Lehen Urratsak EITB Radio Televisión Pública Vasca

Juan Manuel Erasun (Aia, Gipuzkoa, 1963) herri kirolari aski ezaguna da, segan eta aizkoran hogei urte luzez aritutakoa. Bederatzi urte zituela, aita gaixotu eta baserrian laguntzeko beharrak bultzatu zuen segan hartzera. Hamahiru urte beranduago egin zuen lehen sega apustua, auzoko lagun batzuen arteko lehiak bultzatuta. Aizkoran beranduago hasi zen, kirol horrekiko grina betidanik izan bazuen ere.
Erasunek podcastean aitortu digu, "laguntzaile on asko" izan dituela bidean eta "horri esker" egin ahal izan duela bere kirol ibilbidea. 2005an hartu zuen behin betiko erretiroa.

Mendi lasterkaria da Oihana Azkorbebeitia (Abadiño 1981) eta Euskal selekzioko kidea 2006tik. Gurasoak Anbotopekoak eta beti egon da mendiarekin eta naturarekin harremanetan. Haur zela atletismoan hasi zen eta bazuen korrika  ibiltzeko joera, baina koinatu batek xaxatuta hasi zen mendian lasterka.
Bere burua ondo ezagutzen du eta  bere kasa egiten ditu entrenamenduak "sentsazioen arabera". Albaitari gisara ateratzen du bizi modua eta Hobby gisara hartzen du mendi lasterketa. Helmugara "irri parra ezpainetan iristea" jartzen du helburu gisara. Irabazi edo galdu ... "beti irabazten da" esan dio podcastean Naiara Olaizolari. 

Karmele Gisasolak herri kirola barru-barruan darama. Txikitatik zuen gustukoa, baina ez zuen plazan ikusten kirol horretan emakumezkorik eta horrek egiten zion atzera aurreneko unean. Nolanahi, harri jasotzen hasi zen baina egun beste hainbat herri kiroletan aritzen da. "Hamazazpi urterekin egin nuen lehen plaza, baina umetatik aritu naiz". Haritz Gallastegiri esan dio argi daukala zeintzuk izan beharko luketen herri kiroletan  emakumeek  epe laburrera izan behar dituzten erronka nagusiak: "Herri kirola ez da genero edo adin kontua. Denok egin ditzakegun kirolak osatzen dute herri kirola" garbi utzi dio  
Entzun Lehen Urratsak podcastaren atala. 

Orkatz Beitia (Ondarroa 1979) berrogei eta bi urteko Atleta da. Sasoian dago oraindik eta ez du pistak uzteko asmorik gorputzak laguntzen dion bitartean. Lasterketa laburretan, Euskal Herrian izandako atletarik azkarrena da, izan ere ondarroarrak  jarritako  markek indarrean jarraitzen dute.
Goi mailako atletismoak fisikoan albo kalteak uzten ditu, baina garbi ikusten du "ez nago kirola egiten ez duten lagunak baina okerrago". Atletismoak "dena" eman dio bizitzan, filosofia oso bat. Arantzaren bat ere badago tartean, jakina. Eta ikasketa bat ere bai " abiaduraren bitartez nire gorputzaren muga ezagutu dut "
Ondarroan ez zegoen Atletismo pistarik bera hasi zenean; badaki zer den saiatzea, beraz. Egun, gaztetxoak trebatzen ditu kirol horretan eta horrek betetzen du podcastean Xabier Muruari azaldu dionez.

 

Maider Undak (Gasteiz 1977) txikitatik izan du gustukoa kirola egitea eta gaur egun ere hurbiletik jarraitzen du kirol mundua nahiz ikusmira oso diferentea den "barruan egon edo kanpoan". Borroka librean aritutako  kirolariak Londresko olinpiar jokoetan brontzezko domina eskuratu zuen, baina 2016an goi mailako kirola utzi zuenetik ez du inbidiarik izan, "oso ziur egon behar da zentratzeko". Eskarmentuak erakutsi bai dio zenbat saiatu behar den puntan ibiltzeko 
Bederatzi urte zituenean hasi zen borroka askea frogatzen. Aitortzen du, neskentzat "aukera gehiago ez zegoen" eta futbola edo borrokaren artean erabaki behar izan zuen. Ez du damurik egindako aukeraz, baina bazekien kirol ibilbidea beste pasio batekin beteko zuela, baserriarekin  Lehen Urratsa podcastean Xabier Muruari esan dionez.
 

Naroa Agirrek (Donostia 1979) txikitatik heldu zion pertikari. Urteak igaro dira , baina Olinpiar jokoetan izandako atleta ohi donostiarra Espainiako markaren jabe da oraindik.
Dohain berezia zeukan atleta izateko. Hasieran, luzera-jauzian hasi zen baina ikusi zuen trebea zela pertikarekin eta pixkanaka joan zen pertikako bidea egiten. "Amets polita zen atletismoarena" eta ametsa egia bilakatu zitzaion. Gurasoek beti babestu eta lagundu zioten, baina atletismoarekin batera ikasketak egiten jarraitzea ere erabaki zuen.
Naroa, Goenkalen ezagutu genuen aktore lanak egiten, baina "lehen urratsak" podcastean, kirolaz galdetu dio Xabier Muruak eta pertika garraiatzeko moduaz.