Gellur elska glæpi

Útvarp 101

0.0 (0)
TRUE CRIME

Ingibjörg Iða tekur fyrir eitt (saka)mál í viku og segir frá því í síðdegisþættinum Tala saman. Málin eru af ýmsum toga en ávallt er tekist á við þau á kómískan máta. Fyrirspurnir, óskir um mál og annað má senda á ingibjorg@101.live.

06/02/2020

11. Rotenburg mannætan

Þáttur vikunnar er með nýju sniði en Ingibjörg Iða situr ein í hljóðverinu. Hún tekur fyrir mannætuna Armin Meiwes sem drap og borðaði mann sem hann hafði kynnst á veraldarvefnum. En er um morð að ræða ef fórnarlambið veitir samþykki? Ingibjörg leggur línurnar fyrir hlustendur. Eins og alltaf má senda spurningar, óskir um mál og annað tilfallandi á ingibjorg@101.live.

12 min
23/01/2020

10. Leyndarmál Copeland hjónanna

Í þætti vikunnar af Gellur elska glæpi leiðir Ingibjörg hlustendur í gegnum skrítið og margslungið mál. Þegar lögreglan í Chillicothe fer að rannsaka fjársvik á kúauppboðum í bænum uppgötvar hún eina umfangsmestu svikamyllu sem sést hafði í umdæminu. En glæpirnir einskorðuðust ekki aðeins við fjársvik, enda voru Copeland hjónin elsta par til að vera dæmt til dauða í Bandaríkjunum. En af hverju? Svörin finnur þú í þessum þætti af Gellur elska glæpi.

30 min
09/01/2020

9. Morðið á John Lennon

Eftir nokkuð gott jólafrí snýr Ingibjörg Iða aftur með þátt sinn Gellur elska glæpi og segir að þessu sinni frá morðinu á fyrrum Bítlinum John Lennon. John var myrtur af Mark Chapman þann 8. desember árið 1980 fyrir utan heimilið hans í New York. En hvernig fór Mark úr því að vera fyrirmyndar drengur í að myrða einn frægasta einstakling heims þegar hann var aðeins 25 ára? Af hverju skaut Mark Chapman John Lennon fjórum sinnum í bakið? Svörin finnur þú í þessum þætti af Gellur elska glæpi. Eins og alltaf má senda spurningar, óskir um mál og annað tilfallandi á ingibjorg@101.live.

37 min
19/12/2019

8. Jerry Michael Williams

Eftir tveggja vikna pásu kemur Ingibjörg Iða sterk inn með nýtt þemalag og mál sem ætti vægast sagt að fá hlustendur til að taka andköf. Jerry Michael Williams, eða Mike, hvarf sporlaust eftir að hafa farið á andaveiðar við Seminole stöðuvatnið snemma morguns þann 16. desember árið 2000. Fljótlega komu upp kenningar um að hann hafði drukknað í vatninu og orðið krókódílum að bráð en marga grunaði að eitthvað glæpsamlegt hefði átt sér stað? Hvað gerðist við Mike þennan örlagaríka morgun? Svörin finnur þú í þessum þætti af Gellur elska glæpi. Eins og alltaf má senda spurningar eða óskir um mál á ingibjorg@101.live.

37 min
28/11/2019

7. Nevada-Tan

Í þætti vikunnar af Gellur elska glæpi fer Ingibjörg Iða yfir tiltölulega óþekkt japanskt morðmál. 11 ára stúlka myrðir 12 ára samnemanda sinn vegna ummæla hennar á netinu. En eins og alltaf í þættinum, er málið ekki svona einfalt. Frábær og léttur þáttur sem ætti ekki að valda neinum vonbrigðum! ATH! Enginn þáttur í næstu viku, Ingibjörg er í prófum :(

40 min
21/11/2019

6. Andrea Yates

Í þætti vikunnar af Gellur elska glæpi fer Ingibjörg Iða yfir mál Andreu Yates. Þann 20. júní 2001 drekkti Andrea börnunum sínum fimm í baðkarinu heima hjá þeim. En hvað leiddi til þessarar hörmungar? Ingibjörg Iða fer í saumana á málinu.

45 min
14/11/2019

5. Christa Pike

Í þætti vikunnar af Gellur elska glæpi fjallar Ingibjörg Iða um Christu Pike, yngstu konu í Bandaríkjunum til að vera dæmd til dauða. Christa framdi einn hrottalegasta glæp sem hugsast getur og gekk um með höfuðkúpubrot úr fórnarlambi sínu í vasanum eftir morðið. Þessi viðbjóðslegi þáttur veldur engum vonbrigðum!

36 min
08/11/2019

4. Heaven's Gate

Í þessum þætti af Gellur elska glæpi fjallar Ingibjörg Iða um sértrúarsöfnuðinn Heaven´s Gate. Þann 26. mars árið 1997 fundust 39 meðlimir Heaven's Gate látnir í húsi þeirra í Kalíforníu. Þau voru klædd í svarta galla, Nike skó og með fjólubláa slæðu yfir höfðinu. Þetta er enn þann dag í dag stærsta fjöldasjálfsmorð í sögu Bandaríkjanna. Ingibjörg Iða kryfur málið fyrir hlustendum. ATH! Upptakan stöðvaðist óvart í síðustu setningunni en hún hljóðar svona: „Þau munu svara þér og þau hafa gert það og veitt ýmis viðtöl."

48 min
01/11/2019

3. Tvöfaldur þáttur: April Tinsley og Issei Sagawa

Í tilefni árs afmælis Útvarps 101 færir Ingibjörg Iða hlustendum tvöfaldan þátt þar sem hún tekur fyrir tvö mál. Hin átta ára gamla April Tinsley hvarf sporlaust frá heimilinu sínu þann 1. apríl árið 1988. Þremur dögum seinna, þann 4. apríl, fannst lík hennar í skurði. Morðinginn skildi eftir óhugnanleg skilaboð í gegnum árin en sá seki var ekki handsamaður fyrr en árið 2018, 30 árum eftir að April var myrt. Þann 11. júní árið 1981 lokkaði Issei Sagawa samnemandann sinn, Renée Hartevelt, í íbúðina sína þar sem hann skaut hana með riffli og gæddi sér á holdi hennar. Fimm árum seinna var hann látinn laus í heimalandi sínu og nýtti frelsið meðal annars til að ferðast til Íslands. Ingibjörg kryfur málin fyrir hlustendum í þessum troðfulla þætti sem veldur engum vonbrigðum.

1h 1m
24/10/2019

2. Eitrunin á Carr fjölskyldunni

Í þessum þætti af Gellur elska glæpi ræðir Ingibjörg Iða um stórfurðulegu eitrunina á Carr fjölskylduna sem átti sér stað í Florida árið 1988. Þegar að Peggy Carr fær einkenni þallíneitrunar liggur eiginmaðurinn hennar, Pye Carr, strax undir grun. En málið er ekki svona einfalt.

35 min
17/10/2019

1. Waco umsátrið

Í fyrsta þætti af Gellur elska glæpi fjallar Ingibjörg Iða um Waco umsátrið svo kallaða sem átti sér stað árið 1973. David Koresh og söfnuðurinn hans, Branch Davidians, brunnu inni í húsi safnaðarins þann 19. apríl eftir 51 daga umsátur. En hvað leiddi til þess að 76 manns létu lífið? Svörin finnur þú í þessum þætti af Gellur elska glæpi.

39 min

11 Episodes

Creator

Útvarp 101
Years Active

2019 - 2020
Episodes

11
Rating

Clean

Gellur elska glæpi

Episodes

11. Rotenburg mannætan

10. Leyndarmál Copeland hjónanna

9. Morðið á John Lennon

8. Jerry Michael Williams

7. Nevada-Tan

6. Andrea Yates

5. Christa Pike

4. Heaven's Gate

3. Tvöfaldur þáttur: April Tinsley og Issei Sagawa

2. Eitrunin á Carr fjölskyldunni

1. Waco umsátrið

About

Information