Erläbnis Noah

Regelmässig uälade! Was macht viel Views? Wo chunt s’Geld inne? Wie wotts de Chund? Völlig uf sich ällei gstellt sii! Selbschterwartit vs. Möglichkeit. Anonyme Hate. Und debii immer schön id Kamera lache! Glücklich sii!

Influencer sii isch en Fulltimejob. Das törft vielne vo üs bewusst sii. Aber was passiert ii de Chöpf und de Gfühlswelt vo dene Junge Beiiflusser?

Zum dem es biz uf de Grund goh, hanii hüt ä Gschicht debii. Ä Gschicht über d'Iris Reeves, ä ehemoligii schwiizer Influencerstärnlii, wo am Endii weg erä usgwachsene Depression alles annegschmisse hed. Ich bii de Noah und ii dem Podcast gömmer de Frog noh: Macht YouTube chrank?

Triggerwahrnig: Ii dere Folg wird au über Depressione und Selbschtmordgedanke gredet. Wenn dich das Thema belaschtet oder du schogar selbscht betroffe bisch, denn chasch dir uf www.143.ch unverbindlich Hilf holle.


---

Send in a voice message: https://podcasters.spotify.com/pod/show/erlaebnis/message

In es paar Täg chunt min Podcast "Erläbnis" usse. D'Idee isch, dass de Podcast en Ort büütet zum Gschichte verzelle und Erläbnis mizteile. Well ich find, es giit Sachediä mönd eifach ghört werde! Und s'schöne a dere Idee isch jo, dass sie so frei isch und drum alles cha verzellt werde. So ghöremer viellicht vomene Lebensverändernde Erläbnis, über öpis wommer nüme us em Chopf bechunt oder (vo mir us) au vomene Gotteserläbnis. Wobii ich ganz klar bii Letschterem sege muäs, dass ich nöd würklich religiös bii...

---

Send in a voice message: https://podcasters.spotify.com/pod/show/erlaebnis/message