n klein seuntjie die geloof van ‘n Dawid het en met sy hele hart glo dat hy hierdie Goliat verseker nog gaan platslaan.

    • 8분
    #JouMenseMyMense saam met SPAR – Dorinda se yskasherstelbesigheid - 26 Augustus 2020

    #JouMenseMyMense saam met SPAR – Dorinda se yskasherstelbesigheid - 26 Augustus 2020

    Dorinda en haar seuntjie het met net ‘n tas uitgestap toe haar huwelik verbrokkel en sy moes as karwag werk om doeke en kos te kon koop. Later het sy weer werk gekry tot sy een oggend siek geword het en haarself hospitaal toe moes jaag. Sy is met harversaking gediagnoseer en einde Oktober retrench.

    Ons het Dorinda Desember ontmoet waar sy by ‘n verkeerslig in Silverton muffins verkoop het. Sy het ‘n werklose vriend gevra om saam met haar by die verkeerslig te staan vir veiligheid, want op dié manier kon hy ook iets verdien. Die muffins wat sy nie op ‘n oggend verkoop het nie, het sy vir straatmense uitgedeel.

    Die lang dag op haar voete was egter baie sleg vir haar hart en sy moes stop, maar met elke terugslag, ook die koronavirus wat sy en haar seun opgedoen het, bons sy net eenvoudig vorentoe met nog ‘n plan en nog ‘n manier om vir haar seun en sommer haar gemeenskap ook te sorg.

    “Ek moet my seun met iets los in die lewe. En wanneer ek gaan, wil ek weet ek het iets gelos vir ander ook.”

    • 8분
    #JouMenseMyMense saam met SPAR – Nkosnathi se rolstoel - 19 Augustus 2020

    #JouMenseMyMense saam met SPAR – Nkosnathi se rolstoel - 19 Augustus 2020

    Thuli (33) se man is in 2010 oorlede toe hy op pad werk toe deur ‘n rubber koeël getref is tydens ‘n oproer op die Molottopad.

    Haar seun, Nkosnathi (14) is in 2006 gebore met skoliose, voete wat binnekant en afwaarts gedraai is en ‘n gesplete verhemelte. Nkosnathi het gesukkel om te eet en om vloeistowwe te sluk. Hy het ‘n nasale stemtoon ontwikkel en die kroniese oorinfeksies het uiteindelik tot gehoorverlies gelei.

    Die grootste uitdaging was egter om sy ruggraat te probeer regstel. Gewoonlik sou dit by geboorte in ‘n ordentlike mediese fasiliteit so gou as moontlik reggestel word, maar dit was onbekostigbaar vir hierdie ouers.

    Thuli werk in ‘n winkelsentrum in Mamelodi en as enkelma het sy geen ander keuse as om ‘n kamer naby Nkosnathi se skool te huur en dan steeds R750 per maand te betaal vir sy vervoer nie. Hy kan nie met ‘n gewone taxi of bus ry nie. Verder dra sy hom elke dag van punt A tot punt B, want ook die rolstoel wat hy nodig het, moet spesiaal vir hom gebou word.

    Nkosnathi, wat beteken “God is with us” in Ndebele, is ‘n besonderse kind. Hy het al so baie beleef en tog kies hy om gelukkig te wees en om ‘n betekenisvolle lewe te leef binne die beperkings wat hy elke dag in sy liggaam ervaar.

    • 8분

인기 과학 기술 팟캐스트