Monika Zec Audio Blog Monika

Јас сметам дека никогаш не е доста од споделување на искуство на некоја мајка, особено ако се работи за еден од најголемите проблеми со кој се соочува секоја нова мајка: СПИЕЊЕ!

Дефинитивно искуството и перспективата си го прави своето, но сепак знаењето и пристапот и реалните очекувања менуваат сѐ.
Па во оваа епизода го споделувам моето искуство околку спиењето со моето второ дете, и што е она што поинаку го направив сега отколку со првото.

Од менување на мојата перспектива и очекувања, до заспивање од сам старт во темно и во спална соба, до воспоставување на вечерна рутина, сѐ само дел од работите кои овој пат со сигурност ги направив поинаку и тоа вроди прекрасен резултат.
На крајот на денот јас верувам дека сонот игра ОГРОМНА улога во растот и развојот на секое дете, но на крајот на денот не треба да заборавиме дека одговорноста е на нас, родителите

Добредојдовте во новата епизода, прва за оваа 2024! 


Оваа епизода е продолжение на претходната, но овој пат повеќе зборувам за оние работи кои јас би сакала да ги знам во однос на бебето за тој четврт триместар.
Комуникација, како клучот за било кој однос за мене играше огромна улога во градење на таа конекција со моите деца. А комуникацијата со мало бебе е најтешкото нешто, барем за мене како мајка, зошто бебињата се целосно невербални суштества, и еднинствен начин за комуникација им е плачот и body langage.
Овие две видеа за мене беа од многу голема помош кога се работи за комуникација:

1. https://www.youtube.com/watch?v=a4WGVOzTR4A&t=349s
2. https://www.youtube.com/watch?v=_P4Kjh-GX3c&t=5s
Адаптацијата кај бебињата игра голема улога во целиот процес. Доста често мајките не се свесни дека на бебињата им треба време да го запознаат светот околу нив. Они живееле во утробата на мајката речиси цели 10 месеци и одеднаш очекуваме дека се ќе оди глатко, а тоа често не е така.
Јас верувам дека најдобриот начин на исхрана кај секое новороденче е доењето. Овој процес е еден од најдобрите процеси и за бебето и за мајката. Бенефитите од доењето се безброј и тоа е приказна за себе. Но она што доста често гледам и по себе и по другите дека се случува е многу наивно да му пристапиме за доењето, а доста често ни треба стручна помош. Повелете два линка од две прекрасни жени кои верувам можат многу да ве научат кога станува збор доење
https://www.instagram.com/doenje_so_ljubov/https://www.instagram.com/jasnic_80/Спиење. Ова за мене беше и секогаш ќе остане една од најголемите и најтешките проблематики со кои се соочив како мајка за прв пат. И ова е уште една од оние работи на кои многу ама многу наивно му пристапуваме, а игра ОГРОМНА улога во многу аспекти на детето. Не само на детето туку и кај мајката и кај целото семејство.
Ова е мојата прва епизода за доење, која доколку ја немате слушнато ви препорачувам да ја ислушате. 
https://monikazec.blog/2021/02/нашата-приказна-за-спиењето/
И за крај зборувам за времето поминато надвор и околината кои многу знаат да влијаат врз тоа каква мајка сме ние и во каква мајка се градиме.

Постпартумот е еден период од животот на секоја жена кој е доста често изоставен. Многу често не ни зборуваме за ова четврто тромесечје низ кое секоја жена, мајка поминува. Сите главен акцент му даваат на бебето, а доста често се заборава на мајката. 
Јас верувам дека е многу важно да се зборува на оваа тема, сѐ со цел жената да е посвесна што е она што следи и што да очекува, и да знае дека сите тие процеси низ кои минува се многу нормална појава за секоја мајка. Често, благодарение на социјалните медиуми имаме една замисла за мајчинството и како целиот тој период изгледа, но кога ќе се соочиме со реалноста често сфаќаме дека не е се така розово како што сме очекувале. 
Но баш тоа шаренило е она кое ќе не доведе до поголема зрелост, ќе не направи да бидеме онаа мајка што на нашето дете му е потребна.

Родителството за мене лично беше најголемиот повик за раст и развој.


Родитеството за мене е една од најголемите улоги кои јас можев да ги добијам во мојот живот. Улога која ме натера да се преиспитам колку знам и колку всушност не знам. Улога кога ми кажа дека е време за промени, време за превземање на одговорност и константо работење да бидам подобра личност.


Родитеството ме натера да согледам што се граници, што всушност се навики, рутини и колку голема улога имаат тие во животот на едно дете, но и во мојот живот. Во животот на нашето семејство. 


Во оваа епизода ги споделувам моите ставови и принципи во кои јас верувам како родител. Потребата на оваа епизода е да го споделам она во кое јас верувам, оние мои ставови, се со цел да дадам поинаква перспектива на целиот овој процес којшто за мене е најубавото нешто за кое сум благодарна што можам да го уживам.


Граници, едукација, работа на себе, искрена комуникација, игра се едни од основите принципи во кои јас силно верувам како родител и максимално се трудам да се држам до нив.


Се надевам дека оваа епизода ќе ви даде нови видици за родителството. 


Имајте прекрасен ден
М