NAIZ IRRATIA - Haria | naiz.eus Naiz Irratia

Euskal ingurumenaren eta ozeanoaren astearen harira hainbat ekimen antolatu ditu Gipuzkoako Foru Aldundiak. Planetaren jasangarritasunaren inguruko pedagogia nola egin hausnartu dugu Jose Ignacio Asensio Jasangarritasun Diputatua eta Izaskun Suberbiola Mater ontzi-museoko zuzendariarekin batera

Duela zortzi urtetik Euskal Herriko Neska* Gazteak zena Euskal Herriko Gazte Feministak izatera igaro da, prozesu «luze» baten ostean, Uma Ulazia eta Uxue Alkortak NAIZ Irratian azaldu dutenez. Horrela «subjektu politikoa zabaldu» dute disidentziatik borrokatzen dutenak «beste modu batera» hartzeko.

EBko kanpainaren baitan migrazio politikek izan duten pisua eta hauengan eskuin muturrak izan duen eragina jarraitu ostean, ekainaren 9aren osteko balizko egoeraz ohartarazi du Ibai Azparren Gara eta Naizeko kazetariak.

Ekainaren 9ko EBko hauteskundeen kanpaina amaitzen den egunean, Euroganberan euskal herritarren eta oro har, estaturik gabeko nazioen interesen alde jardun ziren Gorka Knörrek eta Iñaki Irazabalbeitiak garaian bizi izandakoaren eta ordutik aldatu denaz hitz egin dute. 

Kezkatuta daude Bilboko Auzoen Jai Batzordeetan, aldundiak txosna eta antzekoetan Batuz zerga sistema ezartzeko asmoa agertu ostean. Batuz sistemarekin, «Bilboko auzo gehienak ezingo lituzketela jaiak antolatu», adierazi du batzordeetako kide Nerea Zuloagak.

Populazioak politikarekiko duen atxikimenduari dagokionez, errealitateak eta gizartearen zati handi batean nagusitu den kontakizunak ez dute beti bat egiten. Gazteak dira horren eredu argia. Iker Iraola EHUko soziologoaren arabera, asko dira, jakin gabe, «praktika politikoak» egiten dituztenak.