Bergbron Gereformeerde Kerk Preke Gereformeerde kerk Bergbron

Lees: Numeri 13 en 14

Fokus: Numeri 14:1 – 4

Vrees & God se plan vir elkeen van ons

Lees: Psalm 139. 

Wie God is, laat jou na Hom toe vlug! 

Net soos wat God se alwetendheid aanvanklik verwondering meebring vir die gelowige Psalmdigter, maar dan geleidelik plek maak vir verskrikking en benoudheid – ondergaan ons dieselfde gevoelens as ons met die alwetende God te doen kry. Waarom? Omdat ons nie geken wil wees nie, nie regtig nie. Ons diepste behoefte is om aanvaar te word, bemin te word. 

In Christus verander die vrees egter in troos! Die besef groei dat dit nie nodig is om te vlug nie. Ons is van God. Ons is syne. Van die moederskoot af is ons sy maaksel. Hoekom sou ons ons skaam? Hoekom sou ons vrees? Ons hoef niks vir Hom te verberg nie. 


Vir nadenke en gesprek by selgroepe en huisgodsdiens:


Hoekom maak die Here se alwetendheid ons baie keer benoud? 
Hoe verander ons vrees vir God se alwetendheid, alomteenwoordigheid en almagtigheid; in troos? 
Wat doen die Heilige Gees skeppend in my lewe? 

Lees: Psalm 141 en Op 8: 1-5. 

Fokus: Psalm 141: 1, 2. 

Die krag en betekenis van opheffing van hande in gebed.


Beproewing bring ook groot geloofsversoekings! En om hierdie versoekings te oorkom, vind Dawid sy krag daarin om met uitgestrekte hande te bid tot die Here! 
Die OT offerdiens is vir ons ‘n afbeelding van wat in die geesteswêreld soos in die hemel gebeur. En dis interessant dat die wierookaltaar wat in die OT in die Heilige deel van die tabernakel gestaan het (Eks 30: 6), deur die Hebreërskrywer (9: 3, 4) in die NT verskuif is na die Allerheiligste deel. 
In Openbaring 8 kry ons ‘n kykie agter die skerms – sien ons wat in die hemel gebeur terwyl ons hier op aarde met uitgestrekte hande bid: ons gebede bereik God in sy Allerheiligste hemelse troonsaal.
Nadat ons gebede God bereik het, word die altaarvuur op die aarde uitgegooi. 
 So het Moses se uitgestrekte hande in gebed veroorsaak dat Josua die Amalekiete heeltemal verslaan het (Eks 17: 11-13). 
Paulus moedig ook die opheffing van hande in gebed aan in 1 Tim 2: 8. 
 
Vir nadenke en gesprek by selgroepe en huisgodsdiens:


Hoe kan ons geloofsversoekings oorwin? 
Hoe is die wierookaltaar ‘n afbeelding van wat in die hemel gebeur? 
Wat is die betekenis van gelowiges se gebede in die hemel? 
Wat is die betekenis van gelowiges se gebede vir die aarde? 
Wat is die betekenis van uitstrek van my hande in gebed? 

Lees: Mat 25: 14-30 (AFR53). 

Fokus: Mat 25: 23-25. 

Bybelse Rentmeesterskap. 


‘n Skeefgetrekte beeld van God en rentmeesterskap lei daartoe dat lidmate hulle talente begrawe en onbetrokke is in God se koninkryk – want hulle is bang. 
Vrees om handel te dryf in God se koninkryk met my talente is baie keer eintlik teken dat liefde vir God by my ontbreek en dat ek maar net probeer om my eie lewe te red. 
Die kruis van Christus is die antwoord op ‘n verkeerde Godsbeeld en die openbaring van wie God werklik is. 

Vir nadenke en gesprek by selgroepe en huisgodsdiens:


Is rentmeesterskap gelyk aan kerklikebydraes? Verduidelik. 
Watter invloed het ‘n skewe beeld van God op lidmate en hoekom? 

Ascension Day Matters

Lees: Joh: 15:18 - Joh: 16:16

Lees: Mat 6: 19-34 en Ef 2: 8-10. 

Fokus: Ef 2: 10. 

God se voorsiening! 


Ons hantering van geld wys duidelik wat ons begrip van rentmeesterskap is.
Geld is nie boos nie, maar ‘n liefde vir geld (1Tim 6: 10). 
Tov die voorsiening in ons behoeftes, leer Jesus spesifiek teen die ideë van saai en maai (Mat 6: 26). 
Mossie-geloof: vertroue dat jou hemelse Vader in jou behoeftes sal voorsien eenvoudig uit genade en omdat Hy jou liefhet. 
God se voorsiening: Provisie = Pro (voorvoegsel) + visie (stam) = vir/gunstig wees vir die Visie. 
God het spesifieke goeie dade vir jou lewe beplan en voorberei op aarde waardeur Hy sy Koninkryk wil vestig (Ef 2: 10). 
God sal uit genade en liefde die nodige middele voorsien om sy visie vir jou lewe (“goeie dade waarvoor Hy jou bestem het”) te bereik. 

Vir nadenke en gesprek by selgroepe en huisgodsdiens: 


 Hoe word die “saai en maai” beginsel misbruik in die kerk? 
Is ons hemelse Vader se voorsiening in ons behoeftes afhanklik van ons finansiële saad wat ons saai? 
Wat is die bepalende faktor vir God se voorsiening?(vgl Ef 2: 10) 
Hoekom bestaan jy? Wat is jou skeppingsdoel?