Ástríðan - Hetjur neðri deildanna Ástríðan - Hetjur neðri deildanna

Viðmælandi lokaþáttarins í fyrstu seríu er minna þekktur en margir aðrir í fyrstu seríu. Þeir sem hafa þó verið í kringum neðri deildirnar síðustu 15 árin vita nákvæmlega hver maðurinn er enda alvöru þungavigtarmaður. Hann hefur varla tekið þátt í riðlakeppni neðri deilda án þess að fara í úrslitakeppni og í flest skiptin farið upp um deild, sjaldan með sama liðinu. Hann hefur spilað 107 leiki sem miðvörður eða framherji og skorað 27 mörk í Ástríðunni.
Boli Léttöl - Lífsalt - Waterclouds - Jako Sport
Ég, Sverrir Mar Smárason, þakka kærlega fyrir góðar móttökur á þessari fyrstu seríu. Ég lofa því að næsta sería er væntanleg í haust en þangað til hvet ég alla áhugasama um að fylgjast með Ástríðunni í sumar. Takk fyrir mig í bili.

Viðmælandi minn í dag er öllum kunnugur. Mosfellingur með 320 leiki og 107 mörk skráð á KSÍ, þarf af 174 leikir og 48 mörk í Ástríðunni. Hann er maður sem allir elska að spila með og hata að spila gegn. Þjálfar í dag mfl kvk hjá aftureldingu. Alexander Aron Davorsson. 
Lífsalt - Boli Léttöl - Waterclouds.is - Jako Sport

Viðmælandi dagsins er Bæjarhetja á Egilstöðum. Stýrir í dag liði bæjarins ásamt því að reka bankakerfið á austurlandi. 31 mark í 211 ástríðuleikjum, nánast allt fyrir Hött. Á meðan liðið fór upp og niður um deildir, leikmenn komu og fóru þá var alltaf ein festa og það var Brynjar Árnason.

Nonna þekkja flestir sem hafa verið viðloðnir neðri deildir á íslandi á þessari öld enda hefur hann þjálfað mörg lið í öllum deildum, lið eins og ÍH, KF, Augnablik, Kára, Elliða, Val og Fylki. 177 þjálfaðir leikir í ástríðunni, 34 í 4.deild og 28 í bestu deild kvenna.

Björgvin Stefán Pétursson er nafn sem allir Ástríðu aðdáendur kannast við. Mikill drifkraftur í uppgangi Leiknis Fáskrúðsfirði á undanförnum árum en spilaði sömuleiðis með ÍR áður en hann fór þangað sem hann er núna, spilandi aðstoðarþjálfari Hattar/Hugins. Minnst sem óþolandi andstæðingi og þykir það ljúft.

Boli - Jako - Waterclouds - Lífsalt
Einar Már Þórisson situr í dag í 2.sæti yfir leikjahæsta, markahæsta og fjölda gulra spjalda fyrir KV eftir langan feril. Einar Már stoppaði við hjá Hamar og Fram sömuleiðis og er af mörgum talinn einn besti leikmaður sem aldrei spilaði leik í efstu deild.