NAIZ IRRATIA - Bigarren kafea | naiz.eus Naiz Irratia

Mikel Leonet, Gureak elkarteko kidea, Gipuzkoako saskibaloi taldeko material arduraduna da 2019tik. Kirola «inklusiorako tresna» bezala aldarrikatzen du Maider Mitxelena Gureak elkarteko langileak. 

 

ChatGPT-4o chatbotaren bertsio berria nahiko ondo moldatzen da euskaraz, baina apur bat lausengatzaile da. Hori ikasi dugu Unai Elordi Hidalgorekin, chatbota lanean jarri dugunean. 

Susi Quiu izan da aste honetako 'Doinuetatik Haratago' tarteko gonbidatua, artista itzela, eta besteak beste, Egiako El Estudio Arte Akademiaren sortzailea, Musika zale amorratua ere bada, eta gurera ekarri nahi izan ditu bere doinu kuttunak. 

Gaurko egunez, 1937AN, Habana ontzia Santurtziko portutik atera zen, gerratik ihesi zihoazen 15 urtetik beherako 3.840 euskal haurrekin, Erresuma Batura bidean. Haiekin batera, irakasle, emakume boluntario, mediku eta apaizak joan ziren. 

Nagikeria edo alferperkeria izan ditugu hizpide gaur Donna Apellaniz Nieto emozioen terapeutarekin. Horretarako, gure arbasoei begira jarri gara, garai batean nagitasunak zuen garrantzia azpimarratuz.

Cubadisco 2024 musika jaialdian dago Jon Maia. ‘Kantu berri bat gara’ ikuskizuna aurkeztera joan da, eta Silvio Rodriguezekin egoteko aukera izan du. Geurean aurkeztu zuen abeslari kubatarrarekin egindako ‘Nostalgia’ kanta, eta geurean izan dugu jaialdiaz hizketan.