Artg musical Radiotelevisiun Svizra Rumantscha (RTR)

12 emnas avant ina festa chantunala da musica survegnan tuttas societads da musica da las differentas categorias e classas in toc da pensum. La cumissiun da musica da l'Uniun chantunala da musica dal Grischun elegia la litteratura adattada per las musicas participantas. Per tschertas categorias èn quai magari ovras sin incumbensa.

En duas emissiuns («Artg musical» dals 23-06-24 ed «Instrumentala» dals 26-06-24) udin nus tut ils tocs da pensum.

Trun ha envidà a la festa districtuala da chant da la Surselva ed ils chors èn arrivads en rotschas. 30 chors da la Surselva èn sa participads e sa preschentads avant la giuria en la baselgia parochiala. 

Durant duas uras porta l'Artg musical in vast dumber da producziuns chanticas sco era intervistas e tuns originals da persunas involvidas. 

Questa fin d'emna ha lieu a Claustra la 29avla Festa chantunala da musica. Danovamain s'inscuntran bleras musicas grischunas sco era da uniuns ospitantas da la Svizra per sunar, discutar e far festa.

L'emissiun Artg musical porta intginas da las producziuns da sonda. Lura han las musicas da las categorias 4. classa armonia, 2. ed 1. categoria Brass Band sunà en l'Arena-Klosters. En la halla da gimnastica èn stadas d'udir las musicas da armonia 2. e 3. categoria. 

Sper las producziuns datti er intgins discurs cun persunas involvidas.

Per regla datti mintga tschintg onns ina festa chantunala da musica. Suenter Arosa il 2019 s'inscuntran questa fin d'emna 60 societads da musica (46 dal Grischun) per ina festa paschaivla a Claustra.

Per las concurrenzas (zona da silenzi) datti a Claustra dus locals: Arena-Klosters e la nova halla da gimnastica. La concurrenza da marschar ha lieu sin la Landstrasse, en vischinanza da la staziun e da la tenda da festa e da las duas zonas da silenzi.

L'Artg musical porta durant duas uras las producziuns da la sonda, pli exact: las producziuns dals victurs da las singulas categorias. Las producziuns da la dumengia vegnan emessas en l'Instrumentala da mesemna, ils 12 da zercladur 2024.

Ils 8 e 9 da zercladur 2024 è la 29avla Festa chantunala da musica. Passa 60 societads da musica dal Grischun e da la Svizra vegnan a Claustra per sunar avant ina giuria in toc da patg, in toc da pensum sco era far part a la concurrenza da marschar. Per in dirigent munta quai er da preparar bain la societad sin quest mument.

L'Artg musical porta in discurs cun trais dirigents. Gian Stecher (Musica da Domat, GR Brass), Bastian Janett (Società da musica Sent) e Stefan Demarmels (Musica instrumentala Salouf-Mon-Stierva) discutan davart lur preparaziuns per la festa.

Ils 27 da matg 1949 è naschì ad Andeer Curò Mani. Ensemen cun ses quatter fragliuns (duas soras e dus frars) è el creschì si en in ambient famigliar. Ses bab Curò Mani era magister secundar ed ha promovì fitg il giuven Curò. Lez era da pitschen ensi fascinà da la musica.

Sco magister da musica a la scola media a Tavau ha Curò Mani fatg buna lavur e festivà intgins bels success. Enconuschentas chanzuns dad el èn «Dorma, dorm'uffant divin», «La nona fila» u er ses hit «Surses». 

L'Artg musical fa in purtret da vita ed ovra dal musicist che viva ad Ardez.