Dadan Gunawan Podcat Sunda Dadan Gunawan

pupujian teh pangajaran nu pangdipikaresepna ku barudak sabab bisa ngawih bari diajar babarengan.

Pupujian nyaeta karya sastra dina wangun kawih anu biasana dikawihkeun di masjid atawa madrasah pikeun muslim, sedengkeun non muslim mah di gereja pikeun nu ngagem agama kristen. Ku sabab kitu pupujian mah kentel ku suasana kaagamaan. Eusi pupujian biasana muji ka Pangeran, solawat ka nabi, pangajaran agama, jeung pepeling dina kahirupan supaya urang bener dina hirup kumbuhna jeung papada manusa atawa alam sabudeureun.

Pupujian aya dua rupa nyaeta pupujian nu luyu jeung aturan jeung pupujian anu henteu luyu jeung aturan. Aturan pupujian nyaeta sapadana aya opat jajar, tiap jajarna aya 8 nepi ka 12 engang, jeung aya purwakantina.