NAIZ IRRATIA - Haria | naiz.eus Naiz Irratia

NAIZ irratiko etxea gero eta handiagoa da, Gonagorri podcasta batu da bizilagun taldera. Ume eta gazte literatura sustatzea du helburu podcast honek. Literatura eta sare sozialen inguruan  arituko dira igande honetan, 10:05ean, Lili Buru euskal influencerrarekin.

Larunbat honetan jokatuko dute Bartzelonak eta Olympique Lyonek Txapeldunen Ligako finala Bilbon, San Mamesen. Bi euskal herritar izango dira aurrez aurre: Irene Paredes eta Damaris Egurrola. Amaia Ugarte GARAko kazetariarekin aztertu dugu final handia, eta Sebas Martija izan da gonbidatu berezia.

Normalizazioak eremuak irabazi eta lan lerroak biderkatzea eskatzen dio euskarari. Aliantza berriek diskurtso berriak behar dituztela deritzo Euskaltzaleen Topaguneak. Politika publikoak egiterako orduan lurraldearen aniztasuna kontuan hartzearen garrantzia azpimarratu du, bestalde, Euskarabideak.

Sortzen guraso elkarteak euskarazko eskolaz kanpoko jardueren bilatzailea aurkeztu du. Jauzi.eus ataria maiatzaren 29az geroztik egongo da erabilgarri. Iruñerriko D ereduko zenbait eskola publikotan euskarazko aisialdia sustatzeko helburuarekin sortutako egitasmoa da.