ཀུན་གླེང་། - ཨ་རིའི་རླུང་འཕྲིན་ཁང་‪།‬ ཨ་རིའི་&ང་ (VOA Tibetan)

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཧྥ་རན་སི་བོད་རང་བཙན་སློབ་ཕྲུག་ཚོགས་པའི་རྒྱུན་ལས་བསྟན་འཛིན་རྣམ་རྒྱལ་ལགས་གདན་འདྲེན་ཞུས་ནས་ཞི་ཅིན་ཕིང་གི་ཧྥ་རན་སིར་འཚམས་གཟིགས་དང་བོད་པ་དང་བོད་དོན་རྒྱབ་སྐྱོར་བའི་ངོ་རྒོལ་གྱི་ཐད་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཨ་རིའི་བོད་པ་དང་ཆབ་སྲིད་དཔྱད་བརྗོད་པ་བསྟན་འཛིན་ཆོས་དབྱིངས་ལགས་གདན་འདྲེན་ཞུས་ནས་ཨ་རིའི་སློབ་གྲྭ་ཆེན་མོ་ཁག་ཏུ་སློབ་ཕྲུག་མང་པོ་ཞིག་གིས་པ་ལི་སི་ཐན་ལ་རྒྱབ་སྐྱོར་ལས་འགུལ་སྤེལ་བཞིན་པའི་མཚོན་དོན་དང་ཤུགས་རྐྱེན་ཐད་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་གླིང་མཆོག་སྤྲུལ་རིན་པོ་ཆེ་ཨ་རིའི་རྒྱལ་ས་ཝ་ཤིང་ཊོན་དུ་ཕེབས་པའི་གོ་སྐབས་དང་བསྟུན་ནས་བོད་པ་བཙན་བྱོལ་པའི་ཁ་འཐོར་སྤྱི་ཚོགས་སུ་བོད་པའི་ཆོས་དང་རིག་གཞུང་། སྐད་ཡིག་དང་མི་རིགས་ཀྱི་ངོ་བོ་བཅས་པ་གཅེས་འཛིན་ཇི་ལྟར་བྱེད་དགོས་མིན་སོགས་ཀྱི་ཐད་བཅར་འདྲི་ཞུ་རྒྱུ་ཡིན།

རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས་དང་བྱང་ཨ་རིའི་བོད་ཀྱི་སྐུ་ཚབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཚུལ་ཁྲིམས་རྒྱ་མཚོ་ལགས་སུ། ཉེ་ལམ་ཨ་རིའི་ཕྱི་སྲིད་དྲུང་ཆེ་ཨན་ཐོ་ཎི་བྷ་ལིན་ཁེན་མཆོག་རྒྱ་ནག་ཏུ་ཉིན་གྲངས་གསུམ་རིང་གི་འཚམས་གཟིགས་གནང་བར་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་རྒྱལ་སྤྱིའི་བོད་དོན་ལས་འགུལ་ཁང་གི་ཉམས་ཞིབ་འགན་འཛིན་བུ་ཆུང་ཚེ་རིང་ལགས་སུ། ཉེ་ཆར་ཨ་རིའི་ཕྱི་སྲིད་ལྷན་ཁང་དང་རྒྱལ་སྤྱིའི་ཉེས་ཡང་ཚོགས་པ་གཉིས་ཀྱིས་༢༠༢༣ ལོའི་རྒྱལ་སྤྱིའི་འགྲོ་བ་མིའི་ཐོབ་ཐང་གི་གནས་སྟངས་སྐོར་ལོ་འཁོར་སྙན་ཐོ་བཏོན་གནང་ཡོད་པའི་ཐད་བགྲོ་གླེང་ཞུས་ཡོད།

ཀུན་གླེང་ལས་རིམ་དུ་རཱཇ་པུར་ས་སྐྱ་ཆོས་སྒར་གྱི་འགན་འཛིན་དྲུང་ཆེ་བསོད་ནམས་ཆོས་རྒྱལ་ལགས་གདན་འདྲེན་ཞུས་ནས་དཔལ་ལྡན་ས་སྐྱ་༧གོང་མ་ཁྲི་ཆེན་རིན་པོ་ཆེ་མཆོག་ཉེ་ཆར་འབྲུག་ཡུལ་དུ་ཆིབས་བསྒྱུར་གྱིས་ཆོས་ཕྱོགས་ཀྱི་མཛད་འཕྲིན་རྒྱ་ཆེ་བསྐྱངས་པའི་སྐོར་ལ་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།