에피소드 13개
KalamPod Yasmin Khalafallah, Amy Nabih and Mariam Okasha
-
- 교육
أزمة ربع العمر مرحلة انتقالية يمر بها جزء كبير من الجيل بتاعنا الهو جيل الألفية. الفترة دي مليانة صراعات داخلية ما بين تأدية مسؤوليتنا تجاه التوقعات المحطوطة علينا وأهدافنا الشخصية. الصراعات دي بتأثر على كل ناحية من حياتنا و بالرغم من إن ده وقت تكويني مهم ولكن مفيش كلام كفاية عليه. احنا ٣ اصحاب بنمر بالفترة دي حاليا، وقررنا نعمل كلام بود عشان نناقش مواقف وصعوبات إتعرضنا لها وبيتعرض لها ناس كتير خلال أزمة ربع العمر. في كل حلقة هنتكلم عن موضوع جديد له تأثير بطريقة أو بأخرى على حياتنا في الوقت ده. هدفنا أن نقدم للمستمعين وجهات نظر جديدة وأن نؤكد لكم إن الصعوبات دي انتو مش بتمروا بها لوحدكم.
-
إيه نظام السلبية العدوانية؟
اتخضينا لما اكتشفنا ان احنا التلاتة ساعات بنتصرف بطريقة سلبية عدوانية واحنا مش واخدين بالنا. تابعونا في الحلقة دي الي بنتكلم فيها عن التصرف السلبي العدواني وازاي احنا بنتعامل معاه
-
إيه نظام الشلة؟ مع علي عفيفي
في أول حلقة من السيزون الثاني من كلام بود بنتكلم مع صديقنا علي عفيفي عن ازاي الصداقات بتتطور مع الوقت و ازاي ممكن أصحابنا يأثروا علينا بطريقة إيجابية أو سلبية خلال فترات معينة في حياتنا.
-
بم تفسر الحياة بتنتهي بعد الثلاثين؟
كلنا بنحط لنفسنا أهداف عايزين نحققها عند سن معين. ساعات بنوصل للاهداف ده وساعات بنلاقي الوقت جري واحنا لسة في مكاننا. في الحلقة ده بنتكلم عن توقعاتنا لنفسنا قبل سن الثلاثين وازاي بنتعامل مع الضغط اللى بييجي مع دخولنا في الثلاثينات.
-
بم تفسر الأزمة وأخواتنا الصغيرين؟
الأخوات ممكن يأثروا على نواحي كتير من حياتنا وتكويننا الشخصي. في الحلقة دي بنتكلم على تأثير الأخوات بذات في مرحلة أزمة ربع العمر و خصوصا لو انت الأخ/الأخت الكبير/ة. تابعونا في الحلقة دي المهداه لكل الأخوات.
-
بم تفسر مش عايزة أتجوز؟ مع فريدة البسيوني
في الحلقة دي ضيفتنا فريدة بتحكي لنا عن هي ليه مش عايزة تتجوز وايه ردود افعال الناس الي بتجيلها على الموضوع دا. كمان بنتكلم عن ليه ناس كتير شايفة الجواز جزء أساسي من الحياة و بنتخيل الحياة كواحدة مش .متجوزة ممكن يكون شكلها ايه
-
بم تفسر علاقتنا بأهلنا؟
الأهل لهم دور مهم في تكوين شخصية اولادهم. ده غير انهم جزء كبير من الضغط بتاع أزمة ربع العمر. في الحلقة ده بنتكلم عن تأثير اهلنا على تطورنا في السنين التكوينية و بعض الضغوط البنتعرض لها منهم. و طبعاً بنذكر تأثيرهم الإيجابي علينا لحد النهاردة.
인기 교육 팟캐스트