Chin Radio Par Tha Hluan Mang Cin and Ele Tawk Hnem Par

Chinland Thawng, Community Thawng, le Zaanglek Thawng

3CR Chin Radio FB page ah kan leng uh.

Ausralia Melbourne um kan miphun nih Kawlram lei kan unau harnak a tong lio mi bawmhnak caah rian an tuan cuahmah i Chinland lei zong nih an thazaang le an ngeihchuah cio chuah in kan miphun le kan ram a thatthan nak ding caah an i zuam cuahmah lio asi.3CR Chin Radio FB page ah rak kan leng cio uh!

Tulio Chinram ram le Chinmi nih kan tonmi harnak kongkau he pehtlai in Chin Christian Council in Australia (CCCA) tawlrel nakin Australia Chinmi huap hruaitu upa dihlak meeting tuah a si i hi meeting ah "Australia Chin Relief Committee" serchuah a si. Cu committee nih a hmalak ding mi cu:1. Australia Cozah, NGOs pawl sinah "Lobby" fakpi in tuah/aupi ding. 2. Australia in bawmhnak a chuakmi poahpoah hi pikpak si loin hmunkhat ah felfai tein phakter khawh ding. 3. Australia um Chin Churches sinah bawmhnak tuahdingin aupi/tlangtlak ding. 4. Bawmhnak a chuakmi poahpoah cu Chinmi harnak a tongmi dihlak sinah phakter ding timi phun li in kan u-nau harnak a tongmi hna caah riantuan hram dawmh an ii tim.Chuncung khua cu Hakha in khan 15 hrawng a hlatnak ah a um mi a si. Atutan kokek vawlei harsatnak ruang ah Chuncung inn 15 hrawng a rawk i a cheu cu an ttheh cang, a cheu cu tthal chuah tik ah ttheh a timmi zong an um tiah kan theih. Leikuang hi Ekah 42 hrawng mincimh ruang ah a rawk mi a um i cun leihmun a rawkmi zong hi theih rih lomi hmun tampi an um rih lai tiah Pastor Mang Nawl Lin nih a chim.Hakha Khrihfa bu kip hruainak in Vomtu Maung celhtuar ah rawl ulh in minung 1,500 renglo Hakha khua himnak dingah thlacamnak ngeih a si. Pathian dawtnak thawngin ni 4 chung ruah a sur ti lo. Ni hin ni tiang theih tawk ah Hakha le Hakha pengah inn lo rawkmi inn hna cu725 reng lo a si. Hakha, Mi-ee peng Mangnu khuami vialte cu an khua chak mincimh ruangah Aive lam tlangbo ah an khua ningpi in minung 70 renglo harnak tong in buk an tom hna. Nihin ni tiang Hakha khua ah harnak tongmi hna cu camp 11 ah chiah an si i, chungkhar inn-dawng in 1,345 an si ii minung in 5,977 an si. 

ACCY nih Melbourne khuasa kan miphun u-nau caah zaang hlei cawi in zarhteni fatin te ACC office thut in mipi nih an herh mi Bill peknak, Cakuat (Mail) relpiaknak, Zung Phone chawnh piaknak tbt... a herhmi poah man lo tein bawmhnak an ngei lai. Zarhteni paoh ah fuh panh khawh an si lai. Kan mipi nih ngeihchiatnak an ton caan ah ngeihchiatnak a tongmi chungkhar hna rian bawmh awk a herh mi paoh bawmhnak le ngeihchiat pinak zong ACCY nih anmah lungtho tein rian an i khinh. Pathian nih lam hruai chin ko hna seh!3CR Community Radio kum40 tlinnak cu kum voi kumdongh lei ah puai an tuah lai. Music le lamnak phunphun in le hlan lio i radio an rak thlah mi thatha pawl chuah thannak an ngei fawn lai.Malaysia ram ah kan miphun a taang rih mi pawl caah ruahchannak a tlawm tuk cang i thong tlami hna ca chinchin ah cun lung dong ngaingai a si ko. Ram thumnak lanh ding hi a fawi ti lo...

2015 ACC Bupi MeetingACC Office caah part time staff lak ding cu mipi nih an duh ko nain thihloh phaisa thawhmi chung in thlahlawh pak ding an duh lo caah staff lak ding cu fund kawl piak chom ii cu hnu ah can cheu riantuan tu cu lak a si te men lai. Asiloah vlolunteer in maw a dangdang in dek ACC hruaitu thar a si mi nih an khan te lai ti cu ai fiang rih lo. ACC staff cu Khrihfabu pastors hna si she, fimthiamnak lei in thiam sangmi siseh a manh mi le pum a pe kho mi cu ACC office staff caah volunteer khawh a si tiah pu Hre Ling nih a chim. Australia Chin Community nih hi can cheu riantuan tu lak kan herhnak a ruang tampi zong ACC President can saupi a tuan mi Pu Hre Ling nih a chim.2016 in cun ACC thihloh thawhbur cu $50 $35 ah a tum. Hi thihloh hi ACC member asi lo mi nih pek khawh a ngah lo caah ACC member luhnak man cu $10 a si ii Annual fees cu kumkhat ah $15 asi. Cu caah mithar a si mi caah cun thihloh ca, ACC member ca, le Annual fee caah $60 asi lai ii ACC member a si cia mi caah cun $50 asi lai tinak a si. ACC nih soccer club pa8 a ngeih ii tukum 2015 ACC Cup cu pengtlang in siloin club in chuih a si than lai. Club in chuih a duhmi an um bantuk in pengtlang in asiloah a sangsang in chuih a duh mi zong an um. Club in an chuih ter hna ah cun pumpuluih chuih a duh mi a tel kho lo mi kan um tiah mipi lei in elnak a chuak asinain mi tam deuh hnatlaknak in Club in chuih dingah bia chah a si.ACC Cup ah ACC member a si lo mi cu lente i celh khawh a si lai lo, member a si le si lo ai thei lo mi nih member si le si lo I checknak can chikkhat onh a si lai I cu ka ah I check khawh a si lai. ACC Cup ii lentecelh duh ruang lawngah member fee pek a ngah lai lo. A ruang cu, ACC member si khawhnak phunghram a um ii member lut a duh mi paoh nih phunghram nan rak hlathlai cionak lai 3CR Chin Radio in thawng kan in thanh hna.Kum hnih chung ACCY charperson a tuanmi pu Khamh Cun Lian nih cun ACC Cup hi member tlawmte a si mi ACC chunglawng si loin Chin mi kan u-nau si mi a lenglei mi zong ii tel kho ve hna sehlaw, puai hi a sunglawi deuh lai ii kan ii funtom kho deuh lai, cu lawng hmanh si loin network kau deuh zongin rian ai tuan kho lai timi duhsak nak a ngei ii forhfialnak tlawmpal zong meeting a kai mi mipi sinah a chim.CNC nih ACC chung an umnak in chuahnak ca an chiah nain mipi lei nih i then loin hmunkhat ah riantuan ti kho u ti an duh. CNC leiin zei tin bia an chim lai cu ai fiang rih lo. 2015-2017ACC Upa hrai tu hna:Biak SangHmun ThangKyaw UkHre LingThawng HuZa NawlCa Lian HeiCa Hnem Thluai- ACC Ngun KengLian KioLian Ding Hmung- ACC HotuVan Kung Ling Van Lian Hup- ACC Chungtuan2015-2017 ACCY Upa hruaitu hna:Bawi HmungDavid Lal Cung BikHniang ThaNgun ChawnPar Tha HluanSui Vel Par- ACCY Ngun KengTin Za Uk Peng- ACCY ChungtuanBiak Hmun ThawngGrace Ngun Dim ParJohnny LianHniang Tha Ceu Robert Khua Tin ThangTial Tha LenVan Biak LianZa Bik Lian- ACCY HotuKan Chin Radio Facebook Page rak kan leng uh!