194: في خيارات أكثر للخط العربي‪؟‬ Mstdfr | مستدفر

ضيفة الحلقة [ د. نادين شاهين ] زمان كان الخط العربي يستخدم غالباً في الكتب والرسائل… لكن اليوم الخط العربي بنشوفه وبنستخدمه في كل أجهزتنا من التليفون للكمبيوتر للتلفزيون وحتى في البودكاست زي ما إنتم شايفين! لكن هل في يوم أتخيلتوا كمية العناء اللي مصممي الخطوط يواجهوه عشان إحنا نقدر نستخدم الخط ونقرأه بكل سلاسة ومن غير ما نفكر؟ وإذا كنتم مصممي جرافيكس حتفهموا قد إيش ينرفز أحياناً إنكم ما تقدروا تلاقوا خطوط عربية مناسبة لتصاميمكم بالذات لما نقارنها بوفرة الخيارات الموجودة في الخطوط الأخرى زي الإنجليزية. وعشان كدة قررنا إننا نقعد اليوم مع أحد دوافير تصميم الخط العربي في العالم وندردش معاها عن هذا الموضوع بهدف إننا نوصل لبعض الإجابات. ضيفتنا اليوم الدكتورة نادين شاهين وهي مصممة خطوط من بيروت ودرست التصميم الفني في الجامعة الأميركية وكمان درست تصميم الخطوط الطباعية في جامعة ريدينغ بالمملكة المتحدة. واشتغلت في شركة Linotype الألمانية ذائعة الصيت في مجال التيبوغرافيا كخبيرة في القسم العربي. ويميز د. نادين نظرتها العصرية للخط الطباعي العربي وتركيزها على الموائمة ما بين الخط العربي الطباعي ونظيره اللاتيني، وأشتغلت على إبتكار وتطوير الكثير من الخطوط المستخدمة اليوم من أبرزها خط مدينة دبي. وإذا تبغوا تعرفوا أكثر عن د. نادين ممكن تتابعوها على حساباتها في شبكات التواصل الإجتماعي: @Arabictype أو على صفحتها الخاصة: www.arabictype.com وللي حابين يشاركوا معانا في السحب على خمسة صناديق هدايا من تستاهل و مستدفر… ممكن تسجلوا معلوماتكم على هذا الرابط ( testahelbox.com/ ) ولا تنسوا تستخدموا الكود الخاص (مستدفر) عشان تدخلوا السحب. وحنختار الفايزين خلال الحلقات الجاية!