PALATNO — падкасты пра беларускую супольнасц‪ь‬ PALATNO Media

Загадкавае забойства настаўніка Шагала ў віцебскім пад’ездзе: смерць Юдаля Пэна. Галаваломка, 2 сезон #1



Цудоўны партрэтыст, настаўнік беларускіх мастакоў і стваральнік першай яўрэйскай мастацкай школы – усё гэта пра Юдаля Пэна. Жыццё мастака было доўгім, але абарвалася падчас «Вялікага тэрору». Ніхто дагэтуль не ведае, хто забіў Пэна ў яго віцебскай кватэры больш за 90 гадоў таму.



У другім сезоне падкаста «Галаваломка» спрабуем разабрацца ў загадкавай гісторыі забойства.

«Дыктатары». Эпізод №1 — Муамар Кадафі



У першым эпізодзе аўдыёлекцыі «Дыктатары» мы паглыбімся ў жыццё чалавека, чыё імя стала сінонімам як рэвалюцыйнай перамогі, так і жорсткай тыраніі — Муамара Кадафі.



Кіраванне Кадафі доўжылася больш за чатыры дзесяцігоддзі: ён праводзіў адназначна смелую і часта супярэчлівую палітыку, меў унікальную палітычную ідэалогію і пакінуў складаную спадчыну, якая працягвае фармаваць рэгіён і сёння. Ад яго драматычнага прыходу да ўлады ў выніку бяскроўнага перавароту да эксцэнтрычнага стылю кіравання і канчатковага падзення падчас арабскай вясны… Гісторыя Кадафі — гэта амбіцыі, прага да ўлады і, у рэшце рэшт, трагедыя.

Музыка, псіхалагічны стан і вучоба ў замежжы. Гавораць падлеткі #4

У чацвёртым выпуску падкаста «Гавораць падлеткі» пагутарылі з Юстынай Карпіловіч — маладой музыкай, песні якой ужо гучалі на радыё і тэлеперадачах.

Асноўная тэма выпуска — беларуская музыка і шлях маладых людзей у музычным свеце. Ці ўплывае музычная адукацыя на творчасць? Што робіць беларускіх музыкантаў унікальнымі?

Абмеркавалі, як вядомыя бацькі могуць уплываць на дзяцей і іх будучыню, на чым факусавацца ў вучобе ў замежжы і шмат чаго іншага, што вы можаце паслухаць ужо цяпер.

У трэцім выпуску падкаста «Гавораць падлеткі» паразмаўлялі з Лёшам, вядомым у беларускім сегменце Твітара (цяпер — X) як Беларусаед.

Закранулі тэму вышэйшай адукацыі: ці яна патрэбная ў сучасным грамадстве, як пачаць кар’еру без дыплома. Таксама абмеркавалі арыентацыю героя і камінг-аўт перад бацькамі.

Пагутарылі пра досвед Аляксея ў працы на праекце, які займаецца перакладам і агучкай кантэнту па-беларуску, а яшчэ шмат жартавалі і пляткарылі.

У другім выпуску падкаста «Гавораць падлеткі» паразмаўлялі з Маланняй. Закранулі тэму пра двайную эміграцыю: як яе перажываюць падлеткі, як знаходзяць сяброў і каханне ў новых умовах? Пагутарылі пра тое, як жыць у шматдзетнай сям'і: што робяць старэйшыя браты і сёстры і чаго лепш не рабіць. Таксама паразмаўлялі пра тое, як падлеткі ўспрымаюць рэлігію і якое месца яна займае ў жыцці. А яшчэ — пра стасункі ў падлеткавым узросце, арыентацыю і рэакцыю сваякоў на камінг-аўт.

У першым выпуску падкаста «Гавораць падлеткі» размаўляем з беларускай Віяй пра эміграцыю, новыя ўмовы, у якіх можа аказацца падлетак, вучобу ў Беларусі і Польшчы і адносіны з бацькамі ў новай краіне.