Bootaaniya Podcast BOOTAAN BOOTAAN

Sharaftiyo karaamada haddaad,  shaadh ka dhigan waydo

Shahaada markhaatiga ma galo, shayga kii xumiye

shubuhada qofkii lagu bartaa lagu shareereeye


Sharacallee xurmadu waa midaan,  shaaki galahayne

Sharaceedu wixii ay nacdee,  diinta lagu sheegay

Iyo dhaqanka shaygii dila bawaa shaxiixmaa


Nafta inaad ka sheentaa habboon,  shariyo haadaane

Ri' weliba shilkii ay gashaa lagu shidhaystaaye

Shaandhaynta ruuxaan aqoon, shaabad baa xigiye


Shakaal yeelo,  edebta na shifee,  sheekada na gaabso

Oo shuqulka qaarkii ha shaac baxaad noqone


Hayska shiiqsan sheerkaan ahayn shiilka gacantaada

Ha shafeecsan shuqullada badhkood shabac daraaddeeda

Hana shaacin sheekada middaan shiishku qabanaynin


Sharaxaadda maansada haddaan shay ka daba tuuro

Shibir taako wixii aan dhammayn share ta ka ilaali

Shaaraca ha gayn ceeb hadhow, shaabad kugu reebta


Shaaficida diinta wixii sheedda uga leexda

Shaanshaan ka tuur beenta iyo hadalka shaydaanka


Dadka qaar shufta baa jiroo shiida aadmiga

Dulqaadkaa ka shaafiya waxay sheegiyoo idile

Sharaftaada dhowroo cidna ba how shiddo lahaanin


Maxamed Cabdicasiis Bootaan

Maansada Dhalan Rogadka waayaha

Dhalan rogadka waayuhu

Waa mid soo dhignaayoo

Hadba dhinac u guuree

Dhogortii markuu riday

Dhudda xoogga baabaco

Bal inuu mar dheefsado

Dhexda toosi aadmigu

Oo socod dhaqaaq baray

Oo ku dhiirray joogsiga

Aragguna u dheeraa

Ka kooban, gorfayn iyo gulufayn, gabay iyo qiso.